គោលនយោបាយ -ការរស់នៅ ការរស់នៅ

29/12/2015 - 10:38

បងយ័ញឡុក ជម្នះលំបាកធ្វើមាន

អាស្រ័យបានរដ្ឋបង្កលក្ខណសម្បត្តិ ម៉្លោះហើយមានគ្រួសារជនរួមជាតិខ្មែរជាច្រើន ឈានឡើងធ្វើមានធ្វើបាន ក្នុងនោះមានគ្រួសាររបស់បងយ័ញឡុក នៅទីប្រជុំជនកើ-ដជាដើម។

ប្តីប្រពន្ធបងឡុកនិងបងស្រីត្រាង។

បងយ័ញឡុកនិងប្រពន្ធឈ្មោះង្វៀនធីហ្វៀងត្រាង នៅទីប្រជុំជនកើ-ដ ក្រុងកឹងធើ ប្តីប្រពន្ធនៅក្មេង ប៉ុន្តែមានទ្រព្យសម្បត្តិរាប់សិបពាន់លានដុង។ យើងខ្ញុំសាកសួរពីភាពប៉ិនប្រសប់ក្នុងការធ្វើមាន បងស្រីត្រាង ចែករំលែក៖ "ចាប់ពីពេលជួបការលំបាកខ្ញុំគិតដល់ការប្រិតសំចៃនិង ដាក់ផែនការក្នុងការចាយវាយច្បាស់លាស់។ បើរកបានមួយរៀលចាយ ត្រឹមតែពាក់កណ្តាលទុកពាក់កណ្តាល"។ តាមប្រសាសន៍បងស្រីត្រាង បច្ចុប្បន្នប្រាក់ចំណូលមធ្យមភាគរបស់គ្រួសារគាត់ ផ្តើមពីប្រាក់ឲ្យជួលផ្ទះនៅមជ្ឈមណ្ឌលពាណិជ្ជកម្មស្រុកកើ-ដ ប្រាក់ឈ្នួលស្រែជាង១០០កុង និងប្រាក់ចំណូលពីមូលដ្ឋានស្រូវអង្ករឡុកត្រាង ជារៀងរាល់ឆ្នាំ ប្រាក់ចំណូលប្រមាណ២ពាន់លានដុង។ ប្តីប្រពន្ធបងឡុក ទើបនឹងកសាងបន្ថែមរោងចក្រកិនស្រូវទ្រង់ទ្រាយធំ ដោយថវិកាកសាងរាប់សិបពាន់លានដុង។

ម្ភៃឆ្នាំមុន ដោយឃើញប្តីប្រពន្ធបងឡុក ជួបការលំបាក អ្នកភូមិឲ្យខ្ចីដីស្រែ៤កុង មានទាំងស្រះចិញ្ចឹមត្រី ប្តីប្រពន្ធបងសម្រេចចិត្តបុលទុនពីធនាគារ ដើម្បីចិញ្ចឹមជ្រូកនិងចិញ្ចឹមត្រី។ បងស្រីត្រាង រៀបរាប់៖ "ប្តីប្រពន្ធយើងខ្ញុំចិញ្ចឹមជ្រូកមេ ជ្រូកកើតបានកូនប៉ុន្មានទុកចិញ្ចឹមទាំងអស់ ពេលខ្លះក្នុងទ្រុងមានជ្រូកពី៤០០ដល់៥០០ក្បាល។ ពេលថ្ងៃប្តីប្រពន្ធខ្ញុំ ទៅទិញស្រូវកិនអង្ករលក់ ពេលយប់មកផ្ទះអុជចង្កៀងថែទាំជ្រូកហត់ នឿយណាស់ប៉ុន្តែដើម្បីអនាគតគ្រួសារយើងខ្ញុំត្រូវតែខំប្រឹងប្រែង។ ខ្ញុំនៅទាំងឆ្លៀតពេលទៅរៀនវគ្គហ្វឹកហាត់បច្ចេកទេសចិញ្ចឹមសត្វ អាស្រ័យដោយទីប្រជុំជនរៀបចំឡើង គឺដើម្បីចេះរបៀបចាក់ថ្នាំជ្រូក បើអ្វីៗគិតតែពីជួលធ្វើម្តេចមានចំណេញនឹងគេ"។ អាស្រ័យចាយវាយប្រិតសំនិងពូកែគិតគូររកស៊ី ផ្តើមពីជួលទូកប្តីប្រពន្ធបងទិញបានទូកទិញ បានដីស្រែចម្ការរហូតដល់បង្កើតមូលដ្ឋាន រោងចក្រកិនស្រូវដូចសព្វថ្ងៃ ។

ចូលរួមបំពេញការងារចាប់ពីឆ្នាំ១៩៩០មកដល់ពេលនេះ បងឡុកធ្វើជាប្រធាននគរបាលទីប្រជុំជនកើ-ដ។ សំណេះសំណាលជាមួយយើងខ្ញុំ ពីរឿងរ៉ាវថ្ងៃដំបូងកសាងជីវភាពបងឡុកមិនភ្លេចពីគុណសម្បត្តិរបស់ប្រពន្ធដែលហត់នឿយគិតគូរការងារក្នុងក្រៅគ្រប់សព្វ ដើម្បីបងនឹងនរចិត្ត បំពេញការងារ។ បងឡុក រៀបរាប់៖ "ប្តីប្រពន្ធខ្ញុំសង់រោងចក្រកិនស្រូវ ទ្រង់ទ្រាយធំដើម្បីបង្កការងារធ្វើលំនឹងជូនពលករ-ការិនីរាប់សិបនាក់ នៅភូមិថើយហ្វាB កន្លែងមានជនរួមជាតិខ្មែររស់នៅកុះករ។ និយាយដោយពិត បើគ្មានរដ្ឋឲ្យបុលទុនដើម្បីអភិវឌ្ឍសេដ្ឋកិច្ច ប្រហែលជាប្តីប្រពន្ធខ្ញុំគ្មានបានដូចសព្វថ្ងៃនេះទេ"។ បច្ចុប្បន្ន កូនស្រីច្បងរបស់បងកំពុងបំពេញការងារនៅនគរបាលក្រុងកឹងធើ កូនប្រុសពៅកំពុងរៀននៅសា លាមធ្យមសិក្សានគរបាលដើម្បីបន្តវេនពីឪពុក។ បងស្រីត្រាង ឲ្យដឹង៖ ខ្ញុំរីករាយជាមួយនឹងជីវភាពបច្ចុប្បន្ន ដោយអាស្រ័យការលំបាកពីអតីតកាលនិងបានរដ្ឋហុចឱកាសជូនប្រជាជន បានក្លាយជាកម្លាំងចលករដើម្បីប្តីប្រពន្ធខ្ញុំឈានឡើងធ្វើមានធ្វើបានជាលំដាប់៕

ហាថាញ់-មុនី

ចែករំលែកអត្ថបទ

ពាក្យគន្លឹះ