គោលនយោបាយ -ការរស់នៅ ការរស់នៅ

01/03/2016 - 14:34

បណ្តុះបណ្តាលរបរនៅស្រុកកើ -ដ

ឆ្នាំ២០១៥ ស្រុកកើ-ដ ក្រុងកឹងធើ បានរៀបចំវគ្គបណ្តុះបណ្តាលរបរកសិកម្ម និងក្រៅកសិកម្មបាន២៣លើក ជូនសិក្ខាកាមចំនួន៧១៤រូប ដោះស្រាយការងារធ្វើជូនបងប្អូនពលករជនបទនិងបងប្អូនពលករជនរួមជាតិភាគតិចចំនួន៤.៦១៤រូប សម្រេច១០២,៥% តាមផែនការកំណត់នៃសេចក្តីសម្រេចរបស់ក្រុមប្រឹក្សាប្រជាជនស្រុកកើ-ដ។

ត្បាញកន្រ្តកត្រកៀតនៅស្រុកកើ -ដ។

ក្នុងទម្រង់រូបភាពបណ្តុះបណ្តាលរបរនៅស្រុកកើ-ដ សព្វថ្ងៃនេះ មានរបរតម្បាញ កាត់ដេរសំណង់។ល។ ជារបរអាចនឹងសមស្របជាមួយនឹងពលករជនបទ។ សិក្ខាកាមទាំងឡាយដែលបានបណ្តុះបណ្តាលសុទ្ធតែមានការងារធ្វើលំនឹង។ តួយ៉ាងដូចបងស្រី ង្វៀនធីម៉ាយ នៅភូមិថាញ់ភឿក ឃុំថាញ់ភូ បានរៀនចប់វគ្គកាត់ដេររួចហើយត្រូវបានមជ្ឈមណ្ឌលបង្រៀនរបរស្រុកកើ-ដ ប្រគល់សំពត់យកមកកាត់ដេរ សម្លៀកបំពាក់សិស្សនៅនឹងផ្ទះ។ បងស្រីម៉ាយ ឲ្យដឹង៖ "កាត់ដេរនៅនឹងផ្ទះ ថ្វីត្បិតតែប្រាក់ចំណូលមិនបានខ្ពស់ដូចកាត់ដេរនៅឯក្រុមហ៊ុន សហគ្រាសក៏ពិតមែន ប៉ុន្តែរៀងរាល់ខែ នាងខ្ញុំអាចរកបានប្រាក់ចំណូលជិត២លានដុង គ្រប់ចាយវាយក្នុងគ្រួសារ។ ក្រៅពីនោះ នាងខ្ញុំនឹងមានពេលវេលាធ្វើការងារផ្ទះ និងមានលក្ខណៈគិតគូរឲ្យកូនៗរៀនសូត្របានល្អទៀតផង។ល។ "ចំណែកបងស្រីដាវធីធ្វី ជាជនជាតិខ្មែរនៅភូមិថើយត្រឿង១ ឃុំថើយស្វឹង ពីមុននេះជីវភាពគ្រួសារជួបការលំបាករស់នៅដោយពឹងផ្អែកទៅលើការស៊ីឈ្នួលកាត់ស្រូវ។ ឆ្នាំនេះប្តីបងស្រីធ្វីក្រោយពីបានរៀនវគ្គបណ្តុះបណ្តាលវិជ្ជាជីវៈខាងបចេ្ចកទេសសាងសង់ គាត់បានឧទ្ទេសនាមចូលធ្វើការនៅការដ្ឋានកំពុងដំណើរការនៅភូមិស្រុក ប្រាក់ចំណូលមធ្យមភាគ៣លានដុង/ខែ។ ចំណែកបងស្រីធ្វី ក្រោយពីរៀនរបរត្បាញត្រកៀតរួច បងបានសហករណ៍គឹមលៀង ខណ្ឌកាយរាំង ប្រគល់ត្រកៀតត្បាញនៅនឹងផ្ទះ រៀងរាល់ថ្ងៃ បងស្រីត្បាញ បានពី៣-៤កន្រ្តករកបានប្រាក់ចំណូលពី៣០.០០០-៤០.០០០ដុងដែរ។ នៅភូមិថើយត្រឿង១ ឃុំថើយស្វឹង បច្ចុប្បន្នមានបងប្អូននារីខ្មែរជាង៣០រូប បានរៀនរបរត្បាញត្រកៀតនិងបានកែលម្អជីវភាព ក្រោយពីរៀនរបររួច។ ប្រាក់ចំណូលនេះថ្វីត្បិតតែមិនជាប៉ុន្មាន ប៉ុន្តែបានរួមចំណែកមួយភាគណាសម្រាប់បងប្អូននារីបន្ថយភាពក្រីក្រផងដែរ។

ដើម្បីការងារបណ្តុះបណ្តាលរបរ នាំមកនូវប្រសិទ្ធភាពជូនពលករជនបទ រួមចំណែកអភិវឌ្ឍសេដ្ឋកិច្ច-សង្គមកិច្ចលុបបំបាត់ភាពអត់ឃ្លាន កាត់បន្ថយភាពក្រីក្រនៅភូមិភាគ។ លោកវ៉មិញជិន ប្រធានការិយាល័យការងារ យុទ្ធជនពិការ និងសង្គមកិច្ចស្រុកកើ-ដ ឲ្យដឹង៖ "តាមផែនការឆ្នាំ២០១៦ ស្រុកកើ-ដ នឹងរៀបចំវគ្គបង្រៀនរបរកសិកម្ម និងក្រៅ កសិកម្មជូនពលករជនបទ២០វគ្គ។ ក្នុងដំណាក់កាលនេះ ស្រុកនឹងខ្នះខ្នែងសហការជាមួយក្រុមហ៊ុន សហគ្រាសនានា ចុះកិច្ចសន្យាការងារ និងប្រមូលទិញផលិតផលរបស់កសិករ។ល។ ពិសេស ផ្នែកនឹងសហការជាមួយភូមិភាគ រៀបចំត្រួតពិនិត្យឡើងវិញនូវតម្រូវការរៀនរបររបស់ពលករឲ្យបានសមស្របទៅតាមតំបន់នីមួយៗ ខិតខំក្នុងឆ្នាំ២០១៦ មានពលករជាង៨០%បានបណ្តុះបណ្តាលនឹងមានការងារធ្វើលំនឹងរួមចំណែកកាត់បន្ថយអត្រាគ្រួសារក្រីក្រពី១,៥%-១,៨% នៃចំនួនគ្រួសារប្រជាជនសរុបទូទាំងស្រុក។ ជាពិសេសខិតខំកាត់បន្ថយអត្រាគ្រួសារក្រីក្រក្នុងតំបន់ជនរួមជាតិខ្មែរពី១៧,៧៥% ចុះនៅជាង១៥%ក្នុងឆ្នាំ២០១៦" ៕

កុសល-សុផល

ចែករំលែកអត្ថបទ

ពាក្យគន្លឹះ