គោលនយោបាយ -ការរស់នៅ គោលនយោបាយ

20/01/2015 - 10:33

អនុវត្តសម្រេចរួចរាល់ប្រព័ន្ធគមនាគមន៍ជនបទ

វិញញឹង ជាភូមិមានជនរួមជាតិខ្មែររស់នៅកុះកររបស់ស្រុកវិញថាញ់ ក្រុងកឹងធើ។ ជីវភាពមាមីងខ្មែរនៅភូមិនេះ ពីមួយថ្ងៃទៅមួយថ្ងៃកាន់តែមានការវិវឌ្ឍន៍យ៉ាងសកម្ម ពេលដែលប្រព័ន្ធគមនាគមន៍ជនបទត្រូវបានកសាងបានសម្រេចរួចរាល់ជាជំហានៗ។ល។

មានបនែ្ថមស្ពានមួយខែ្សទៀត ត្រូវបានបេីកឲ្យប្រេីប្រាស់នៅភូមិវប្បធម៌នៅវិញញឹង។

ផ្លូវភ្លឺប្រឡាយដឿងត្រូវលើងចូលភូមិវិញញឹង បានកសាងសម្រេចរួចរាល់តភ្ជាប់ពីភូមិមួយទៅផ្លូវភូមិមួយ។ ផ្លូវទាំងអស់នោះ សុទ្ធតែបានចាក់ក្រួស ក្រាលកៅស៊ូស្មើរលូន។ ឥឡូវធ្វើដំណើរទៅកាន់ភូមិវិញញឹង អាចទៅបានច្រើនផ្លូវ។ ផ្តើមពីចំណុចស្ពានបោអក ឆ្លងស្ពានផ្សារឆ្ពោះ តាមប្រឡាយដឿងត្រូវលើងបត់ចូលភូមិវិញញឹង ឬក៏ធ្វើដំណើរតាមដងផ្លូវក្បែរមាត់ព្រែកទៅដល់ឃុំថាញ់ឡុកឆ្ពោះទៅកាន់ស្រុកវិញថាញ់ក៏បាន។ ដងផ្លូវនេះ ពីមុនរដិបរដុប ចង្អៀតតូចពីព្រោះស្រុតបាក់ដី នាំឲ្យលំបាកក្នុងការធ្វើដំណើរទៅមករបស់មាមីង។ បច្ចុប្បន្ន ផ្លូវនេះត្រូវបានពង្រីកធំទូលាយជាង៣ម៉ែត្រ ចាក់បេតុងស្មើរលូន។ បើសិនជាមិនឆ្លងស្ពានផ្សារ យើងអាចធ្វើដំណើរឆ្ពោះតាមផ្លូវភ្លឺព្រែកបោអកដល់ស្ពានវត្ត រួចឆ្លងស្ពានសំដៅទៅភូមិវិញញឹង។ យោងព័ត៌មានរបស់មាមីងនៅភូមិវិញញឹង ស្ពានវត្តគឺជាស្ពានដែលប្រជាជននិងរដ្ឋរួមគ្នាកសាង។ ពូលីវង៉ុកលើម លេខាសាខាបក្សភូមិវិញញឹង ឲ្យដឹង៖" ស្ពានវត្តមានប្រវែងជាង២០ម៉ែត្រ ទទឹង៥ម៉ែត្រ កម្រាស់ជាង៥តឹក ថវិកាកសាងសរុបជាង៥៤៥លានដុង។ ក្នុងនោះ រដ្ឋជំនួយ១០០លានដុង នៅសល់ប៉ុន្មាន អាស្រ័យប្រជាជនរួមវិភាគទាន។ ពិសេសស្ពាននេះកសាងសម្រេចរួចរាល់ គឺអាស្រ័យប្រជាជនក្នុងភូមិគូរប្លង់និងរួមគ្នាសាងសង់"។ មិនត្រឹមតែស្ពានវត្តប៉ុណ្ណោះទេ ស្ពានក្នុងភូមិស្ទើរតែទាំងអស់សុទ្ធតែបានធ្វើអំពីបេតុង។ ក្រៅពីនោះ វិញញឹងនៅទាំងមានផ្លូវរថយន្តអាចបើកបរចូលដល់ចុងភូមិតាមផ្លូវតភ្ជាប់ពីឃុំវិញត្រិញ។ នេះជាផ្លូវរដ្ឋនិងប្រជាជនរួមគ្នា កសាងជាមួយនឹងថវិកាសរុបជាង១ពាន់លានដុង។

