គោលនយោបាយ -ការរស់នៅ គោលនយោបាយ

13/07/2017 - 16:34

សង្ឃឹមថាកាសែតកឹងធើភាសាខ្មែរបន្តការអភិវឌ្ឍ

កន្លងហើយ គណៈនិពន្ធនាយកកាសែតកឹងធើបានអញ្ជើញទៅបំពេញ ការងារនៅខេត្តសុកត្រាំង ដើម្បីស្ទាបស្ទង់មតិយោបល់ពីមិត្តអ្នកអានសំដៅបន្តការផ្លាស់ថ្មីកាសែត ពីមួយថ្ងៃទៅមួយថ្ងៃឲ្យរឹតតែមានការរីក ចម្រើន។

សមមិត្តថាច់ខេន អគ្គនិពន្ធនាយករងកាសែតកឹងធើ ថ្លែងអំណរគុណចំ
ពោះការទុកចិត្ត និងការផ្តល់យោបល់ដ៏ស្មោះស្ម័គ្ររបស់សមាគមសាមគ្គី

ព្រះសង្ឃស្នេហាជាតិខេត្តសុកត្រាំង និងគណៈនាយកសាលាបំពេញវិជ្ជា

មធ្យមសិក្សាបាលីណាមបូ។

តាមលោកថាច់ខេន អគ្គនាយករងកាសែតកឹងធើ គិតរហូតមកដល់ឆ្នាំ២០១៤ កាសែតកឹងធើភាសាខ្មែរបោះពុម្ពផ្សាយឈានចូលឆ្នាំទី៨និងត្រូវបានផ្សាយជូនដោយឥតគិតថ្លៃដល់ជនរួមជាតិខ្មែរនៅខេត្ត ក្រុងទាំង២១ នៅភាគខាងត្បូង។ គោលការណ៍របស់កាសែត គឺផ្សព្វផ្សាយបណ្តាគោលនយោបាយរបស់បក្សនិងរដ្ឋ ស្តីពីការងារជនជាតិនិងឆ្លុះ បញ្ចាំងពីលទ្ធផល អនុវត្តគោលនយោបាយទាំងនេះនៅភូមិភាគនានា។ សុកត្រាំងជាខេត្តមានជនរួមជាតិខ្មែររស់នៅកុះករ។ គិតរហូតមកទល់នឹងបច្ចុប្បន្ន កាសែតកឹងធើភាសាខ្មែរបានផ្សាយជូនដោយឥតគិតថ្លៃនៅតាមវត្តខ្មែរ សាលាសកលជនជាតិអន្តេវាសិក កម្មាភិបាល បញ្ញវន្តខ្មែរ។ នៅសាលាបំពេញវិជ្ជាមធ្យមសិក្សាបាលីណាមបូ ក្រុមការងារ បានស្តាប់នូវរឿងរ៉ាវដ៏រំភើបចិត្តជាច្រើនអំពីការដែលលោកគ្រូ អ្នកគ្រូ សមណសិស្សគ្រប់អង្គនិងរូបជាអ្នកចូលចិត្តអានកាសែតកឹងធើភាសាខ្មែរ។ នៅអង្គភាពនេះ ជារៀងរាល់សប្តាហ៍ទទួលបានកាសែតកឹងធើភាសាខ្មែរចំនួន១០សន្លឹក លោកគ្រូ អ្នកគ្រូនិងសមណសិស្សគ្រប់អង្គចូលចិត្តស្វែងរកអានរួចរក្សាទុកលុះដល់ថ្ងៃបុណ្យទាននិមន្តទៅវត្តយកចែកជូនមាមីងពុទ្ធបរិស័ទអាន។ ព្រះឧបជ្ឈាយ៍តាំងណោ អនុប្រធានសមា គមសាមគ្គីព្រះសង្ឃស្នេហាជាតិខេត្តសុកត្រាំង និងជានាយករងសាលា បំពេញវិជ្ជាមធ្យមសិក្សាបាលីណាមបូ ព្រះអង្គមានចំណាប់អារម្មណ៍អំពីមាតិកាឈើធំម្លប់ត្រជាក់ និងគំរូសហគមន៍របស់កាសែតកឹងធើភាសាខ្មែរ តែងបានមាមីងពុទ្ធបរិស័ទចូលចិត្តអាន។ អត្ថបទទាំងនេះ មានអត្ថន័យ ពីព្រោះពោលពីគំរូ" ប្រតិបត្តិល្អការងារសាសនា អនុវត្តល្អការងារសង្គម" របស់ព្រះសង្ឃនិងការអនុវត្តកិច្ចការល្អៗជូនសហគមន៍របស់សប្បុរសជនជាច្រើននៅភូមិភាគនានា ដែលមានជនរួមជាតិខ្មែររស់នៅកុះករ ពិសេសគឺនៅតំបន់ឆ្ងាយ តំបន់កោះសមុទ្រជាដើម។ ចំណែកលោកលីថាញ់ហ៊ឹង នាយកសាលាបំពេញវិជ្ជាមធ្យមសិក្សាបាលីណាមបូ ផ្តល់មតិថា កាសែតកឹងធើភាសាខ្មែរគប្បីបង្កើនលេខចេញ ផ្សាយដើម្បីផ្តល់ពត៌មានទាន់ពេលនិងបង្កើនការផ្សាយខាងផ្នែកជីវភាព-សង្គមកិច្ច ពិសេសគឺនៅតំបន់ជនរួមជាតិខ្មែរ។ លោកលីថាញ់ហ៊ឹង បញ្ជាក់៖" កាសែតកឹងធើភាសាខ្មែរ គឺជាឆាណែលផ្សាយពត៌មានសមាមតិស្តីពីមាគ៌ា គោលការណ៍របស់បក្សនិងរដ្ឋ ដោយមានខ្លឹមសារនិងរូបភាពសម្បូរបែប មានទីតាំងរឹងមាំក្នុងទឹកចិត្តមិត្តអ្នកអាននៅខេត្តសុកត្រាំង អស់រយៈកាលជាង៨ឆ្នាំកន្លង។ យើងខ្ញុំជឿជាក់ថាជាមួយនឹងការយកចិត្តទុកដាក់របស់គណៈនិពន្ធនាយកកាសែតកឹងធើ មួយអន្លើដោយការខិតខំយ៉ាងពេញទំហឹងរបស់សមូហភាព អ្នកធ្វើកាសែតភាសាខ្មែរ អនាគតជិតៗនេះកាសែតកឹងធើភាសាខ្មែរនឹងបន្តការ មានជំហានអភិវឌ្ឍថ្មី ក្លាយជាចំណីស្មារតីរបស់មាមីងជនរួមជាតិខ្មែរណាមបូ ពីមួយថ្ងៃទៅមួយថ្ងៃកាន់តែទាក់ទាញមិត្តអ្នកអានកាន់តែច្រើន"។

