គោលនយោបាយ -ការរស់នៅ គោលនយោបាយ

12/04/2018 - 10:04

គំរូក្នុងសហគមន៍

ឆ្នាំ២០១៧ ខេត្តសុកត្រាំងបានទទួលស្គាល់អ្នកមានប្រជាប្រិយភាពក្នុងសហគមន៍ជនរួមជាតិភាគតិចចំនួន១៨៤នាក់។ អ្នកទាំងនេះ “ជាស្ពានតភ្ជាប់” ជួយភូមិភាគក្នុងការផ្សព្វផ្សាយ ចលនាប្រជាជននិងសហគមន៍ប្រជាជនតាំង ទីលំនៅ អនុវត្តប្រកបដោយប្រសិទ្ធភាពនូវគោលការណ៍ គោលមាគ៌ារបស់បក្សនិងគោលនយោបាយច្បាប់របស់រដ្ឋ តួយ៉ាងដូចលោកថាច់សុើយ និងលោកសុើងណាត ជាអ្នកមានប្រជាប្រិយភាពក្នុងសហគមន៍ជនរួមជាតិខ្មែរ...។

លោកថាច់សុើយ នៅភូមិតាអ៊ុង ឃុំវៀងប៊ិញ ស្រុកត្រឹងដេ កំពុងថែទាំគោទឹកដោះ។

ក្រោយពីថ្ងៃរំដោះ ឯកភាពទឹកដី ឆ្នាំ១៩៧៥ លោកថាច់សុើយ នៅភូមិតាអ៊ុង ឃុំវៀងប៊ិញ ស្រុកត្រឹងដេ ខេត្តសុកត្រាំង ចូលរួមបំពេញការងារជាកងឈ្លបភូមិ ក្រោយមកក៏បានតែងតាំងជាប្រធានកងយោធាឃុំវៀងអាង ស្រុកម៉ីស្វៀង។ ឆ្នាំ១៩៨០ លោកថាច់សុើយ ត្រូវបានបញ្ជូនទៅរៀនថ្នាក់មធ្យមសិក្សានយោបាយ បន្ទាប់ពីចប់វគ្គសិក្សាគាត់ក៏បានតែងតាំងជាប្រធានគណៈកម្មាធិការប្រជាជនឃុំវៀងអាង ប្រធានគណៈកម្មាធិការប្រជាជនឃុំវៀងប៊ិញ ស្រុកម៉ីស្វៀង។ ទោះបីឋិតក្នុងតួនាទីណាក៏ដោយ លោកសុើយ តែងអនុវត្តសម្រេចភារកិច្ចដែលថ្នាក់លើប្រគល់ឲ្យ និងបានប្រជាជនស្រឡាញ់រាប់អានរហូតដល់ឆ្នាំ១៩៨៨ លោក បានថ្នាក់លើចាត់បញ្ជូនមកធ្វើជាអនុប្រធានការិយាល័យជនជាតិស្រុកម៉ីស្វៀង ចាប់ពីឆ្នាំ១៩៩០ រហូតដល់ឆ្នាំ១៩៩៧ ត្រូវបានចាត់បញ្ជូនមកធ្វើលេខាបក្សឃុំវៀងប៊ិញ ស្រុកម៉ីស្វៀង រហូតដល់ចូលនិវត្តន៍តាមរបប។ លោកថាច់សុើយ មានប្រសាសន៍៖ “បន្ទាប់ពីប្តូរមកភូមិប្រជុំជីវកិច្ចបក្ស ខ្ញុំមានពេលវេលាចូលរួមការងារសង្គមបានច្រើន តួយ៉ាងដូចសហការជាមួយនឹងព្រះចៅអធិការវត្តផ្តៅពេន ចលនាប្រជាជនបរិច្ចាគដីរាប់ពាន់ម៉ែត្រធ្វើផ្លូវគមនាគមន៍ជនបទ បច្ចុប្បន្ន ផ្លូវនេះបានរដ្ឋបង្កើនកម្រិតជាផ្លូវដាន។ ក្រៅពីនោះ ខ្ញុំនៅទាំងចលនាប្រជាជនកសាងស្ពានជនបទចំនួន២០ខ្សែ និងផ្លូវដានរាប់រយម៉ែត្របន្ថែមទៀត ដើម្បីមាមីងដឹកជញ្ជូនកសិផលក្មួយៗ ទៅរៀនមានភាពងាយស្រួលជាង”។

