គោលនយោបាយ -ការរស់នៅ គោលនយោបាយ

08/12/2015 - 09:00

ជនរួមជាតិខ្មែរកសាងជនបទថ្មី

ជនរួមជាតិខ្មែរនៅស្រុកធើយឡាយ ក្រុងកឹងធើ បានសាមគ្គីរួមកម្លាំងជាមួយនឹងរដ្ឋអំណាចភូមិភាគកសាងជនបទថ្មី។

ដងផ្លូវចូលទៅឃុំធើយតឹង មានអគ្គិសនីបំភ្លឺជួយឲ្យការធ្វើដំណើរទៅមករបស់ប្រជាជនមានភាពងាយស្រួលក្នុងពេលយប់។

លោកថាច់តាម ប្រធានការិយាល័យជនជាតិស្រុកធើយឡាយ ឲ្យដឹង៖ "ជនរួមជាតិខ្មែរនៅស្រុកធើយឡាយ រស់នៅលាយឡំជាមួយនឹងជនជាតិកិញ ចិន នៅតាមឃុំទីប្រជុំជននានារបស់ស្រុកធើយឡាយ។ ម្យ៉ាងទៀត ឃុំដែលមានជនរួមជាតិខ្មែររស់នៅកុះករបំផុតគឺឃុំឌិញម៉ូង ដោយមានមាមីងខ្មែរ២៧៩គ្រួសារតិចបំផុតគឺឃុំទ្រឿងស្វឹងA មានមាមីងខ្មែរតែ១៨គ្រួសារប៉ុណ្ណោះ។ អាស្រ័យហេតុនោះ ការផ្សព្វផ្សាយកម្មវិធីកសាងជនបទថ្មីនៅក្នុងតំបន់ជនរួមជាតិខ្មែរ មានភាពងាយស្រួលច្រើន។ ក្រៅពីនេះ កម្មវិធីនិងគ្រោងការដាច់ដោយឡែករបស់រដ្ឋសម្រាប់ជនជាតិភាគតិច បានរួមចំណែកសម្រេចរាល់លក្ខឋានកសាងជនបទថ្មីផងដែរ"។ ក្រៅពីកម្មវិធីវិនិយោគទុនរបស់រដ្ឋជនរួមជាតិខ្មែរនៅស្រុកធើយឡាយ តែងខិតខំចូលរួមកសាងហេដ្ឋារចនាសម័្ពន្ធមូលដ្ឋាន។ គ្រាន់តែការរួមវិភាគទានកសាងផ្លូវគមនាគមន៍ជនរួមជាតិខ្មែរ នៅភូមិធើយធ្វឹងB ទីប្រជុំជនធើយឡាយ បានរួមវិភាគទានទឹកប្រាក់ជាង១ពាន់ លានដុង និងកម្លាំងពលកម្មជាង១.០០០ថ្ងៃ ដើម្បីកសាងស្ពានបេតុង បានចំនួន៤ខ្សែ; រីឯមាមីងនៅភូមិដៀងហ្វា ឃុំធើយតឹងបានរួមជាមួយនឹងរដ្ឋកសាងផ្លូវបេតុងប្រវែង៣.៦៦០ម៉ែត្រ ឆ្លងកាត់ភូមិគិតជាតម្លៃទឹកប្រាក់សរុប១,៣២២ពាន់លានដុង ក្នុងនោះ ប្រជាជនរួមវិភាគទាន៧៩២លានដុង និងដីជាង៧.០០០ម៉ែត្រការ៉េ។ល។ ការរួមវិភាគទានរបស់ជនរួមជាតិខ្មែរ បានជួយឲ្យភូមិភាគសម្រេចរួចរាល់លក្ខឋានអំពីគមនាគមន៍ជនបទ។ អាស្រ័យហេតុនោះ ស្រុកធើយឡាយមាន២ឃំុកសាងបានជោគជ័យជនបទថ្មីនោះ គឺឃុំទ្រឿងស្វឹងនិងឃុំដុងប៊ិញ។ រីឯឃុំធើយថាញ់ សម្រេចបាន១៧លក្ខឋាន; ឃុំដទៃពីនោះ សម្រេចបានពី១២ដល់១៥លក្ខឋាន។

ការមូលមតិគ្នាក្នុងការកសាងជនបទថ្មីនៅស្រុកធើយឡាយ សឲ្យឃើញថាការងារផ្សព្វផ្សាយត្រូវបានភូមិភាគអនុវត្តល្អប្រសើរ។ ហេតុដូច្នោះ រាល់លក្ខឋានស្ទើរតែទាំងអស់ដែលបានកសាងសុទ្ធសឹងមានការរួមវិភាគទានរបស់ប្រជាជន។ ពូលីវរ៉េន នៅភូមិដៀងហ្វា ឃុំធើយតឹង ឲ្យដឹង៖ "យើងខ្ញុំសាមគ្គីរួមកម្លាំងកសាងផ្លូវជាមួយនឹងរដ្ឋ ដំបូងគឺដើម្បីគ្រួសារយើងខ្ញុំធ្វើដំណើរទៅមកបានងាយស្រួល ម្ល៉ោះហើយមាមីងមានចិត្តចង់ធ្វើមិនដែលត្អូញត្អែរអ្វីទេ"។ ក្រៅពីលក្ខឋានខាងគមនាគមន៍ លក្ខឋានអប់រំគឺជាលក្ខឋានមួយបានសម្រេចបង្គួររបស់ស្រុកធើយឡាយ សាលារៀនស្ទើរតែទាំងអស់ត្រូវបានកសាងថ្មីតាមទិសដៅបទដ្ឋានជាតិ។ បងស្រីដាវធីសា នៅភូមិធើយប៊ិញA ឃុំធើយថាញ់ ឲ្យដឹង៖ "កូនស្រីច្បងរបស់នាងខ្ញុំមិនបានចូលរៀនសាលាមតេ្តយ្យ ម្ល៉ោះហើយ មានការខ្លាចញញើតនៅពេលចូលរៀនថ្នាក់ទី១។ អាស្រ័យហេតុនោះ នៅពេលសាលាមត្តេយ្យធើយថាញ់ ត្រូវបានកសាងថ្មីរឹងមាំក្បែរផ្លូវថ្នល់ធំ បានជានាងខ្ញុំបញ្ជូនកូនប្រុសឲ្យចូលរៀនអឌ្ឍអន្តេវាសិកតែម្តង"។ តាមប្រសាសន៍បងឡេវាំុងញេីុអនុប្រធានគណៈកម្មាធិការប្រជាជនឃុំធើយតឹង ឲ្យដឹង៖ ជនរួមជាតិខ្មែរលើភូមិសាស្រ្តឃុំតែងអស់ពីចិត្តជាមួយនឹងរដ្ឋអំណាចភូមិភាគចូលរួមរាល់សកម្មភាពនិយាយរួម និងការកសាងជនបទថ្មីនិយាយដោយឡែក។ ដូច្នេះ ឃុំធើយតឹង កំពុងដំណើរការសម្រេចរួចរាល់ល្បឿនកសាងជនបទថ្មីត្រូវតាមផែនការដែលថ្នាក់ដឹកនាំស្រុកធើយឡាយបានផ្តល់សច្ចាប័ន៕

ហាថាញ់-លីសៀ

ចែករំលែកអត្ថបទ

ពាក្យគន្លឹះ