មានមតិយោបល់ជាច្រើនប្រកបដោយភាពជាក់ស្តែង និងស្មោះត្រង់របស់កម្មាភិបាល ប្រជាជន និងព្រះសង្ឃគ្រប់អង្គនិងរូបដែលក្រុមការ ងារបានទៅជួបសំណេះសំណាលបានឲ្យដឹងថា ខ្លឹមសារកាសែតកឹងធើភាសាខ្មែរបានបង្ហាញច្បាស់ពីភាពរស់រវើក និងសម្បូរបែបខាងអត្ថបទសារពត៌មាន។ រចនាសម្ព័ន្ធពត៌មាន ឆ្លងតាមរយៈនៃមាតិកា បធានបទបានឆ្លុះបញ្ចាំងពីជីវភាពសេដ្ឋកិច្ច-វប្បធម៌-សង្គមកិច្ចរបស់ជនជាតិភាគតិច និយាយរួម និងលក្ខណៈពិសេសនៃវប្បធម៌ជនរួមជាតិខ្មែរណាមបូ បានវេញត្របាញ់នឹងគ្នាក្នុងសហគមន៍បណ្តាជនជាតិវៀតណាម។ ថ្វីបើដូច្នោះ គុណភាពនិងខ្លឹមសារកាសែតកឹងធើភាសាខ្មែរនៅតែពុំទាន់គ្រប់គ្រាន់ការចែកចាយកាសែតជូនមូលដ្ឋាននានានៅតំបន់ឆ្ងាយពុំទាន់ពេល។ល។ លោកថាច់ខេន អគ្គនាយករងកាសែតកឹងធើ រៀបរាប់៖" ជាមួយនឹងការប្តេជ្ញាចិត្តរបស់សមូហភាពអ្នកធ្វើកាសែត ក៏ដូចជាតម្រូវការនៃភារកិច្ចថ្មី គណៈនិពន្ធនាយកកាសែតកឹងធើនឹងបន្តការផ្លាស់ថ្មី ដើម្បីធ្វើឲ្យកាសែតកឹងធើភាសាខ្មែរ ពីមួយថ្ងៃទៅមួយថ្ងៃរឹងរឹតតែមានការរីកចម្រើន។ ដើម្បីអនុវត្តប្រការទាំងនេះបានល្អ បណ្តាមតិ យោបល់របស់មិត្តអ្នកអាន ពិសេសគឺយោបល់មតិរបស់ព្រះសង្ឃ កម្មាភិបាល បញ្ញវន្ត គឺយើងខ្ញុំទទួលមកពិចារណាយកធ្វើជាមូលដ្ឋាន សម្រាប់បំពេញឲ្យការកំណត់ទិសដៅអភិវឌ្ឍកាសែតកឹងធើភាសាខ្មែរតទៅទៀត"៕

តឹងភុក-មុនី

ចែករំលែកអត្ថបទ

ពាក្យគន្លឹះ