សុខភាព - អប់រំ អប់រំ

06/01/2015 - 17:34

ស្ទួយដំណើរសិស្ស និស្សិតជនជាតិភាគតិចចូលរៀន

រយៈកាលកន្លង ការអនុវត្តន៍បណ្តាគោលនយោបាយជនជាតិនៅលើភូមិសាស្រ្ត ត្រូវបានគណៈកម្មាធិការបក្សក្រុង គណៈកម្មាធិការប្រជាជនក្រុងកឹងធើ និងបណ្តាមន្ទីរ ផ្នែក ស្ថាប័ន យកចិត្តទុកដាក់ពិសេស។ ក្នុងនោះ មានការឧបត្ថម្ភថវិការៀនសូត្រជូនសិស្ស និស្សិតជនជាតិភាគតិច រួមចំណែកកាត់បន្ថយការលំបាក ដើម្បីប្អូនៗមានដំណើររឹងមាំក្នុងការរៀនសូត្រ។ល។

ថ្នាក់ដឹកនាំក្រុងកឹងធើរួមនឹងបណ្តាគណៈប្រតិភូ និងសិស្ស និស្សិតដែលបានឧបត្ថម្ភ ។

លោកលឿងវុាំងទ្រឺ ប្រធានគណៈជនជាតិនិងជាប្រធានក្រុមប្រឹក្សាពិ និត្យសម្រេចឧបត្ថម្ភថវិការរៀនសូត្រសម្រាប់សិស្ស និស្សិតជនជាតិភាគតិចក្រុងកឹងធើ ឲ្យដឹងៈ "សកម្មភាពឧបត្ថម្ភថវិការៀនសូត្រជូនសិស្ស និស្សិតជនជាតិភាគតិច ត្រូវបានគណៈដឹកនាំក្រុងឯកភាពអនុវត្ត ចាប់ពីឆ្នាំសិក្សា២០០៧-២០០៨។ រហូតដល់ឆ្នាំសិក្សា២០១២-២០១៣ ថវិកាក្រុងឧបត្ថម្ភសិស្ស និស្សិតចំនួន៤១៥លើកនាក់ ដោយមានទឹក ប្រាក់ជាង១,២ពាន់លាងដុង។ ឆ្នាំសិក្សា២០១៤-២០១៥ ក្រុមប្រឹក្សាពិ និត្យសម្រេចបានផ្សព្វផ្សាយផែនការ ស្តីអំពីពិនិត្យសម្រេចឧបត្ថម្ភថវិការៀនសូត្រសម្រាប់សិស្ស និស្សិតជនជាតិភាគតិចនៅលើភូមិសាស្រ្ត ក្រុងដល់បណ្តាការិយាល័យជនជាតិ ការិយាល័យក្រុមប្រឹក្សាប្រជាជន ការិយាល័យគណៈកម្មាធិការប្រជាជនខណ្ឌ ស្រុក ។ ព្រមជាមួយនោះ សហការជាមួយនឹងក្រុមសម្ពន្ធយុវជនក្រុង សមាគមកសិករ បណ្តាសា លាមធ្យមសិក្សា អនុមហាវិទ្យាល័យ មហាវិទ្យាល័យលើភូមិសាស្រ្ត សំ ដៅផ្សព្វផ្សាយជូនដល់សិស្ស និស្សិតជនជាតិភាគតិចដែលមានគ្រប់ លក្ខណសម្បត្តិដើម្បីធ្វើសំណើឧបត្ថម្ភ។ ថ្វីត្បិតចំនួនប្រាក់ឧបត្ថម្ភបន្តិចបន្តួច ប៉ុន្តែទាំងនេះគឺជាប្រភពលើកទឹកចិត្តជួយប្អូនៗ ខិតខំឆ្លងកាត់ការលំបាក បោះជំហានរឹងមាំលើផ្លូវសិក្សារៀនសូត្រ៕ ដើម្បីជួយឲ្យសិស្ស និស្សិតមានលក្ខណសម្បត្តិរៀនសូត្របានល្អជាង ដើមខែធ្នូ ឆ្នាំ២០១៤ ក្រុមប្រឹក្សាពិនិត្យសម្រេចឧបត្ថម្ភថវិការៀនសូត្រជូនសិស្ស