សុខភាព - អប់រំ សុខភាព

02/08/2016 - 09:54

ចំណុចលេចធ្លោការងារចំនួនប្រជាជន

ច្រើនឆ្នាំកន្លង ឃុំថាញ់ភូ ស្រុកម៉ីស្វៀង ខេត្តសុកត្រាំង បានខិតខំផ្សព្វផ្សាយនូវគោលការណ៍ គោលនយោបាយខាងចំនួនប្រជាជន-ផែនការគ្រួសារបង្កភាពផ្លាស់ប្តូរយ៉ាងសកម្មក្នុងស្មារតីភ្ញាក់រលឹក និងការប្រព្រឹត្តរបស់ប្រជាជនក្នុងការងារចំនួនប្រជាជន-ផែនការគ្រួសារ។

កម្មាភិបាលចំនួនប្រជាជន ផ្សព្វផ្សាយជូនប្រជាជននៅដំណាក់សុខាភិបាលឃុំ។

ឃុំថាញ់ភូ មានជនរួមជាតិខ្មែររស់នៅជាង៥២% មានភូមិចំនួន១៤និង កម្រិតប្រជាបញ្ញាមិនស្មើគ្នា ប្រជាជនភាគច្រើនប្រកបរបរកសិកម្ម ហេតុនោះការយល់ដឹងខាងការងារចំនួនប្រជាជន-ផែនការគ្រួសារនៅមានកម្រិត។ កំណត់ការងារផ្សព្វផ្សាយ គឺជាផ្នែកសំខាន់ដើម្បីសន្សឹមៗ ផ្លាស់ប្តូរការយល់ដឹងរបស់ប្រជាជន ហេតុនោះភូមិភាគបានកសាងកងជួរសហការីចំនួនប្រជាជនបាន២២រូបពង្រាយគ្រប់ភូមិ សហការជាមួយនឹងអង្គការមហាជននានា ជំរុញយ៉ាងខ្លាំងក្លាការឃោសនា ចលនាប្រជាជនអនុវត្តវិធានការបញ្ជៀសគភ៌ដោយទំនើប។ ពិសេសគឺផ្តុំកម្លាំងទៅលើគ្រួសារដែលកើតកូនប្រុស២ឬស្រី២ និងគ្រួសារគ្រាន់បើចង់កើតបន្ថែមកូនទី៣។ ផ្តើមពីនោះ ជួយឲ្យប្រជាជនលើកកម្ពស់ការយល់ដឹងខាងផែនការគ្រួសារ ចេះរបៀបថែទាំសុខភាពដោយខ្លួនឯង ផ្តល់ផលប្រយោជន៍ឲ្យខ្លួនគ្រួសារ និងសង្គម។ បងស្រីតូធីគឹមហុង នៅភូមិព្រែកឆ្វេង ឲ្យដឹង៖ "ដោយបានបងៗសហការីមកដល់ផ្ទះចលនា ទើបខ្ញុំយល់ថា កើតកូនច្រើនមិនត្រឹមនឿយហត់ប៉ុណ្ណោះទេ នៅទាំងរងផលប៉ះពាល់ដល់សុខភាព ហើយសេដ្ឋកិច្ចគ្រួសារក៏ជួបការលំបាកដែរ។ ហេតុនោះ ខ្ញុំកើតកូនតែពីរ ដើម្បីផ្តុំកម្លាំងធ្វើសេដ្ឋកិច្ចនិងគិតគូរឲ្យកូនរៀនសូត្របានត្រឹមត្រូវ។ ឥឡូវកើតកូនទី២រួចហើយ ខ្ញុំអនុវត្តវិធានការបញ្ជៀសគភ៌បាន៥ឆ្នាំ មានសុខភាពល្អ ធ្វើស្រែ ធ្វើចម្ការបានធម្មតា"។

យោងតាមដំណាក់សុខាភិបាលថាញ់ភូ ឆ្នាំ២០១៥ ចំនួនប្តីប្រពន្ធអនុវត្តវិធានការបញ្ជៀសគភ៌បាន១.១៩៦ករណី សម្រេចបាន១២៨%បើប្រៀបធៀបនឹងផែនការឆ្នាំ; អត្រាកើតកូនទី៣មាននិន្នាការថយចុះ។ ឆ្នាំ២០១៤ អត្រាកើតកូនទី៣លើភូមិសាស្រ្តឃុំគឺ១៦%ដល់ឆ្នាំ២០១៥ ថយចុះនៅត្រឹមតែ១០%; អត្រាកើតកូនប្រុសឬស្រីក្នុងក្របខ័ណ្ឌអនុញ្ញាត។ នេះពិតជាសញ្ញាមួយគួរឲ្យត្រេកអរក្នុងការងារចំនួនប្រជាជន-ផែនការគ្រួសារនៅឃុំ។ លោកយ៉ីបក្វាងថាវ ប្រធានដំណាក់សុខាភិបាល អនុប្រធានគណៈចំនួនប្រជាជន-ផែនការគ្រួសារឃុំថាញ់ភូ ឲ្យដឹង៖ "ឥឡូវ មាមីងមានលក្ខណៈសម្បត្តិល្អតាមដានព័ត៌មាន តាមរយៈមធ្យោបាយមហាជន គួបផ្សំជាមួយនឹងកងជួរសហការីសកម្មក្នុងការឃោសនាចលនា ហេតុនោះ ពីមួយថ្ងៃទៅមួយថ្ងៃកាន់តែមានប្តីប្រពន្ធជាច្រើនអនុវត្តវិធានការបញ្ជៀសគភ៌តាមបែបទំនើប។ នៅពេលខាងមុខគណៈចំនួនប្រជាជនឃុំ បន្តការជំរុញយ៉ាងខ្លាំងក្លាផ្សព្វផ្សាយចំនួនប្រជាជន-ផែនការគ្រួសារដល់ប្រជាជន ដើម្បីមាមីងផ្លាស់ប្តូរការយល់ដឹងរហូតដល់ការប្រព្រឹត្ត ឆ្លងតាមរយៈនោះ លើកកម្ពស់គុណភាពចំនួនប្រជាជននៅលើភូមិសាស្រ្ត រួមចំណែកអនុវត្តជោគជ័យនូវទិសដៅរួមរបស់ភូមិភាគ"។ ឆ្នាំ២០១៥ ឃុំថាញ់ភូ គឺជាអង្គភាពឈានមុខរបស់ស្រុកម៉ីស្វៀង ក្នុងការអនុវត្តន៍បានល្អនូវការងារចំនួនប្រជាជន-ផែនការគ្រួសារ បានមន្ទីរសុខាភិបាលសាខានាយកដ្ឋានចំនួនប្រជាជន-ផែនការគ្រួសារខេត្តស្ងើចសរសើរ៕

យ្វីអាញ់-វិមាន

ចែករំលែកអត្ថបទ

ពាក្យគន្លឹះ