សន្តិសុខ - ការពារប្រទេស ការពារប្រទេស

12/05/2015 - 14:09

កងប្រជាស្វ័យត្រាណសមុទ្រការពារអធិបតេយ្យកោះសមុទ្រមាតុប្រទេស

ត្រាវិញ គឺជាខេត្តមួយស្ថិតនៅចន្លោះទន្លេតៀងនិងទន្លេហូវ ទៅទល់នឹងសមុទ្រខាងកើត ដោយមានច្រកកុងហូវ និងច្រកឌិញអាង មានមាត់សមុទ្រប្រវែង៦៥គីឡូម៉ែត្រ ស្ថិតនៅលើភូមិសាស្រ្តចំណុះឃុំទីប្រជុំជន ទាំង៩របស់ស្រុកទាំង៣ នោះគឺស្រុកយ្វៀងហាយ កូវង៉ាងនិងស្រុកចូវថាញ់។

កងប្រជាស្វ័យត្រាណសមុទ្រ អនុវត្តការបាញ់មុខសញ្ញាលើទឹក ។

ដោយមានលក្ខណៈពិសេសជាខេត្តនៅជិតសមុទ្រ និងជាតំបន់សំខាន់បំផុតខាងការពារប្រទេស-សន្តិសុខ ម្ល៉ោះហើយត្រាវិញតែងផ្សារភ្ជាប់ការអភិវឌ្ឍន៍សេដ្ឋកិច្ច-សង្គមកិច្ច ជាមួយនឹងការការពារសនិ្តសុខការពារប្រទេសនៅតំបន់ឆ្នេរសមុទ្រ។ ក្នុងការរៀបចំក្របខ័ណ្ឌការពារប្រទេសយោធាភូមិភាគនៅបណ្តាឃុំ ទីប្រជុំជនឆ្នេរសមុទ្រ តែងបង្កើតកងប្រជាស្វ័យត្រាណសមុទ្រជានិច្ច។ ម្យ៉ាងទៀត កងប្រជាស្វ័យត្រាណទាំងនេះ ក្រៅពីបំពេញភារកិច្ចទាញយកផលធ្វើនេសាទ ថែមទាំងចូលរួមការងារអនុវត្តភារកិច្ចត្រួតពិនិត្យ ក្តោបក្តាប់សភាពការណ៍តាមសមុទ្រ ដើម្បីរាយការណ៍បានទាន់ពេលជូនគណៈបញ្ជាការយោធាភូមិភាគ។ ទន្ទឹមនឹងនោះ ត្រៀមជាស្រេចសហការជាមួយនឹងបណ្តាអង្គភាពផ្សេងៗក្នុងការស្វែងរកសង្គ្រោះ ជនរងគ្រោះតាមសមុទ្រដោយគូសបញ្ជាក់៖ ការពារអធិបតេយ្យកោះ សមុទ្រដ៏ពិសិដ្ឋរបស់មាតុប្រទេស។

ទូទាំងខេត្តបានបង្កើតកងអនុសេនាតូច នៃកងប្រជាស្វ័យត្រាណសមុទ្រ៨កង ដោយមានកងកម្លាំងចូលរួមស្រូបអត្រា១,៤៤% បើធៀបជាមួយនឹងកងប្រជាស្វ័យត្រាណរបស់ខេត្ត។ ជាពិសេស យ្វៀងហាយគឺ ជាភូមិភាគមានមាត់សមុទ្រប្រវែងជិត៥៥គីឡូម៉ែត្រ ម្ល៉ោះហើយការកសាងកងប្រជាស្វ័យត្រាណសមុទ្រ ត្រូវបានគណៈបញ្ជាការយោធាភូមិភាគផ្តោតការយកចិត្តទុកដាក់ពិសេស។ ទូទាំងស្រុក បានបង្កើតកងអនុសេនាតូចនៃកងប្រជាស្វ័យត្រាណនៅឃុំទាំង៤នៅមាត់សមុទ្រ រួមមានដូច៖ ឃុំដុងហាយ ហ៊ីបថាញ់ ត្រឿងឡុងហ្វានិងឃុំឡុងវិញ។