ពូលើមឲ្យដឹងបន្ថែម៖ ភូមិវិញញឹង មានមាមីងជនជាតិខ្មែររស់នៅប្រមាណ១/៣ នៃចំនួនប្រជាជនរួមរបស់ភូមិប្រមូលផ្តុំនៅជុំវិញវត្តសាមគ្គី។ ប៉ុន្មានឆ្នាំជិតៗនេះ ក្រុងកឹងធើ បានវិនិយោគទុនកសាងរបាំងការពារច្រាំងនៅមុខខ្លោងទ្វារវត្ត និងកសាងឈាបនដ្ឋាននៅនឹងវត្តជាមួយនឹង ថវិកាសរុបជាង៥០០លានដុង។ ក្រៅពីនោះ អាស្រ័យដោយបានអនុវត្ត កម្មវិធីគម្រោងការទាំងឡាយរបស់រដ្ឋ ម៉្លោះហើយមានគ្រួសារប្រជាជនជាច្រើនបានបុលទុនដោយអត្រាប្រាក់ការអនុគ្រោះ ដើម្បីធ្វើទុនជួញដូរកំប៉ិកកំប៉ុក ចិញ្ចឹមសត្វលើកស្ទួយជីវភាពគ្រួសារចាកផុតពីភាពក្រីក្រ ដោយចីរភាព តួយ៉ាងដូចគ្រួសារបងស្រីម៉ាយធីហ្វាយធូ ត្រឹងធីអុកញ៉ ។ល។ វិសេសនៅសងខាងផ្លូវបេតុង គឺជាជួរផ្ទះឥដ្ឋសមរម្យត្រូវបានសាងសង់ពីមួយថ្ងៃទៅមួយកាន់តែច្រើន។សាលាមតេ្តយ្យ សាលាបឋមសិក្សាដែលមានទីតាំងនៅក្នុងបរិវេណវត្តត្រូវបានវិនិយោគទុនកសាងបង្កើនគុណភាពសមរម្យ។ លោកថាច់ហ្វាង នៅភូមិវិញញឹង ឲ្យដឹង៖ " ប្រព័ន្ធផ្លូវគមនាគមន៍ជនបទ អគ្គិសនីទឹកស្អាត។ល។ ត្រូវបានរដ្ឋផ្តោតការយកចិត្តទុកដាក់វិនិយោគទុនម៉្លោះហើយមាមីងជនជាតិខ្មែរនៅទីនេះត្រេកអរណាស់។ ក្នុងភូមិហាក់ដូចជាគ្មាននៅសិស្សានុ សិស្សជាកូនចៅជនរួមជាតិខ្មែរ បោះបង់ការសិក្សាពាក់កណ្តាលការដូចមុនទៀត ពីព្រោះឥឡូវផ្លូវទៅកាន់សាលារៀនមានភាពងាយស្រួល ហើយថែមទាំងបានរដ្ឋឧបត្ថម្ភសៀវភៅ ប៊ិកទៀតផង"។ ការងារជំរុញការសិក្សា តែងបានភូមិភាគផ្តោតការយកចិត្តទុកដាក់វិញញឹងជាភូមិមួយក្នុងចំណោមភូមិនានា ដែលអនុវត្តសម្រេចរួចរាល់ការងារឧត្តានកម្មសិក្សាអប់រំកម្រិតមធ្យមសិក្សាមូលដ្ឋានដំបូងឃុំវិញប៊ិញ៕

ហាថាញ់-មុនី

ចែករំលែកអត្ថបទ

ពាក្យគន្លឹះ