គោលនយោបាយ -ការរស់នៅ គោលនយោបាយ

29/03/2016 - 15:12

ភាពផ្លាស់ថ្មីនៅតំបន់ជនបទវិញភូ

ឃុំវិញភូ ស្រុកយង់រៀង ខេត្តកៀងយ៉ាង គឺជាភូមិភាគមានជនរួមជាតិខ្មែររស់នៅកុះករ ស្រូបអត្រាជាង៦២%នៃចំនួនប្រជាជនទូទាំងឃុំ។ ប៉ុន្មានឆ្នាំជិតៗនេះ ឃុំវិញភូ មានភាពផ្លាស់ថ្មីឥតឈប់ឈរ។ល។

ផ្លូវគមនាគមន៍ជនបទឃុំវិញភូ ស្រុកយង់រៀងសព្វថ្ងៃត្រូវបានក្រាលបេតុង។

ដំបូងកាលទើបតែចែកចេញពីឃុំវិញថាញ់ ខែតុលា ឆ្នាំ២០០៥ វិញភូគឺ ជាឃុំមួយក្នុងចំណោមឃុំក្រីក្របំផុតរបស់ស្រុកយង់រៀង (គ្រួសារក្រីក្រ ស្រូបអត្រា៣៨,២៩%)។ មូលហេតុមកពីគ្មានដីបង្កបង្កើនផល វប្បកម្មនៅឱនថយ ប្រជាជនមួយចំនួននៅមានអបិយជំនឿ ពិសេសគឺផ្លូវគមនាគមន៍ជនបទ ធ្វើដំណើរទៅមកពីភូមិមួយទៅដល់ភូមិមួយមិនទាន់ បានវិនិយោគទុនកសាងនៅឡើយ។ ចំពោះភាពជាក់ស្តែងដូច្នេះ ប៉ុន្មានឆ្នាំជិតៗនេះ បក្ខភាគ រដ្ឋអំណាចឃុំវិញភូ បានផ្តុំកម្លាំងអនុវត្តបានល្អនូវរាល់ការងារលុបបំបាត់ភាពអត់ឃ្លាន កាត់បន្ថយភាពក្រីក្រ ដោះស្រាយការងារធ្វើជូនមាមីងខ្មែរនៅលើភូមិភាគ។ អាស្រ័យហេតុនោះ ជីវភាពរបស់មាមីងជាជំហានត្រូវបានលើកស្ទួយល្អឡើងវិញ។

តាមប្រសាសន៍លោកហ្វិញទ្រុងហាយ អនុប្រធានគណៈកម្មាធិការប្រជាជនឃុំវិញភូ ឲ្យដឹង៖ ដោយសារមានគោលការណ៍កសាងជនបទថ្មី ម្ល៉ោះហើយហេដ្ឋារចនាសម្ព័ន្ធលើភូមិសាស្រ្តឃុំ ពីមួយថ្ងៃទៅមួយថ្ងៃត្រូវបានកសាងរឹងមាំសេដ្ឋកិច្ចកាន់តែរីកចម្រើនជាង ជីវភាពរបស់មាមីងខ្មែរក៏បានលើកស្ទួយឡើង។ ក្រៅពីហេដ្ឋារចនាសម្ព័ន្ធជនបទ ប៉ុន្មានឆ្នាំកន្លង បក្ខភាគ រដ្ឋអំណាចឃុំវិញភូ បានផ្តុំកម្លាំងចង្អុលការ បង្កបង្កើនផលតាមទិសវប្បកម្មផ្តល់ទិន្នផលខ្ពស់ ក្នុងនោះទិសដៅគឺបែរ ឆ្ពោះទៅរកការបង្កើនគុណភាពនិងប្រសិទ្ធភាពសេដ្ឋកិច្ច។ ម្យ៉ាងទៀត គោលការណ៍របស់ឃុំនឹងកែប្រែពីតំបន់ដីផលិតស្រូវទិន្នផលទាប មកដាំដំណាំរួមផ្សំដាំឆ្លាស់រដូវតាមវិទ្យាសាស្រ្តបច្ចេកទេសដើម្បីសម្រេច ប្រសិទ្ធភាពខ្ពស់ លើតំបន់ដីដូចគ្នាតែមួយ។ ជាពិសេសឃុំវិញភូ បានចលនាមាមីងកសាងវាលស្រែគំរូខ្នាតធំចំនួន៤ បង្កើតក្រុមសហការផលិតបាន៣១ និងសហករណ៍ផលិតកសិកម្មបាន៤។ ផ្តើមពីនោះ រួមចំណែកលើកកម្ពស់ប្រសិទ្ធភាពផលិតកម្មតាមទិសដៅចីរភាព ។

សេដ្ឋកិច្ចអភិវឌ្ឍប្រជាជនខ្នះខ្នែងចូលរួមវិនិយោគទុនអភិវឌ្ឍគមនាគមន៍ជនបទ ការតភ្ជាប់បណ្តាញអគ្គិសនីជូនតំបន់ជនរួមជាតិខ្មែរ ក៏បានផ្តោតការយកចិត្តទុកដាក់ផងដែរ។ មកទល់ពេលនេះ ឃុំវិញភូ មានគ្រួសារប្រជាជនប្រើប្រាស់អគ្គិសនីជាតិជាង៩០% ប្រើប្រាស់ទឹកស្អាត៩៥% ប្រព័ន្ធសាលារៀន មន្ទីរពេទ្យត្រូវបានវិនិយោគទុនកសាងរឹងមាំឆ្លើយតបទៅនឹងតម្រូវការលើកកម្ពស់គុណភាពពិនិត្យព្យាបាល ជំងឺនិងរៀនសូត្រ។ ពូយ័ញតាយ ស្នាក់នៅភូមិហ្វិញតូ ឲ្យដឹង៖ ប៉ុនា្មនឆ្នាំកន្លង ដោយសារបក្ស រដ្ឋផ្តុំកម្លាំងវិនិយោគទុនកសាង ពិសេសគឺស្ពាន ផ្លូវគមនាគមន៍ជនបទ ជួយឲ្យមាមីងធ្វើដំណើរទៅមកបានងាយស្រួល។ ឆ្លងតាមរយៈនោះ មាមីងកសិករមានឱកាសដោះដូរបទពិ សោធន៍ក្នុងការបង្កបង្កើនផល និងដោះដូរមុខទំនិញលទ្ធផលល្អនោះ គួរឲ្យកត់សម្គាល់ក្នុងការលុបបំបាត់ភាពអត់ឃ្លាន កាត់បន្ថយភាពក្រីក្រនៅភូមិភាគ។

ដោយផ្តោតការយកចិត្តទុកដាក់របស់បក្ស រដ្ឋ ជីវភាពរបស់ប្រជាជនពីមួយថ្ងៃទៅមួយថ្ងៃកាន់តែបានលើកស្ទួយ ពិសេសគឺជនរួមជាតិខ្មែរ។ ប្រាក់ចំណូលមធ្យមភាគក្នុងមនុស្សម្នាក់ៗកើនឡើងជាង៣០ លានដុង/ម្នាក់/ឆ្នាំ អត្រាគ្រួសារក្រីក្រថយចុះនៅតែជាង៨%ប៉ុណ្ណោះ៕

ឡេស៊ាង-លីសៀ

ចែករំលែកអត្ថបទ

ពាក្យគន្លឹះ