សុខភាព - អប់រំ អប់រំ

03/10/2017 - 09:27

ដើម្បីប្រើប្រាស់បណ្ដាញសង្គមប្រកបដោយប្រសិទ្ធភាព

មន្ទីរអប់រំនិងបណ្ដុះបណ្ដាលខេត្តវិញឡុង បានសហការជាមួយនឹងមន្ទីរព័ត៌មាននិងសារគមនាគមន៍ខេត្ត រៀបចំសិក្ខាសាលា លើប្រធានបទ “ប្រើប្រាស់បណ្ដាញសង្គមប្រកបដោយប្រសិទ្ធភាព”។ សិក្ខាសាលា សំដៅប្រមូលផ្ដុំពិភាក្សា ស្ដីពីផលប្រយោជន៍និងផលវិបាកនៃបណ្ដាញសង្គមពិសេសគឺចំពោះសិស្ស និស្សិត;មានការលើកឡើងនូវវិធានការទាញយកផលពីបណ្ដាញសង្គមប្រកបដោយប្រសិទ្ធភាព។

បណ្ដាញសង្គមពីមួយថ្ងៃទៅមួយថ្ងៃកាន់តែរីកសាយភាយទូទាំងពិភព
លោក។ រូប nternet

វៀតណាម បច្ចុប្បន្នមានអ្នកប្រើប្រាស់បណ្ដាញសង្គមប្រមាណ៤៦លាននាក់ ស្រូបអត្រា៤៨%នៃចំនួនប្រជាជន។ បណ្ដាញសង្គមបានក្លាយជាប្រព័ន្ធព័ត៌មានដ៏ធំមួយ ជាមួយនឹងព័ត៌មានដូចជាពាណិជ្ជកម្មវប្បធម៌សង្គម សុខាភិបាល សាសនា វិទ្យាសាស្ត្រ បច្ចេកទេស។ល។ ជ្រៀតចូលគ្រប់ជ្រុងជ្រោយគ្រប់ស្រទាប់សង្គម។ ទន្ទឹមជាមួយនឹងភាពវិជ្ជមាន បណ្ដាញសង្គមក៏មានកត្តាអវិជ្ជមានមិនតិចជះឥទ្ធិពលដោយផ្ទាល់ដល់បរិស្ថានសង្គម ផលប្រយោជន៍សហគមន៍ ពុំនោះសោតដល់សន្តិសុខជាតិ។

ប្រធានសមាគមព័ត៌មានវិទ្យាខេត្តវិញឡុង ង្វៀងតឹងយឿង សង្កត់ធ្ងន់ស្ថានភាពញៀនបណ្ដាញសង្គម ដោយចំណាយពេលច្រើនទៅលើវា បណ្ដាលឲ្យមនុស្សធ្លាក់ក្នុងស្ថានភាពរស់នៅក្នុងភាពស្រមើស្រមៃ និងធ្វើឲ្យបាត់បង់បំណិនទន់។ ត្បិតប្រភពព័ត៌មានលើប្រព័ន្ធ មិនត្រូវបានត្រួតពិនិត្យតាមដានម៉្លោះហើយ មានព័ត៌មានជាច្រើនគ្មានភាពសុក្រឹត នឹងការរាលដាលនៃវប្បធម៌អាសអាភាស។ ក្នុងពេលនោះ យុវជនមួយចំនួនមិនទាន់មានការយល់ដឹងដើម្បីសម្រិតសម្រាំងព័ត៌មាន ម្ល៉ោះហើយងាយនឹងធ្វើឲ្យមានការយល់ខុស បណ្ដាលឲ្យមានសកម្មភាពមិនត្រឹមត្រូវ ដូចជាធ្វើអត្ថាធិប្បាយ វាយតម្លៃគ្មានសត្យានុម័តច្បាស់លាស់ បំពានលើសេចក្ដីកំណត់របស់រដ្ឋ។

ទន្ទឹមនឹងភាពអវិជ្ជមាន អ្នកតំណាងទាំងឡាយក៏បានបញ្ជាក់ មិនអាចបដិសេធន៍ចំពោះភាពវិជ្ជមានដែលបណ្ដាញសង្គមបាននាំមកដូចជា ការផ្ដល់ជាប្រយោជន៍ក្នុងការស្វែងរកព័ត៌មាន បង្កើតចំណងមិត្តភាពផ្ទាល់ខ្លួន ការកំសាន្ត ពាណិជ្ជកម្ម។ល។ ប្រសិនប្រើប្រាស់បានត្រឹមត្រូវនោះបណ្ដាញសង្គមគឺជាឧបករណ៍កំសាន្ត សិក្សាស្រាវជ្រាវដ៏មានប្រសិទ្ធភាពមួយសម្រាប់សិស្សនិស្សិត។ ជាការដាក់ចេញនូវវិធានការមួយចំនួន ដើម្បីទប់ស្កាត់នូវភាពអវិជ្ជមាននៃបណ្ដាញសង្គមចំពោះសិស្ស និស្សិតសព្វថ្ងៃនេះ។ អ្នកគ្រូ ង្វៀនហ្វាងអៀង (វិទ្យាល័យវិញឡុង) ឲ្យដឹង៖ គ្រួសារ សាលារៀន និងសង្គមគប្បីយកចិត្តទុកដាក់ជាប្រចាំក្នុងការព្យាយាមអនុវត្តនូវរាល់សកម្មភាព ផ្សព្វផ្សាយអប់រំដល់សិស្ស ដូចជាចាត់ចែងវគ្គអប់រំបន្ថែមក្រៅម៉ោង អំពីបំណិនជីវិត សកម្មភាពលេងកំសាន្តមានប្រយោជន៍ ដើម្បីបង្កើនសាមគ្គីភាពសហគមន៍ ជួយឲ្យប្អូនៗមានការយល់ដឹងត្រឹមត្រូវ តម្រែតម្រង់បានទាន់ពេលខណៈមានអាកប្បកិរិយាណាមួយខុសឆ្គង។

ទន្ទឹមនឹងការអប់រំដល់យុវជន លើកកម្ពស់ការយល់ដឹងពីបណ្ដាញសង្គម សាលារៀន គ្រួសារគប្បីណែនាំ ពិគ្រោះយោបល់ដល់សិស្សពីចំណេះដឹង និងបំណិននៃការប្រើប្រាស់បណ្ដាញសង្គមបង្គាប់ឲ្យសិស្សចេះប្រកាន់យកឥរិយាបថ នៅពេលបានជួបព័ត៌មានអាក្រក់អូសទាញ បញ្ចុះបញ្ជូលប្រតិកិរិយា៕

យោងTTXVN-ប្រែសម្រួល ពេជ្រសឿន

ចែករំលែកអត្ថបទ

ពាក្យគន្លឹះ