គោលនយោបាយ -ការរស់នៅ គោលនយោបាយ

29/12/2015 - 14:26

ភាពផ្លាស់ថ្មីនៅញ៉ីត្រឿង

ញ៉ីត្រឿងជាឃុំតំបន់ជ្រៅរបស់ស្រុកកូវង៉ាង ខេត្តត្រាវិញ ជីវភាពប្រជាជននៅជួបការលំបាក។ ប៉ុន្មានឆ្នាំជិតៗនេះ អាស្រ័យការជំនួយរបស់រដ្ឋ និងស្មារតីឧស្សាហ៍ពលកម្មផលិតបានជាប្រជាជនញ៉ីត្រឿងមានឱកាសលំនឹងជីវភាពសាមគ្គីជួយគ្នាផលិតកម្ម ដើម្បីអភិវឌ្ឍសេដ្ឋកិច្ចគ្រួសារ។

សាលាបឋមសិក្សាញ៉ីត្រឿង។

បច្ចុប្បន្ន បើមានឱកាសមកកាន់ញ៉ីត្រឿង យើងនឹងបានឃើញវាលដំ ណាំខួបប្រាំងវស្សាខៀវស្រងាត់ អមសងខាងផ្លូវជនបទដែលបានក្រាលកៅស៊ូ។ អាស្រ័យមានប្រព័ន្ធធារាសាស្រ្តនិងការអនុវត្តន៍វិទ្យាសាស្រ្តបច្ចេកទេសថ្មីក្នុងការផលិត មាមីងអាចបង្កបង្កើនផលទាំងប្រាំង វស្សាមិនខ្លាចខ្វះទឹក។ ម្ល៉ោះហើយ ទាំងគុណភាពនិងបរិមាណភាពនៃកសិផលរបស់ញ៉ីត្រឿងតែងបានឈ្មួញ និងអ្នកប្រើប្រាស់ចូលចិត្ត ហើយអាស្រ័យប្រើថ្នាំការពាររុក្ខជាតិត្រឹមត្រូវតាមរបៀបហេតុនោះ កសិផលតែងស្រស់ឆ្ងាញ់ត្រូវតាមបទដ្ឋានដែលបានចុះកិច្ចសន្យា។
ទីតាំងភូមិសាស្រ្ត និងលក្ខណសម្បត្តិធម្មជាតិរបស់ឃុំមិនទាន់បានងាយស្រួល ញ៉ីត្រឿងគ្មានផ្លូវខេត្ត ស្រុកកាត់ឆ្លងផ្ទៃដីផ្នូរខ្សាច់់ធំល្វឹងល្វើយ ប៉ុន្តែគ្មានប្រព័ន្ធធារាសាស្រ្តបម្រើការផលិត។ អាស្រ័យហេតុនោះ ស្ថានភាពផលិតកម្មនិងការរស់នៅរបស់ប្រជាជនតែងជួបការលំបាក។ ពូថាច់សាងនៅភូមិរកា ឲ្យដឹង៖ "ពីមុនប្រជាជននៅទីនេះធ្វើស្រែបានតែមួយរដូវ ពីព្រោះខ្វះទឹកស្រោចស្រព។ ដាំដំណាំមានរដូវខ្លះចំណេញ មានរដូវខ្លះខាតដំណាំប្រមូលផលរួចប្រជាជនត្រូវដឹកជញ្ជូនយកទៅផ្សារស្រុកលក់ដោយខ្លួនឯង ពីព្រោះផ្លូវគមនាគមន៍របស់ឃុំលំ បាកដឹកជញ្ជូន ហេតុដូច្នោះឈ្មួញមិនចុះមកទិញទំនិញនៅទីនេះ"។

សមិទ្ធផលដែលសម្រេចបានខាងលើ ក៏អាស្រ័យស្មារតីសាមគ្គីសហការជួយគ្នាក្នុងការផលិតរបស់មាមីងនៅទីនេះ។ ញ៉ីត្រឿងជាឃុំមានក្រុមសហការផលិតច្រើនបំផុតរបស់ខេត្តត្រាវិញ។ ឃុំមានក្រុមសហការផលិត១៩ក្រុម និងសហករណ៍ចំនួនមួយសកម្មភាពយា៉ងមានប្រសិទ្ធភាពជានិច្ច។ បច្ចុប្បន្ន មាមីងមិនផលិតរប៉េះរប៉ោះ ក្រៅពីក្រុមសហការផលិតនោះទេ។ អាស្រ័យមានការសាមគ្គីជួយគ្នាក្នុងការផលិត សព្វថ្ងៃប្រាក់ចំណូលនិងជីវភាពរបស់មាមីងបានកែលម្អគ្រាន់បើហើយ។ បងស្រីសេីុងធីមី ជាគ្រួសារក្រីក្រទើបតែបានជំនួយដីលំនៅឋាន ដីផលិតកម្មឲ្យដឹងដោយក្តីរីករាយៈ" នាងខ្ញុំទើបតែបានជំនួយធារផ្ទះ និងបុលទុនដោយចុងការទាប ដើម្បីលោះដីស្រែ២កុង។ ក្រោយមកបានកម្មាភិបាលឃុំណែនាំចូលក្រុមសហការផលិតនៅភូមិចុងមិ-ស ដើម្បីបានជំនួយផលិតកម្មឲ្យមានប្រសិទ្ធភាព។ បច្ចុប្បន្ន គ្រួសារនាងខ្ញុំមានលក្ខណសម្បត្តិចិញ្ចឹមកូនបន្តការរៀនសូត្រ ហើយនៅពេលខាងមុខនឹងបានរដ្ឋអំណាចជំនួយផ្ទះ១ខ្នង ជួយគ្រួសារខ្ញុំនឹងនរចិត្តអភិវឌ្ឍផលិតកម្ម ដើម្បីចាកផុតពីភាពក្រីក្រ"។

លោកថាច់ថន លេខានៃគណៈកម្មាធិការបក្សឃុំញ៉ីត្រឿង ឲ្យដឹងៈ" ជាភូមិភាគមួយមានអត្រាសិស្សបោះបង់ការរៀនសូត្រខ្ពស់ មកដល់ពេលនេះ អត្រាសិស្សបោះបង់ការរៀនសូត្រនៅត្រឹមតែក្រោម៣%។ ប្រជាជនទូទាំងឃុំមានប័ណ្ណធានាហានិភ័យសុខាភិបាលជិត៩០% ដំណាក់សុខាភិបាលឃុំក៏បានសម្រេចបទដ្ឋានជាតិជាច្រើនឆ្នាំផងដែរ។ ជាពិសេស ភាគកម្រិតនៃការប្រើប្រាស់ទឹកស្អាតសម្រេច៩៩% និងបង្គន់អនាម័យសម្រេចជាង៩០%។ ញ៉ីត្រឿងនៅទាំងជាឃុំគំរូអំពីអនាម័យបរិស្ថានរបស់ខេត្តត្រាវិញទៀតផង។ បច្ចុប្បន្នជីវភាពរបស់ប្រជាជនឃុំញី ត្រឿងបានកែលម្អជាងមុនច្រើន"៕

ថាច់ថាញ់ភូ-សុផល

ចែករំលែកអត្ថបទ

ពាក្យគន្លឹះ