វរៈសេនីយ៍ទោត្រឹងថាយបៀង នាយសេនាធិការរងនៃគណៈបញ្ជាការ យោធាស្រុកយ្វៀងហាយឲ្យដឹង៖ នេះគឺកងកម្លាំងតែងច្បាមតាមសមុទ្រជារឿយៗ ដោយទាញយកផលផង បំពេញភារកិច្ចវិនិច្ឆ័យរាល់ហេតុ ការណ៍តាមសមុទ្រនិងក្តោបក្តាប់ ផ្សព្វផ្សាយពត៌មានតាមសមុទ្របានទាន់ពេលផង។ ក្រៅពីនេះ កងកម្លាំងទាំងនេះថែមទាំងសហការជារឿយៗជាមួយនឹងកងកម្លាំងផ្សេងៗ យាមល្បាតនិងចូលរួមសង្គ្រោះ ជនរងគ្រោះ ហើយវិនិច្ឆ័យរាល់ហេតុការណ៍តាមសមុទ្រ។ អាស្រ័យហេតុនោះ ក្នុងរយៈពេលខាងមុខ គណៈបញ្ជាការយោធាស្រុកនឹងបន្ត ការរក្សាការអភិវឌ្ឍន៍ប្រៀបខ្លាំងដែលមានស្រាប់ ដើម្បីកសាងកងប្រជាស្វ័យត្រាណសមុទ្រគ្រប់ទិសទី គ្រប់បរិមាណនិងពូកែខាងគុណភាព រួមចំណែកធានាស្ថានភាពសន្តិសុខសណ្តាប់ធ្នាប់ និងរាល់សំណូមពរភារកិច្ចការពារអធិបតេយ្យកោះ សមុទ្រក្នុងស្ថានភាពថ្មី។

ដោយជ្រួតជ្រាបអនុវត្តសេចក្តីសម្រេចចិត្តមជ្ឈិម៤ (នីតិកាលX) ស្តីពី" យុទ្ធសាស្រ្តសមុទ្រវៀតណាមដល់ឆ្នាំ២០២០" ខេត្តត្រាវិញ បានដាក់ចេញកម្មវិធីការងារផ្តុំកម្លាំងអភិវឌ្ឍសេដ្ឋកិច្ច-សង្គមកិច្ច ផ្សារភ្ជាប់ជាមួយនឹងការកសាងអភិវឌ្ឍកងកម្លាំងយោធាភូមិភាគ។ ឆ្លងតាមរយៈនោះ បណ្តាអង្គភាពយោធានិងនគរបាលដែលបោះជំរំលើភូមិសាស្រ្តតំបន់ឆ្នេរសមុទ្រខេត្តត្រាវិញ កំពុងខិតខំកសាងកងកម្លាំងតាមទិសដៅ រៀបរយចំណានជាជំហានៗទាន់សម័យ។ ពិសេស ខេត្តបន្តការជំរុញយ៉ាងខ្លាំងក្លានូវការចលនាមហាជនកសាង និងអភិវឌ្ឍជំហរយុទ្ធសាស្រ្តសង្គ្រាមប្រជាជន សន្តិសុខប្រជាជន ដើម្បីប្រជាជនម្នាក់ៗគឺជាយុទ្ធជនម្នាក់មិនងាករេក្នុងការរក្សាសន្តិសុខនយោបាយ សណ្តាប់ធ្នាប់សុវត្ថិភាពសង្គម ក៏ដូចជាការពារអធិបតេយ្យភាពលើសមុទ្រ រួមចំណែកបង្កបាននូវបរិស្ថានស្ថិរភាពសម្រាប់ការអភិវឌ្ឍន៍សេដ្ឋកិច្ច- សង្គមកិច្ច របស់ខេត្តត្រាវិញក្នុងដំណាក់កាលថ្មី៕

ហ្វីហ្វាង-លីសៀ

ចែករំលែកអត្ថបទ

ពាក្យគន្លឹះ