មហាសាមគ្គីជនជាតិ ភូមិស្រុកផ្លាស់ថ្មី

27/12/2016 - 10:43

ផ្តុំកម្លាំងគិតគូរជូនជនរួមជាតិខ្មែរ

គណៈជនជាតិក្រុងកឹងធើ និងសមាគមសហព័ន្ធបណ្ដាអង្គការមិត្តភាព ក្រុងកឹងធើ បានអនុវត្តកម្មវិធីសហការចាប់ពីឆ្នាំ២០១៤។ ជំហានដំបូង កម្មវិធីបាននាំមកនូវប្រសិទ្ធភាព រួមចំណែកជួយជនរួមជាតិខ្មែរលំនឹងជីវភាព អភិវឌ្ឍសេដ្ឋកិច្ច។

ស្ពានដូវង៉ាងត្រូវបានកសាងបេតុងរឹងមាំ សុវត្ថិភាពងាយ ស្រួលក្នុងការធ្វើដំណើរ
ទៅមកនិងដឹកជញ្ជូនកសិផល។

គណៈជនជាតិក្រុងកឹងធើ ចាប់ផ្តើមចុះកិច្ចព្រមព្រៀងលើកម្មវិធីសហ ការរួមជាមួយនឹងសមាគមសហព័ន្ធ បណ្ដាអង្គការមិត្តភាពចាប់ពីឆ្នាំ២០១៤។ ផ្តើមពីភាពជាក់ស្តែងតម្រូវការច្រើនបែបប្រភពទុនវិនិយោគ សម្រាប់ជនរួមជាតិខ្មែរនៅតំបន់ជ្រៅរបស់ក្រុងកឹងធើ។ លោកឡឿងវ៉ាំងទ្រឺ ប្រធានគណៈជនជាតិក្រុងកឹងធើ ចែករំលែក៖ "ក្នុងនាមជាប្រធានសមាគមមិត្តភាពវៀតណាម-គុយបា ម៉្លោះហើយខ្ញុំមានឱកាសទទួលជួបប្រតិភូបរទេស ប្រតិភូទាំងនេះ មានបំណងរួមវិភាគទាន ឧបត្ថម្ភភូមិភាគនានាដែលនៅជួបការលំបាករបស់ក្រុង។ ដោយយល់ឃើញថា នេះគឺជាប្រភពកម្លាំងសមស្របនឹងវិនិយោគនៅតំបន់ជនរួមជាតិខ្មែរ គណៈជនជាតិនិងសមាគមសហព័ន្ធបណ្ដាអង្គការមិត្តភាពធ្វើ ការស្នើភ្លាម រួចទទួលបានការឧបត្ថម្ភពីសមាគមមិត្តភាពវៀតណាម-ជប៉ុន វៀតណាម-កូរ៉េ"។ នៅឆ្នាំ២០១៦ រដ្ឋាភិបាលជប៉ុន ជំនួយឥតសំ ណងថវិកាកសាងស្ពានជនបទចំនួន៣ខ្សែ ក្នុងនោះមាន(ស្ពានKH៣) នៅស្រុកកើ-ដ (ស្ពានដូវង៉ាងនិងស្ពានកេញ២០០) នៅស្រុកថើយឡាយ សំណង់ទាំងនេះត្រូវបានកសាងសម្រេចរួចរាល់និងសម្ពោធ ដាក់ឲ្យប្រើប្រាស់នៅថ្ងៃទី១០ ខែសីហា ឆ្នាំ២០១៦។

ស្រុកកើ-ដ និងថើយឡាយជាភូមិភាគមានព្រែកប្រឡាយខ្វាត់ខ្វែងនៅ មានស្ពានឈើចាស់ទ្រុឌទ្រោមជាច្រើន។ មានស្ពានបេតុងរឹងមាំគឺជាក្តី ប្រាថ្នាតាំងពីយូរយាររបស់មាមីងនៅទីនេះ។ អ្នកមីងង្វៀនធីបែសៅ ប្រធានភូមិត្រឿងនិញ ឃុំត្រឿងស្វឹងB ស្រុកថើយឡាយ ឲ្យដឹងដោយក្តីរីករាយ៖ "ស្ពានដូវង៉ាងមិនត្រឹមតែនាំមកភាពរីករាយចំពោះមាមីងនៅភូមិត្រឿងនិញប៉ុណ្ណោះទេ នៅទាំងនាំមកភាពងាយស្រួលជូនមាមីង នៅភូមិនានា ពេលធ្វើដំណើរតាមផ្លូវប្រឡាយនេះ។ អាស្រ័យមានស្ពាននេះ ទើបកូនចៅមាមីងក្នុងភូមិទៅរៀនប្រកបដោយសុវត្ថិភាព ការធ្វើដំណើរទៅមក និងដឹកជញ្ជូនកសិផលរបស់មាមីងមានភាពងាយស្រួល ម្យ៉ាងទៀតឈ្មួញចូលទិញដល់កន្លែងលក់បានថ្លៃជាង។ អាស្រ័យហេតុនោះ ជីវភាពសម្ភារៈនិងស្មារតីរបស់ជនរួមជាតិខ្មែរនិយាយ ដោយឡែក និងប្រជាជនលើភូមិសាស្រ្តនេះនិយាយរួម មានការវិវឌ្ឍយ៉ាងសកម្ម"។

តាមប្រសាសន៍លោកឡឿងវ៉ាំងទ្រឺ តភ្ជាប់ភាពជោគជ័យជំហានដំបូង របស់កម្មវិធី គណៈជនជាតិស្នើមជ្ឈមណ្ឌលវប្បធម៌កូរ៉េប្រចាំការនៅក្រុងហូជីមិញ ឧបត្ថម្ភជនរួមជាតិភាគតិចដែលមានជីវភាពលំបាក។ កម្មវិធីឧបត្ថម្ភលើកនេះ សំខាន់គឺប្រមូលផ្តុំឲ្យការសង់ផ្ទះជូនគ្រួសារ ជនរួមជាតិខ្មែរ ដែលបានរដ្ឋឧបត្ថម្ភដីសង់ផ្ទះនៅមណ្ឌលតាំងទីលំនៅជនរួមជាតិភាគតិចនៅស្រុកកើ-ដនិងខណ្ឌអូរម៉ូង៕

ថាច់ថាញ់ភូ-មុនី

ចែករំលែកអត្ថបទ

ពាក្យគន្លឹះ