មហាសាមគ្គីជនជាតិ គំរូក្នុងសហគមន៍

21/10/2014 - 10:24

អស់ពីចិត្តជាមួយនឹងបងប្អូននារីខ្មែរ

ជិត១៤ឆ្នាំ ធ្វើជាប្រធានសមាគមសហព័ន្ធនារីឃុំថើយអាងហោយ ស្រុកកេសាច់ ខេត្តសុកត្រាំង បងស្រីថាច់ធីសុខា បានជួយគ្រួសារ ជនជាតិខ្មែរជាច្រើនចាកផុតពីភាពក្រីក្រ។

ថាច់ធីសុខា(ឆេ្វង) ជានារីឆេ្នីម បានស្រុកកេសាច់ ជម្រេីសចូលរួមមហាសន្និបាតជនជាតិភាគតិចថ្នាក់ខេត្ត។

ដោយឃើញបងប្អូននារិខ្មែរជាច្រើននៅជនបទ រងការខាតអត្ថប្រយោជន៍ច្រើនក្នុងការរស់នៅ ម៉្លោះហើយបងស្រីថាច់ធីសុខា ប្រធានសមាគមសហព័ន្ធនារីឃុំថើយអាងហោយ ខ្នះខ្នែងចលនាបងប្អូននារី ចូលសមាគម។ បងស្រីសុខាឲ្យដឹង៖" ទស្សនៈរបស់បងប្អូននារីខ្មែរនៅជនបទយល់ថា គឺធ្វើយ៉ាងណាគ្រាន់តែធ្វើឲ្យបានល្អនូវតួនាទីជាម្តាយ ជាប្រពន្ធក្នុងគ្រួសារប៉ុណ្ណោះ។ ហេតុដូច្នោះ ពេលទៅចលនាបងប្អូននារីខ្មែរចូលរួមក្នុងអង្គការសមាគមមានបងប្អូននារីជាច្រើន នៅស្ទាក់ស្ទើរ ពុំដាច់ស្រេច ដូច្នេះខ្ញុំព្យាយាមពន្យល់ឲ្យបងប្អូនជ្រាប"។ សមាគមនារី គឺ ជាកន្លែងដែលបងស្រីសុខាផ្សព្វផ្សាយបណ្តាគោលការណ៍ គោលនយោបាយរបស់បក្ស និងច្បាប់របស់រដ្ឋ ចំណេះដឹងខាងសុខាភិបាលក៏ ដូចជាការកសាងគ្រួសារសុភមង្គល។ល។ ជូនបងប្អូននារីបានជ្រួតជ្រាប ។