ទន្ទឹមនឹងការយកចិត្តទុកដាក់អនុវត្តការងារសុខុមាលភាពសង្គមនៅភូមិភាគ លោកថាច់សុើយ នៅទាំងជាអ្នកនាំមុខក្នុងការចលនាមាមីងកសិករប្រឡងប្រណាំង ពលកម្មផលិតពិតមែនតែគ្រួសារលោកគ្មានដីផលិតកម្មក៏ដោយ ប៉ុន្តែក្នុងទ្រុងដរាបណាក៏មានជ្រូកមេ២០ ក្បាល ជ្រូកសាច់១០០ក្បាល នាំមកប្រាក់ចំណូលលំនឹងជូនគ្រួសារ។ ក្រៅពីនោះ ជារៀងរាល់ឆ្នាំ គាត់នៅទាំងលក់កូនជ្រូកឲ្យគ្រួសារឋិតក្នុងក្របខណ្ឌគ្រួសារក្រីក្រប្រមាណពី៨-១០គ្រួសារ។ ដោយសារតម្លៃជ្រូកនៅទីផ្សារមិនទៀងទាត់ គាត់ក្តោបក្តាប់បានគោលការណ៍របស់រដ្ឋអំណាចភូមិភាគពង្រីកហ្វូងគោ គឺជាទិសដៅដើម្បីប្រជាជនចាកផុតពីភាពក្រីក្រ ក្នុងនោះ មានគោទឹកដោះជាដើម ម៉្លោះហើយលោកក៏វិនិយោគទុនចិញ្ចឹមគោទឹកដោះចំនួន១០ក្បាល គោបង្កាត់ស៊ីនចំនួន១០ក្បាល និងជួលដីមាមីងដាំស្មៅ១០កុង។ បច្ចុប្បន្ន ជារៀងរាល់ថ្ងៃ គោកំពុងផ្តល់ទឹកដោះចំនួន៥ក្បាល ប្រមាណបាន៥០គីឡូក្រាម ដោយថ្លៃលក់១០.៥០០ដុង/គី ឡូក្រាម បន្ទាប់ពីទូទាត់រួច គាត់នៅចំណេញប្រមាណ១០លានដុង/ខែ។ អាស្រ័យមានចំណេះដឹងខាងវិទ្យាសាស្រ្តបច្ចេកទេសក្នុងការចិញ្ចឹមសត្វ ម៉្លោះហើយលោក ថាច់សុើយបានសមាគមកសិករឃុំនិងប្រជាជនជ្រើសធ្វើជាប្រធានក្រុមចិញ្ចឹមគោទឹកដោះ ឃុំវៀងអាង ដោយមានសមាជិកចំនួន១២នាក់ សមាជិកទាំងនេះ ត្រូវបានលោកជួយណែនាំពីរបៀបថែទាំនិងឲ្យចំណីគោស៊ីឲ្យបានសមស្រប ដើម្បីគោផ្តល់ទឹកដោះច្រើន គុណភាពល្អ លក់បានតម្លៃខ្ពស់។ ដោយការប៉ិនប្រសប់ក្នុងការងារផលិតកម្ម លោកបាននាំមកនូវប្រាក់ចំណូលជូនគ្រួសារជាង២០០លានដុង/ឆ្នាំ និងរួមចំណែកយ៉ាងច្រើនជូនភូមិភាគ។

