សុខភាព - អប់រំ អប់រំ

07/06/2016 - 17:54

លើកកម្ពស់គុណភាពអប់រំតំបន់ជនជាតិភាគតិច

រយៈពេលកន្លង ខេត្តអាងយ៉ាងបានយកចិត្តទុកដាក់វិនិយោគទុនអភិវឌ្ឍការអប់រំនៅតំបន់ជនជាតិភាគតិច ម្ល៉ោះហើយគុណភាពអប់រំនៅតំបន់មានជនជាតិភាគតិចរស់នៅកុះករ ពីមួយថ្ងៃទៅមួយថ្ងៃកាន់តែបានលើកកម្ពស់។

សាលាមត្តេយ្យនៅឃុំអូរឡឹម ។

តាមប្រសាសន៍របស់លោកលីថាញ់ទូ នាយករងមន្ទីរអប់រំនិងបណ្តុះបណ្តាលខេត្តអាងយ៉ាង ឲ្យដឹង៖ រយៈពេលកន្លង ខេត្តអាងយ៉ាងតែងយកចិត្តទុកដាក់អភិវឌ្ឍការអប់រំតំបន់ដែលមានជនរួមជាតិភាគតិចរស់នៅកុះករ លេចធ្លោនោះគឺការធ្វើឲ្យសុក្រឹត ប្រព័ន្ធសាលាថ្នាក់រៀន តំបន់ដែលមានសិស្សានុសិស្សជាជនជាតិភាគតិចរស់នៅកុះករ។ សាលាជនជាតិអន្តេវាសិកនានា ត្រូវបានកសាងក្នុងភូមិសាស្រ្តមានជនជាតិភាគតិចរស់នៅជាង១០.០០០នាក់។ តួយ៉ាងនៅស្រុកទ្រីតូងនិងទិញបៀង សុទ្ធសឹងតែមានសាលាមធ្យមសិក្សាចំណេះទូទៅជនជាតិអន្តេវាសិក ដោយឡែកនៅស្រុកទ្រីតូង ថែមទាំងមានសាលាមធ្យមសិក្សាវិជ្ជាជីវៈជនជាតិអន្តេវាសិកអាងយ៉ាងត្រូវបានកសាងឡើង ម្ល៉ោះហើយបង្កលក្ខណសម្បត្តិងាយស្រួលសម្រាប់សាលាទាំងឡាយ បែងចែកសិស្សក្រោយពីប្រឡងជាប់សញ្ញាប័ត្រមធ្យមសិក្សាចំណេះទូទៅ។ សិស្សជនជាតិភាគតិច រៀននៅសាលាមធ្យមសិក្សាចំណេះទូទៅជនជាតិអន្តេវាសិកនានា សុទ្ធតែបានលើកលែងបង់កម្រៃសាលាបានទទួលអាហារូបករណ៍ និងរង្វាន់លើកទឹកចិត្ត។ គ្រូបង្រៀនត្រូវបានទទួលរបបនានាដូចជាប្រាក់បំណាច់អាទិភាព ប្រាក់បំណាច់ភារកិច្ចឯគ្រូបង្រៀនផ្ទះនៅឆ្ងាយពីសាលាត្រូវបានរៀបចំឲ្យស្នាក់នៅមណ្ឌលសមូហភាព និងបំពាក់បំប៉នចំណេះដឹងខាងភាសាខ្មែរ។ល។