ទន្ទឹមនឹងនោះ បងស្រីសុខានៅទាំងស្វែងយល់ពីមតិគោលបំណង របស់បងប្អូននារី ដើម្បីកសាងទម្រង់រូបភាពរកស៊ីប្រសិទ្ធភាព។ ដើម្បី ជម្នះស្ថានភាពកង្វះទុនរកស៊ី បងស្រីសុខាបានបង្កើតក្រុមនារីប្រិតសំចៃ ធ្វើតាមគំរូអ៊ំនៅភូមិអាងហ្វា ដោយមានសមាជិកចូលរួមចំនួន១៥ នាក់។ សម្រាប់ក្រុមនារីប្រិតសំចៃ សមាជិកម្នាក់ៗរួមទុន១០០ពាន់ដុង / ខែ ដើម្បីធ្វើទុនបង្វិលជុំ។ បន្ទាប់មកសមូហភាពប្រជុំពិនិត្យសម្រេចឲ្យបងប្អូននារីដែលមានជីវភាពលំបាកបំផុត ដើម្បីទទួលរុនឧបត្ថម្ភមុន ដើម្បីអភិវឌ្ឍសេដ្ឋកិច្ចគ្រួសារ។ ដោយឃើញពីប្រសិទ្ធភាពនិងប្រយោជន៍នៃការចូលរួមក្នុងអង្គការសមាគម ដូច្នេះមានបងប្អូននារីខ្មែរជាច្រើនមកសុំចុះឈ្មោះចូលរួម។ រហូតមកទល់នឹងបច្ចុប្បន្ន ទូទាំងឃុំមាន ទម្រង់រូបភាពរួមទុនបង្វិលជុំចំនួន១៦ក្រុមដោយមានសមាជិកចូលរួមជិត៦០០នាក់។ ក្រៅពីនោះ បងស្រីសុខានៅទាំងសហការជាមួយនឹងធនាគារគោលនយោបាយ- សង្គមកិច្ចពិនិត្យឲ្យសមាជិកបុលទុនអនុ គ្រោះដើម្បីចិញ្ចឹមសត្វ ដាំដំណាំ លក់ដូរកំប៉ិកកំប៉ុក។ល។ សមាជិកម្នាក់ ៗបានបុលទុនពី១០ដល់៣០លានដុង។ អាស្រ័យហេតុនោះ ទើបសមាជិកជាច្រើនក្នុងឃុំមានទុនរកស៊ី ចាកផុតពីភាពក្រីក្រ ឈានឡើងធូរធារ ។ នៅឆ្នាំ២០១២ ទូទាំងឃុំមានគ្រួសារក្រីក្រដល់ទៅ៤២៨មកទល់នឹងបច្ចុប្បន្ន ត្រូវបានកាត់បន្ថយនៅតែ២៤១គ្រួសារ។ ផ្តើមពីការចលនារបស់បងស្រីសុខា បងប្អូននារីខ្មែរនៅឃុំថើយអាងហោយ មានស្មារតី ភ្ញាក់រលឹកក្នុងការកសាងគ្រួសារសុភមង្គល ប្រិតសំចៃក្នុងការចាយវាយ ។ មុននេះ គ្រួសារបងស្រីឡឹមធីសាវ៉េត ជាគ្រួសារក្រីក្រ ពេលចូលរួមសមាគមបានឧបត្ថម្ភទុនជួញដូរ បច្ចុប្បន្នគ្រួសារបងស្រីមានជីវភាពធូរធារ។ បងស្រីសាវ៉េតឲ្យដឹង ៖"ប្រសិនជាគ្មានបងស្រីសុខាមកចលនា ចូលរួមក្នុងសមាគមទេនោះ ប្រហែលជាខ្ញុំនឹងទៅធ្វើការឈ្នួលនៅគ្រប់កន្លែងហើយមើលទៅ។ អាស្រ័យបានបុលទុនពីធនាគារនិងទុនបង្វិលជុំ បានទុននេះមកខ្ញុំទិញបន្លែបង្ការលក់ដូរនៅនឹងផ្ទះ ដើម្បីរកប្រាក់ចំណូលបន្ថែម។ ទន្ទឹមនឹងការលក់ដូរ ប្តីប្រពន្ធខ្ញុំនៅទាំងចិញ្ចឹមសត្វគួបផ្សំនិងដាំដំណាំ ទើបជីវភាពគ្រួសារខ្ញុំឥឡូវបានចាកផុតពីភាពក្រីក្រ"។

អាស្រ័យការយកចិត្តទុកដាក់ ចលនាដោយអស់ពីចិត្តពីថ្លើមរបស់បងស្រីសុខា ស្មារតីភ្ញាក់រលឹករបស់បងប្អូននារីនៅឃុំថើយអាងហោយ ត្រូវបានលើកកម្ពស់។ ហើយសមាគមនារីឃុំថើយអាងហោយ ក៏ជាទីបង្អែករបស់បងប្អូននារីនៅទីនេះ ក្នុងការដោះដូរយោបល់ខាងធ្វើការរកស៊ី ស្វែងយល់ពីគោលនយោបាយច្បាប់ ក៏ដូចជាចំណេះដឹងក្នុងការការពារសុខភាពផ្ទល់ខ្លួននិងគ្រួសារ...៕

លីធាន-មុនី

ចែករំលែកអត្ថបទ

ពាក្យគន្លឹះ