លោកសុើងណាត នៅភូមិព្រែកចេក ឃុំវៀងអាង ស្រុកត្រឹងដេ។

ចំណែកលោកសុើងណាត នៅភូមិព្រែកចេក ឃុំវៀងអាង ស្រុកត្រឹងដេ ខេត្តសុកត្រាំង គាត់ក៏ជាកសិករគំរូ ជម្នះលំបាកដើម្បីធ្វើមានដែរ។ គ្រួសារលោកមានដីស្រែ២០កុង ផលិតស្រូវ២រដូវ/ឆ្នាំ គាត់បានមន្ទីរកសិកម្មនិងអភិវឌ្ឍជនបទខេត្តសុកត្រាំង ផ្តល់ឯកសារផ្ទេរជូនវិទ្យាសាស្រ្តបច្ចេកទេស និងបទពិសោធន៍ល្អៗជាច្រើន ពីរបៀបផលិតស្រូវគុណភាពខ្ពស់និងបានកម្មាភិបាលកសិកម្មណែនាំអនុវត្តលើអម្ពកស្រែរបស់ខ្លួន ហើយក៏ផ្សព្វផ្សាយឲ្យមាមីងក្នុងភូមិអនុវត្តតាម។ លោកសុើងណាត ឲ្យដឹង៖ “ពីមុននៅតំបន់វៀងអាង ធ្វើស្រែពុំសូវ បានផល ប៉ុន្តែក្រោយពីបានកម្មាភិបាលកសិកម្មណែនាំ ខ្ញុំក៏អនុវត្តផលិតស្រូវគុណភាពខ្ពស់ដំបូងបង្អស់ក្នុងឃុំ ហើយស្រូវក៏សម្រេចបានទិន្នផលខ្ពស់។ ទន្ទឹមនឹងស្រូវផ្តល់ទិន្នផលខ្ពស់ លក់បានថ្លៃ ម្យ៉ាងទៀតពូជស្រូវនេះ សមស្របនឹងតំបន់ដីចាប់ជាតិប្រៃ ម៉្លោះហើយពេលឃើញ ខ្ញុំផលិតផ្តល់ទិន្នផលខ្ពស់មាមីងផលិតតាម បច្ចុប្បន្ន ទូទាំងឃុំវៀងអាងមានផ្ទៃដីប្រមាណជាង៨០% ផលិតពូជ ស្រូវគុណភាពខ្ពស់ នាំមកនូវប្រាក់ចំណូលខ្ពស់ជូនគ្រួសារនិងមាមីងនៅភូមិភាគ”។ ក្រៅពីនោះ លោកនៅទាំងជាសមាជិកគណៈកម្មការវត្តបឹងទន្សា ឃុំវៀងអាង ពេលព្រះសង្ឃ គណៈកម្មការវត្តបវារណាប្រាក់កសាងនូវសំណង់អ្វីមួយក្នុងវត្តអារាមគាត់តែងខ្នះខ្នែងចលនា មាមីងរួមវិភាគទានដោយមិនរារែកឡើយ។

លោកត្រឹងក្វឹកអាង ប្រធានការិយាល័យជនជាតិស្រុកត្រឹងដេ ខេត្តសុកត្រាំង ឲ្យដឹង៖ ប៉ុន្មានឆ្នាំកន្លង អ្នកមានប្រជាប្រិយភាពក្នុងជនរួមជាតិភាគតិចនៅភូមិភាគគឺជាកម្លាំងស្នូលក្នុងការចលនាប្រឡងប្រណាំងស្នេហាជាតិ រាល់ការចលនានៅភូមិភាគត្រូវបានអនុវត្តប្រកបដោយប្រសិទ្ធភាព។ អ្នកមានប្រជាប្រិយភាពក្នុងជនរួមជាតិភាគតិច កំពុងពង្រីកបានល្អនូវតួនាទីជាស្ពានតភ្ជាប់រវាងប្រជាជននិងបក្ស រដ្ឋអំណាចនិងរណសិរ្សមាតុភូមិគ្រប់លំដាប់ថ្នាក់។ ព្រមទាំងចលនាជនរួមជាតិលើកកម្ពស់ស្មារតីប្រុងប្រយ័ត្ន ប្រទះឃើញបរិហារឧក្រិដ្ឋជន រក្សាសន្តិសុខសណ្តាប់ធ្នាប់ រក្សាអត្តសញ្ញាណវប្បធម៌ជនជាតិ បំបាត់ទម្លាប់ឱនថយអបិយជំនឿ ចូលរួមក្នុងការអភិវឌ្ឍសេដ្ឋកិច្ច-សង្គម កសាងគ្រួសារវប្បធម៌ រួមចំណែកកសាងជនបទថ្មី ក្នុងនោះមានលោកថាច់សុើយ និងលោកសុើងណាត ជាគំរូដើម្បីមាមីងក្នុងភូមិស្រុកយក តម្រាប់តាម៕

ត្រឿងផល-មុនី

ចែករំលែកអត្ថបទ

ពាក្យគន្លឹះ