គោលនយោបាយ -ការរស់នៅ ការរស់នៅ

24/03/2015 - 16:58

ដាំខ្ទឹមក្រហមនិងចិញ្ចឹមArtemiaបានផលច្រើន

អាស្រ័យដោយមានចរិតឧស្សាហ៍ព្យាយាម ស៊ូទ្រាំលំបាកក្នុងពលកម្ម ផលិតមាមីងជនរួមជាតិខ្មែរនៅតំបន់ឆ្នេរសមុទ្របាកលីវ ទទួលបានផល កាក់កបពីការដាំខ្ទឹមក្រហម និងចិញ្ចឹម Artemia ។

កសិករនៅខេត្តបាកលីវថែទាំខ្ទឹមពូជបម្រុងឲ្យរដូវថ្មី។

ខ្ទឹមក្រហមត្រូវបានដាំប្រមូលផ្តុំនៅឃុំនានា នៃជាយក្រុងតំបន់ឆ្នេរ សមុទ្រដែលមានជនរួមជាតិខ្មែររស់នៅកុះកររបស់ក្រុងបាកលីវ មានដូច៖ ឃុំវិញត្រាច់ដុង វិញត្រាច់ ហ៊ីបថាញ់។ល។ នៅទីនេះ ខ្ទឹមក្រហម ត្រូវបានដាំឆ្លាស់ជាមួយដំណាំរួមផ្សំផ្សេងៗ ទៀតមានដូចវ៉ាន់ស៊ុយជាដើម។ កាលពីដើមខែមីនា ឆ្នាំ២០១៥ មាមីងបានប្រមូលផលខ្ទឹមក្រហមភាគច្រើនបន្ទាប់ពីគិតគូរចំណូលចំណាយ រួចមាមីងនៅចំណេញពី ១០០ដល់១៥០លានដុង/ហិកតា។ លោកថាច់កែក នៅភូមិបៀងដុង ឃុំវិញត្រាច់ដុងប្រមូលផលខ្ទឹមក្រហមចំនួន៤កុង ទិន្នផលបានជិត៥តោន បន្ទាប់ពីគិតគូរចំណូលចំណាយរួច លោកនៅចំណេញជាង៥០លានដុង ក្នុងនោះពុំទាន់គិតដល់ប្រភពចំណូលពីដំណាំរួមផ្សំដាំឆ្លាស់និងខ្ទឹមក្រហមលើផ្ទៃដីតែមួយ។ លោកថាច់កែក ចែករំលែក៖ "នេះជារដូវដែល ខ្ញុំលក់ខ្ទឹមក្រហមបានថ្លៃបំផុត គឺពី១៧.០០០ដល់១៩.០០០ដុង/គីឡូក្រាម។ ជាមួយនឹងតម្លៃលក់ដូច្នេះ មាមីងដាំខ្ទឹមក្រហមនឹងឆាប់ធ្វើមានជាមិនខាន"។

តាមប្រសាសន៍របស់លោកឡឹមវិញចឹង អនុប្រធានការិយាល័យសេដ្ឋកិច្ចក្រុងបាកលីវ ផ្ទៃដីដាំខ្ទឹមក្រហមប៉ុន្មានឆ្នាំកន្លង នៅតែរក្សាបាននូវកម្រិតលំនឹងជាង១៥០ហិកតា ពីព្រោះខ្ទឹមក្រហមសមស្របនឹងតំបន់ដី ផ្នូរខ្សាច់ឆ្នេរសមុទ្របាកលីវ រយៈពេលដាំនិងថែទាំត្រឹមតែ២ខែប៉ុណ្ណោះ ឯបច្ចេកទេសក៏មិនពិបាកជាប៉ុន្មាន ថវិកាចំណាយឲ្យការដាំដុះ គឺសមល្មម (ប្រមាណ៣លានដុង/កុង)។ ដើម្បីបង្កើនទិន្នផលនិងប្រសិទ្ធភាព សេដ្ឋកិច្ចនៃការដាំខ្ទឹមក្រហម លោកចឹង បញ្ជាក់៖ មាមីងដាំខ្ទឹមក្រហម គួរតែជ្រើសពូជល្អ មានប្រភពច្បាស់លាស់។

សមាជិកនៃសហករណ៍ចិញ្ចឹម Artemia នៅតំបន់ឆ្នេរសមុទ្របាកលីវ មានដូច៖ សហករណ៍ Artemia វិញចូវ-បាកលីវ (ឃុំវិញត្រាច់ដុង) សហករណ៍ថ្វឹងថាញ់ (ភូមិវិញតៀង ឃុំវិញទិន ស្រុកហ្វាប៊ិញ ខេត្តបាកលីវ) ។ល។ ក៏មានភាពរីករាយខ្លាំងណាស់ដែរ ពីព្រោះចិញ្ចឹម Artemia បានផលកាក់កប។ តាមប្រសាសន៍របស់លោកអូវមិញអាង ប្រធានសហករណ៍ផលិតថ្វឹងថាញ់ ឲ្យដឹង៖ រដូវចិញ្ចឹមឆ្នាំ២០១៤កន្លង សហករណ៍មានសមាជិកជាង១០០គ្រួសារចូលរួមចិញ្ចឹម Artemia លើផ្ទៃដីចិញ្ចឹម១០០ហិកតា ក្នុងមួយហិកតាផ្តល់ទិន្នផលពងពី១៧០ដល់២០០គីឡូ ក្រាម។ ជាមួយនឹងថ្លៃលក់ពី១លានដល់១លាន២០០ពាន់ដុងក្នុងមួយគីឡូក្រាម បន្ទាប់ពីគិតគូរចំណូលចំណាយរួច មាមីងនៅចំណេញបានជាង១០០លានដុង/ហិកតា។

លោកកាវថាញ់វុុាំង ប្រធានសហករណ៍ Artemia វិញចូវ-បាកលីវ ឲ្យដឹង៖ " ដឹកដឿ Artemia ផ្ទុកជាតិអាហ្សូតអាស៊ីតម្លាន់ច្រើនហើយ ជាចំណីសំខាន់សម្រាប់បង្គានាគនិងមច្ឆាលម្អគ្រប់ប្រភេទ។ Artemia កើតបន្តពូជជាបន្តបន្ទាប់ ក្រោយពីចិញ្ចឹមបាន១០ដល់១៥ថ្ងៃ Artemia ចាប់ផ្តើមពង។ ពង Artemia អណ្តែតលើទឹកគ្រាន់តែយកកន្រ្តងស្រង់ឡើងប៉ុណ្ណោះ។ ការប្រមូលផលបានជារហូតក្នុងរយៈពេលពី៧៥ដល់៩០ថ្ងៃ។ សហករណ៍ប្រមូលទិញ ដឹកជញ្ជូនទៅលក់ឲ្យមូលដ្ឋាននានានៅក្រុងហូជីមិញ ហើយមូលដ្ឋានទាំងនោះ នាំចេញទៅលក់បន្តឲ្យប្រទេសនានានៅអឺរ៉ុប។ អាស្រ័យថ្លៃលក់លំនឹង ម៉្លោះហើយមាមីងចិញ្ចឹម Artemia រកបានប្រាក់ចំណេញច្រើន"៕

ហ៊ឺវតុង-មុនី

ចែករំលែកអត្ថបទ

ពាក្យគន្លឹះ