គោលនយោបាយ -ការរស់នៅ គោលនយោបាយ

26/03/2018 - 16:54

១២ឆ្នាំផ្សារភ្ជាប់ជាមួយការងារនារី

បងស្រីង្វៀនធៀងង៉ា ទទួលភារកិច្ចប្រធានសាខាសមាគមនារីជនជាតិខ្មែរ សង្កាត់ស្វឹងខាញ់ ក្រុងកឹងធើ អស់រយៈកាល១២ឆ្នាំ។ បងស្រីមានវិធីអនុវត្តល្អៗដើម្បីជួយនារីជនជាតិខ្មែរអភិវឌ្ឍសេដ្ឋកិច្ចគ្រួសារ កសាងជីវភាពសុភមង្គល។

គេហដ្ឋានថ្មីរបស់គ្រួសារបងស្រីថាច់ធីថៀង។

ជួបសំណេះសំណាលជាមួយនារីជនរួមជាតិខ្មែរជាច្រើនរូបក្នុងសាខាសមាគម អាចយល់បាននូវការគោរពស្រឡាញ់របស់សមាជិកសម្រាប់បងស្រីង្វៀនធៀងង៉ា។ បងស្រីលីធីតាយ គ្រួសារទើបចាកផុតពីភាពក្រីក្រ បច្ចុប្បន្នលក់ដូរបន្តិចបន្តួចនៅផ្សារស្វឹងខាញ់ ឲ្យដឹង៖ “អាស្រ័យដោយបងស្រីង៉ាអូសទាញទើបកូនៗខ្ញុំទាំងពីរនាក់ល្អត្រឹមត្រូវទៅរៀនមុខរបរ និងមានការងារធ្វើលំនឹង។ បច្ចុប្បន្ន កូនៗអាចរកបានប្រាក់ចំណូល ដើម្បីជួយគ្រួសារ។ ខ្ញុំក៏បានបងស្រីឧទ្ទេសនាមចូលក្រុមធ្វើនំប្រជាប្រិយរបស់ភូមិភាគ ដោយជំនាញធ្វើនំឈ្នួលរដូវបុណ្យចូលឆ្នាំ អាពាហ៍ពិពាហ៍។ ឆ្នាំកន្លងហើយ គ្រួសារខ្ញុំបានជំនួយសង់ផ្ទះមួយខ្នងគិតទឹកប្រាក់ជាង៤០លានដុង។ មិនចំពោះតែរូបខ្ញុំទេ មានបងប្អូនក្នុងខាសាជួបលំបាកតែងបានបងស្រីង៉ា ជួយដោយអស់ពីចិត្តពីថ្លើមផងដែរ”។

បច្ចុប្បន្នសាខាសមាគមនារីខ្មែរសង្កាត់ស្វឹងខាញ់ មានសមាជិក១៥២នាក់។ បងប្អូននារីមានការងារលំនឹងជាង៩០%។ សាខានិងរូបបងស្រីធៀងង៉ាផ្ទាល់ ទទួលបានលិខិតសរសើរជាច្រើនលើកពីសមាគមចំព្រោះស្នាដៃចលនាឆ្នើម។ បងស្រីង៉ា ឲ្យដឹង៖”ខ្ញុំបំពេញការងារនៅសង្កាត់បាន១៥ឆ្នាំ។ ដំបូងខ្ញុំជាគ្រូពេទ្យដំណាក់សុខាភិបាល កម្មាភិបាលសមាគមកាកបាទក្រហមសង្កាត់ ម៉្លោះហើយមានឱកាសជិតស្និទ្ធ និងក្ដាប់បាននូវការលំបាករបស់បងប្អូននារីជនរួមជាតិខ្មែរ។ ក្រោយពីបានប្រគល់ភារកិច្ចជាប្រធានសាខាសមាគមសហពន្ធនារីសង្កាត់ស្វឹងខាញ់ ខ្ញុំស្នើសុំបង្កើតសាខាដោយឡែកសម្រាប់បងប្អូននារីជនរួមជាតិខ្មែរ និងបានថ្នាក់លើយល់ព្រមបង្កលក្ខណសម្បត្តិជូនសាខាសមាគមដំណើរការ។ ឆ្នាំកន្លងហើយ សាខាសមាគមនារីជនរួមជាតិខ្មែរសង្កាត់ស្វឹងខាញ់សង់ផ្ទះថ្មីចំនួន២ខ្នង សរុបទឹកប្រាក់ជាង៩០លានដុង។ ថវិកាទាំងនេះ បានមកពីការចលនាខាងក្រៅ”។ ក្រៅពីការចលនាសង់ផ្ទះជូនសមាជិក បងស្រីង៉ានៅទាំងចលនាអាជីវកម្មធំៗ ម្ចាស់មូលដ្ឋានផលិតទទួលបងប្អូនជនរួមជាតិខ្មែរចូលធ្វើការក្នុងមូលដ្ឋានបោះពុម្ព បិទគម្របដបទឹកសុទ្ធ បញ្ចូលនិងបិទស្លាកផលិតផល។ល។ បងស្រីង៉ា ឲ្យដឹងដោយក្ដីរីករាយ៖ “បងប្អូននារីខ្មែរមានការឧស្សាហ៍ព្យាយាម ស្មោះត្រង់ម៉្លោះហើយមូលដ្ឋាននានាតែងឲ្យតម្លៃខ្ពស់។ ធ្វើការមួយរយៈបងប្អូនបានបង្កើនប្រាក់ខែ ឧទ្ទេសនាមធ្វើការបន្ថែមនៅកន្លែងដទៃទៀត។ អាស្រ័យហេតុនេះ ក្រុមចងសម្ព័ន្ធធ្វើការងារផ្ទះ បច្ចុប្បន្នកំពុងដំណើការប្រកបដោយប្រសិទ្ធភាព។ ជារៀងរាល់ឆ្នាំ សាខាសមាគមបង្កការងារធ្វើជូនបងប្អូននារីជាង២០០លើកនាក់។ ចំពោះក្រុមចងសម្ព័ន្ធធ្វើនំប្រជាប្រិយ-គឺជានំប្រកបដោយលក្ខណៈពិសេសរបស់ជនរួមជាតិខ្មែរ បានបង្កើតឡើងនៅឆ្នាំ២០១៧ តែងដំណើរការបានលំនឹង ហើយមានការលក់ដុំនិងកុម្មង់ទិញកន្លែងលក់រាយជាច្រើនទៀត”៕

ថាញ់ភូ-ទីទុយ

ចែករំលែកអត្ថបទ

ពាក្យគន្លឹះ