លោកត្រឹងក្វឹកថាញ់ ប្រធានគណៈជនជាតិខេត្តអាងយ៉ាង ឲ្យដឹង៖ "មិនគ្រាន់តែយកចិត្តទុកដាក់ អភិវឌ្ឍសាលាជនជាតិអន្តេវាសិកប៉ុណ្ណោះទេ ចំពោះភូមិភាគដែលមានជនជាតិភាគតិចរស់នៅកុះករ សុទ្ធតែមានផែនការធ្វើឲ្យសុក្រឹតប្រព័ន្ធសាលារៀនកម្រិតមត្តេយ្យកម្រិតបឋមសិក្សា ដើម្បីបង្កលក្ខណសម្បត្តិងាយស្រួលសម្រាប់សិស្សានុសិស្សរៀនសូត្រ បង្កប្រភពសិស្សចូលរៀនសាលាជនជាតិអន្តេរវាសិកនានា និងកម្រិតរៀនខ្ពស់ៗដទៃទៀត"។ តាមប្រសាសន៍របស់បងស្រីនាងសម្បូរណ៍ ប្រធានការិយាល័យជនជាតិស្រុកទ្រីតូង ឲ្យដឹង៖ សាលារៀននៅតំបន់មានជនជាតិភាគតិចរស់នៅកុះករ មានដូចណូយតូ អូរឡឹម ចូវឡាំង។ល។

សុទ្ធតែបានកសាងរឹងមាំនិងបានបំពាក់នូវឧបករណ៍ប្រើប្រាស់របស់របរលេងកម្សាន្ត ឧបករណ៍រៀនសូត្រគ្រប់សព្វសម្រាប់ប្អូន ៗងាយស្រួលទទួលយកចំណេះដឹង។ អាស្រ័យហេតុនោះ ស្មារតីភ្ញាក់រលឹករបស់អាណាព្យាបាលសិស្សអំពីការរៀនសូត្រ ក៏មានការផ្លាស់ប្ដូរយ៉ាងច្រើន។ ស្ថានភាពសិស្សសាលាជនជាតិភាគតិចបោះបង់ការរៀនសូត្របានថយចុះជាលំដាប់រៀងរាល់ឆ្នាំ។ បងស្រីនាងញ៉ី នៅឃុំចូវឡាំង ស្រុកទ្រីតូង ឲ្យដឹង៖ "កាលពីមុននេះ ខ្ញុំមិនបានឲ្យកូនប្រុសមួយច្បងចូលរៀនសាលាមតេ្តយ្យ ម្ល៉ោះហើយលុះពេលចូលរៀនថ្នាក់ទី១ ពិនិត្យឃើញកូនខ្ញុំរៀនខ្សោយជាងសិស្សរួមថ្នាក់របស់វា។ សព្វថ្ងៃនេះ ខ្ញុំសម្រេចចិត្តឲ្យកូនស្រីតូចរបស់ខ្ញុំចូលរៀនថ្នាក់មតេ្តយ្យ តាំងពីអាយុ៣ឆ្នាំ អាស្រ័យសាលារៀនល្អស្អាត មានរបស់របរសម្រាប់លេងច្រើនម្ល៉ោះហើយក្មេងៗចូលចិត្តទៅរៀនខ្លាំងណាស់"។

អាស្រ័យការយកចិត្តទុកដាក់ អភិវឌ្ឍការអប់រំតំបន់ដែលមានជនជាតិភាគតិចរស់នៅកុះករ ម្ល៉ោះហើយគុណភាពអប់រំសិស្សានុសិស្សទូទាំងខេត្តអាងយ៉ាង និយាយរួមនិងសិស្សានុសិស្សជនជាតិភាគតិចនិយាយ ដោយឡែកជាជំហានៗត្រូវបានលើកកម្ពស់។ លោកលីថាញ់ទូ រីករាយឲ្យដឹងបន្ថែម៖ លទ្ធផលសិស្សានុសិស្សជនជាតិអន្តេវាសិកប្រឡងជាប់សញ្ញាប័ត្រមធ្យមសិក្សាចំណេះទូទៅឆ្នាំសិក្សា២០១៤ -២០១៥ គឺសម្រេចអត្រាទាំង១០០% នេះគឺជាសក្ខីភាពនៃការវិនិយោគទុនត្រូវចំចំណុចរបស់បក្សនិងរដ្ឋ សម្រាប់សិស្សានុសិស្សជនជាតិភាគតិច៕

ហាថាញ់ - សេរី

ចែករំលែកអត្ថបទ

ពាក្យគន្លឹះ