សន្តិសុខ - ការពារប្រទេស ការពារប្រទេស

14/11/2017 - 08:50

បង្កើនកិច្ចសហប្រតិបត្តិការរវាងប្រទេសទាំងពីរ

គណៈកម្មាធិការប្រជាជនខេត្តកៀងយ៉ាង (វៀតណាម) ជាមួយនឹងខេត្តព្រះសីហនុ (ប្រទេស កម្ពុជា) ទើបរៀបចំសន្និបាតបូកសរុបបណ្ដោះអាសន្នពីរឆ្នាំ(២០១៥-២០១៦) នៃកិច្ចសហប្រតិបត្តិការរវាងខេត្តទាំងពីរ និងទិសដៅសហការពីរឆ្នាំជាបន្ត (២០១៧-២០១៨)។

គណៈកម្មាធិការប្រជាជនខេត្តកៀងយ៉ាងនិងខេត្តព្រះសីហនុ ចុះហត្ថលេខាលើឯក

សារសហប្រតិបត្តិការរវាងខេត្តទាំងពីរ ដំណាក់កាល២០១៧-២០១៨។

ក្រោយពីពីរឆ្នាំ (២០១៥-២០១៦) អនុវត្តឯកសារនៃកិច្ចសហប្រតិបត្តិការរវាងខេត្តកៀងយ៉ាងនិងខេត្តព្រះសីហនុ មានខ្លឹមសារសំខាន់ៗ ជាច្រើនដែលខេត្តទាំងពីរអនុវត្តនិងសម្រេចបាន។ ឆ្លងតាមរយៈនោះ តម្លៃនីហរ័ណ អាហរ័ណ រវាងខេត្តកៀងយ៉ាងនិងខេត្តនានាដែលជាប់ព្រំដែនកម្ពុជា សម្រេចបានសរុប២២៤,៨លានUSD; មានភ្ញៀវទេសចរកម្ពុជាជាង១១.៨០០លើកនាក់ មកទេសចរខេត្តកៀងយ៉ាង ដោយឆ្លងច្រកព្រំដែនអន្តរជាតិហាតៀងនិងច្រកអន្តរជាតិយ៉ាងថាញ់; ភ្ញៀវទេសចរវៀតណាមធ្វើដំណើរទៅប្រទេសកម្ពុជា ឆ្លងច្រកព្រំដែនទាំងពីរនេះជិត៥៦ពាន់៦០០លើកនាក់។ ទំនាក់ទំនងសហប្រតិបត្តិការគ្រប់គ្រងការពារសន្តិសុខសណ្ដាប់ធ្នាប់នៅតំបន់ទឹកប្រវត្តិសាស្រ្ត; ស្វែងរកនិងធ្វើមាតុភូមិនិវត្តន៍អដ្ឋិធាតុយុទ្ធជនពលីនៃកងទ័ពស្ម័គ្រចិត្តនិងអ្នកជំនាញការវៀតណាម ដែលបានពលីកម្មក្នុងសម័យសង្គ្រាមនៅប្រទេសកម្ពុជា ត្រូវបានអនុវត្តនិងទទួលបានលទ្ធផលជាច្រើន។ ហើយក្នុងអំឡុងពីរឆ្នាំកន្លង មន្ទីរ ផ្នែក ភូមិភាគនានារបស់ខេត្តទាំងពីរ បានអនុវត្តនូវសកម្មភាពទំនាក់ទំនងមិត្តភាព សហការវប្បធម៌ សិល្បៈ ទស្សនកិច្ចជាមិត្តភាពនិងប្រសិទ្ធពរទៅវិញទៅមកក្នុងឱកាសតេតង្វៀងដាងរបស់វៀតណាម និងបុណ្យចូលឆ្នាំថ្មីរបស់កម្ពុជា រួមចំណែករឹតបន្ដឹងទំនាក់ទំនងសាមគ្គីមិត្តភាព និងការយោគយល់គ្នាទៅវិញទៅមក រវាងខេត្តទាំងពីរ។

ក្នុងអង្គសន្និបាត ថ្នាក់ដឹកនាំនៃខេត្តទាំងពីរបន្តចុះហត្ថលេខាលើឯកសារសហប្រតិបត្តិការដំណាក់កាល២០១៧-២០១៨ ក្នុងកិច្ចសហការការពារសន្តិសុខសណ្ឋាប់ធ្នាប់;ស្វែងរកនិងធ្វើមាតុភូមិនិវត្តន៍អដ្ឋិធាតុយុទ្ធជនពលីនៃកងទ័ពស្ម័គ្រចិត្តនិងអ្នកជំនាញការវៀតណាម ដែលបានពលីកម្មក្នុងសម័យសង្គ្រាមនៅប្រទេសកម្ពុជា; សហប្រតិបត្តិការលើវិស័យសេដ្ឋកិច្ចពាណិជ្ជកម្ម និងកសិកម្ម; វិស័យវប្បធម៌ កីឡា សុខាភិបាល អប់រំ និងកិច្ចការបរទេសប្រជាជន។

ថ្លែងយោបល់ក្នុងអង្គសន្និបាត សមមិត្ត ផាមវ៉ូវហុង ប្រធានគណៈកម្មាធិការប្រជាជនខេត្តកៀងយ៉ាង អបអរសាទរនូវលទ្ធផលនៃការបោះឆ្នោតឃុំ សង្កាត់ នីតិកាល៤ របស់ប្រជាជនកម្ពុជានៅខេត្តព្រះសីហនុ កន្លងហើយ ទទួលបានជោគជ័យយ៉ាងត្រចះត្រចង់។ លោកយន្ដមីន អភិបាលខេត្ត ព្រះសីហនុ ក៏បានយលស្របជាមួយនឹង ទស្សនៈរបស់សមមិត្តផាមវ៉ូវហុង ហើយបានអំពាវនាវអាជីវករវៀតណាមនិយាយរួម ខេត្តកៀងយ៉ាងនិយាយដោយឡែក បង្កើនការស្វែងយល់វិនិយោគទុនចូលខេត្តព្រះសីហនុ ពិសេសគឺវិស័យកសិកម្ម ទេសចរណ៍ផ្លូវសមុទ្រ; ទន្ទឹមនឹងនោះ អំណះអំណាង រយៈពេលខាងមុខនឹងបន្តកិច្ចចង្អុលការរាល់ផ្នែកសមត្ថកិច្ចអនុវត្តល្អនូវខ្លឹមសារឯកសារនៃកិច្ចសហប្រតិបត្តិការដំណាក់កាល២០១៧-២០១៨ រួមចំណែកបង្កើនទំនាក់ទំនងមិត្តភាពល្អប្រសើរនៃខេត្តទាំងពីរ។ ឆ្លងតាមរយៈនោះ បង្កើនការធានាសន្តិសុខ ជំរុញអភិវឌ្ឍសេដ្ឋកិច្ច វប្បធម៌សង្គម នាំមកនូវជីវភាពសម្បូរសប្បាយជូនប្រជាជននៃខេត្តទាំងពីរ៕

ឡេស៊ាង-វិមាន

ចែករំលែកអត្ថបទ

ពាក្យគន្លឹះ