និស្សិតជនជាតិភាគតិចលើភូមិសាស្រ្តក្រុងកឹងធើ រួមមានសិស្ស និស្សិតចំនួន២៥រូប។ ប្អូនលីថាញ់តុង ជានិស្សិតឆ្នាំទី៣ ផ្នែកអេឡិកត្រូនិក និងសារគមនាគមន៍នៃសកលវិទ្យាល័យកឹងធើ ទទួលបានការឧបត្ថម្ភថវិការៀនសូត្រចាប់ពីឆ្នាំទីមួយមកម្លេ៉ះ។ ស្ថានភាពគ្រួសារ លីថាញ់តុង ជួបការលំបាកយ៉ាងខ្លាំង។ ឪពុកស្លាប់ អាស្រ័យដោយរោគាពាធ ម្តាយរបស់លីថាញ់តុង ធ្វើការឈ្នួលដើម្បីផ្គត់ផ្គង់ជីវភាពគ្រួសារ។ អាណិតម្តាយនឿយហត់ គិតគូរកិច្ចការគ្រួសារ លីថាញ់តុង ក៏ទៅធ្វើការឈ្នួល ដើម្បីរកប្រាក់រៀនសូត្រខ្លួនឯង។ ប៉ុន្មានឆ្នាំកន្លង លីថាញ់តុង តែងសម្រេចនិទ្ទេសជាសិស្សរៀនពូកែក្នុងថ្នាក់។ លីថាញ់តុង ឲ្យដឹងៈ "អាស្រ័យដោយបានការជំនួយកម្លាំងពីគណៈដឹកនាំក្រុង សម្រាប់សិស្ស និស្សិតជនជាតិភាគតិច ទើបប្អូនអនុវត្តបាននូវក្តីបំណងប្រាថ្នារបស់ខ្លួន គឺចូលរៀននៅសកលវិទ្យាល័យ។ ប្អូនខិតខំរៀនឲ្យបានពូកែ ដើម្បីមិនធ្វើឲ្យខកបំណងនិងការយកចិត្តទុកដាក់របស់អ្នករាល់គ្នា"។ មានស្ថានភាពក្រលំបាកដូចគ្រួសារប្អូនលីថាញ់តុងដែរ នោះគឺគ្រួសារលោកលីហុងនៅមណ្ឌល៣ សង្កាត់ចូវវុាំងលីម ខណ្ឌរអូម៉ង លោក ហុង ឲ្យដឹងៈ"កូនខ្ញុំកំពុងរៀនសកលវិទ្យាល័យនៅឯក្រុងហូជីមិញ ខ្ញុំមក ទទួលប្រាក់ឧបត្ថម្ភជំនួសកូន រួចផ្ញើឲ្យកូនដើម្បីគេគិតគូរក្នុងការរៀនសូត្រ"។ លោកលីហុង ជាឪពុករបស់ប្អូនលីគឹមហឿង និស្សិតសកលវិទ្យាល័យគរុកោសល្យក្រុងហូជីមិញ។ ហឿងមានជំងឺពកកចាប់ពីឆ្នាំរៀនថ្នាក់ទី៨ ប៉ុន្តែប្អូននៅតែខិតខំរៀនសូត្រ រួចបានជាប់ជម្រើសក្នុងវគ្គប្រឡងចូលមហាវិទ្យាល័យកន្លងហើយថ្មីៗ។ លោកលីហុង ឋិតក្នុងក្រប ខ័ណ្ឌគ្រួសារក្រីក្រ សព្វថ្ងៃគាត់ទៅធ្វើការឈ្នួលលីសែង ចំណែកប្រពន្ធ គាត់ទៅធ្វើការឈ្នួល។ ស្ថានភាពគ្រួសារលោកលីហុង កាន់តែទីទ័ល ពី ព្រោះកូនប្រុសទី៣ពិការដេកមួយកន្លែង។ក្រៅពីការទទួលផលពីគោលនយោបាយឧបត្ថម្ភរៀនសូត្រ គ្រួសារលោកហុង ត្រូវបានក្រុងកឹងធើ ពិនិត្យឧបត្ថម្ភផ្ទះនៅដើម្បីគ្រួសារនឹងនរចិត្តគិតគូរឲ្យកូនរៀនសូត្រ។

រូប, អត្ថបទ៖ មិញហ្វាង-សឺនម៉ាល័យ

ចែករំលែកអត្ថបទ

ពាក្យគន្លឹះ