គោលនយោបាយ -ការរស់នៅ ការរស់នៅ

24/05/2016 - 10:22

លោកថាច់ភូប្រកបរបរចិញ្ចឹមសត្វដើម្បីចាកផុតពីភាពក្រីក្រ

លោកថាច់ភូ អាយុ៥៦ឆ្នាំ នៅភូមិប៊ិញទ្រុង ឃុំទ្រុងហីវ ស្រុកវុងលីម ខេត្តវិញឡុង តែងបានអ្នកផងដឹងឮច្រើន ពីព្រោះគ្រួសារលោកជាគំរូ លេចធ្លោក្នុងពលកម្មផលិតឈានឡើងចាកផុតពីភាពក្រីក្រ។

ទម្រង់រូបភាពចិញ្ចឹមគោមេរបស់លោកថាច់ភូ។

អាស្រ័យប្រើប្រាស់ប្រភពទុនបុល អាទិភាពសម្រាប់គ្រួសារក្រីក្រពីធនាគារគោលនយោបាយសង្គមដោយប្រសិទ្ធភាព ព្រមជាមួយនឹងស្មារតី ស៊ូទ្រាំ និងការលំបាក ទើបគ្រួសារលោកថាច់ភូ បានចាកផុតពីភាពក្រីក្រ មានជីវភាពធូរធារ សុភមង្គលដូច្នេះ។ លោកថាច់ភូ ឲ្យដឹង៖ "ពីមុនគ្រួសារខ្ញុំស្ថិតក្នុងក្របខ័ណ្ឌគ្រួសារក្រីក្រដែរ លុះដល់ឆ្នាំ២០០៩ សមាគមកសិករឃុំសហការជាមួយនឹងរដ្ឋអំណាចភូមិភាគ និងសាខាធនាគារគោលនយោបាយសង្គមស្រុកវុងលីម ផ្សព្វផ្សាយឲ្យគ្រួសារក្រីក្រ បុលដើមទុនសម្រាប់ការផលិត ចិញ្ចឹមសត្វដើម្បីពង្រីកសេដ្ឋកិច្ចគ្រួសារ ខ្ញុំសូមបុល១៥លានដុង។ ផ្តើមពីប្រភពទុននេះ ខ្ញុំទិញគោមេមួយក្បាលតម្លៃ១២លានដុង។ ទឹកប្រាក់នៅសល់ទាំងប៉ុន្មានខ្ញុំសង់ក្រោលគោ។ ក្រោយពីចិញ្ចឹមបានមួយរយៈ គោរបស់គ្រួសារខ្ញុំមានការកើនឡើងរកបានប្រាក់ចំណូលបង្គួរ ជួយឲ្យជីវភាពគ្រួសារលំនឹងជាងមុន"។ បច្ចុប្បន្ន ក្នុងក្រោលរបស់គ្រួសារលោកពេលណាក៏មានគោប្រាំឬប្រាំមួយក្បាលជាប្រចាំ។

និយាយពីគ្រួសារលោកថាច់ភូ បងឡេង៉ុកកេវ លេខាសាខាបក្ស និងជាប្រធានភូមិប៊ិញទ្រុង ឲ្យដឹង៖ "ទម្រង់រូបភាពចិញ្ចឹមគោមេរបស់លោកថាច់ភូ បានជួយឲ្យគ្រួសារគាត់ឈានឡើងធូរធារជាសន្សឹមៗ"។ ដើម្បីចិញ្ចឹមគោសម្រេចបានជោគជ័យ លោកថាច់ភូ តែងរៀនសូត្របទពិសោធន៍ តាមរយៈសៀវភៅ កាសែតនិងចូលរួមវគ្គហ្វឹកហាត់ដែលសមាគមកសិកររៀបចំឡើង។ ផ្តើមពីនោះ លោកអនុវត្តត្រូវតាមវិទ្យាសាស្រ្ត បច្ចេកទេសក្នុងការថែទាំហ្វូងគោ ធានាអនាម័យក្រោលគោស្អាតស្អំមិនឲ្យកខ្វក់បរិស្ថាន។ លោកថាច់ភូ ឲ្យដឹងបន្ថែម៖ "របរចិញ្ចឹមគោមិនសូវមានហានិភ័យ ប្រភពចំណីក៏ងាយរកសមស្របជាមួយនឹងគ្រួសារជាច្រើននៅជនបទ។ ពេលខាងមុខ ខ្ញុំនឹងពង្រីកហ្វូងគោជាបន្ត ដើម្បីរកប្រាក់ចំណូលបន្ថែមជូនគ្រួសារ ទន្ទឹមនឹងនោះ មានលក្ខណៈសម្បត្តិដើម្បីចិញ្ចឹមកូនរៀនសូត្របានត្រឹមត្រូវ"។ មកទល់ពេលនេះ ហ្វូងគោរបស់លោក អាចរកបានប្រាក់ចំណូលក្នុងមួយឆ្នាំជិត៨០លានដុង។

បងហ្វិញក្វឹកថាយ អនុប្រធានគណៈកម្មាធិការប្រជាជនឃុំទ្រុងហីវ ឲ្យដឹង៖ "គ្រួសារលោកថាច់ភូ គឺជាគ្រួសារគំរូចាកផុតពីភាពក្រីក្រមួយរបស់ឃុំ ជីវភាពឈានឡើងធូរធារដោយសារចិញ្ចឹមគោ។ មិនត្រឹមតែ អភិវឌ្ឍសេដ្ឋកិច្ចគ្រួសារប៉ុណ្ណោះទេ លោកថែមទាំងសកម្មចលនាមាមីងក្នុងតំបន់អភិវឌ្ឍការចិញ្ចឹមសត្វ ជម្នះការលំបាកឈានឡើងក្នុងជីវភាពទៀតផង។ ដោយសារមានគោលនយោបាយឧបត្ថម្ភរបស់រដ្ឋ ទើបប្រជាជនមានលក្ខណសម្បត្តិអភិវឌ្ឍសេដ្ឋកិច្ច រួមចំណែកកាត់បន្ថយអត្រាគ្រួសារក្រីក្រក្នុងឃុំ។ មកទល់ពេលនេះ អត្រាគ្រួសារក្រីក្រ របស់ឃុំកាត់បន្ថយចុះនៅត្រឹមតែ៣៩,២៨% ដោយឡែកភូមិប៊ិញទ្រុងនៅត្រឹមតែ១១ គ្រួសារប៉ុណ្ណោះ"៕

លីសៀ-វិមាន

ចែករំលែកអត្ថបទ

ពាក្យគន្លឹះ