សុខភាព - អប់រំ សុខភាព

24/03/2015 - 17:16

ខ្នះខ្នែងបង្ការបង្រ្កាបរោគរបេង

ចាប់ពីដំណាក់សុខាភិបាលឃុំវៀងអាង ស្រុកត្រឹងដេ ខេត្តសុកត្រាំង ជំរុញការចលនាជួយប្រជាជនម្ចាស់ការបង្ការបង្រ្កាបរោគរបេង ឃើញថាចំនួនអ្នកកើតរោគរបេងនៅឃុំវៀងអាង ត្រូវបានកាត់បន្ថយគួរឲ្យកត់សម្គាល់។

ចលនាផ្សព្វផ្សាយ គឺជាទិសដៅដំបូងក្នុងការចលនាបង្ការ រោគរបស់ដំណាក់
សុខាភិបាលវៀងអាង ។

ប៉ុន្មានឆ្នាំកន្លង ឃុំវៀងអាង ត្រូវបានចាត់ទុកជា"ចំណុចក្តៅ" ខាងជំងឺរបេង។ ចំនួនអ្នកកើតរោគរបេងកើនឡើងរាល់ឆ្នាំ ធ្វើឲ្យមនុស្សជាច្រើន ឋិតក្នុងអាយុពលកម្ម រងការបាត់បង់កម្លាំងពលកម្ម រស់នៅពឹងផ្អែកទៅលើគ្រួសារ និងមានគ្រោះថ្នាក់ដល់អាយុជីវិត។ គ្រូពេទ្យឡឹមផល្លា អ្នកទទួលបន្ទុកយុទ្ធនាការបង្ការបង្រ្កាបរោគរបេងរបស់ឃុំ ឲ្យដឹង៖"នៅវៀងអាងរោគរបេងតែងកើតឡើងចំពោះគ្រួសារក្រីក្រ អ្នកធ្វើការធ្ងន់បរិភោគ ខ្វះជីវជាតិនិងខ្វះការយល់ដឹងពីរបៀបបង្ការរោគ។ល។ "ទើបឆ្លងរាលដាលទៅអ្នកដទៃ ដោយកំណត់បាននូវមូលហេតុរោគឆ្លងរាលដាល គឺ អាស្រ័យដោយប្រជាជនមិនទាន់ដឹងរបៀបបង្ការរោគ បានជាដំណាក់សុខាភិបាលឃុំវៀងអាង ជំរុញការផ្សព្វផ្សាយចំណេះដឹងអំពីការបង្ការបង្ក្រាបរោគរបេងស៊ីជម្រៅក្នុងប្រជាជន។ ដំណាក់សុខាភិបាលបានបង្កើនការកសាង កងជួរសហការីដោយមានសមាជិក១៦នាក់ ចាត់ឲ្យ ប្រចាំការក្នុងភូមិទាំង៣របស់ឃុំ និងជំរុញការផ្សព្វផ្សាយចំណេះដឹងខាង សុខាភិបាលជូនប្រជាជន។ ចំពោះអ្នកដែលមានការសង្ស័យកើតរោគរបេង ប៉ុន្តែមិនព្រមទៅកាន់ដំណាក់សុខាភិបាលពិនិត្យព្យាបាលរោគ កម្មាភិបាលសុខាភិបាល និងសហការីចុះទៅដល់ផ្ទះពន្យល់ណែនាំនិង ជូនលិខិតឃោសនាអំពីមូលហេតុដែលបណ្តាលឲ្យមានជំងឺរបេងចំពោះ សុខភាពផ្ទាល់ខ្លួនគ្រួសារនិងសហគមន៍។ អាស្រ័យហេតុនោះ សព្វថ្ងៃ ប្រជាជនឃុំវៀងអាង មានការយល់ដឹងពីរបៀបបង្ការបង្រ្កាបរោគ និងប្រទះឃើញរោគរបេងបានយ៉ាងឆាប់រហ័ស ដើម្បីព្យាបាលបានទាន់ពេល។

បងឌោច័ន្ទសារី នៅភូមិតិបញ៉ឹក ឲ្យដឹង៖ "កាលខ្ញុំអាយុ១៧ឆ្នាំ កម្មាភិបាលសុខាភិបាលសង្ស័យខ្ញុំកើតរោគរបេង រួចហៅខ្ញុំទៅមជ្ឈមណ្ឌល សុខាភិបាលស្រុកធ្វើតែស ខ្ញុំនៅតែមិនជឿ ពីព្រោះខ្ញុំនៅវ័យក្មេង។ ក្រោយពីកម្មាភិបាលសុខាភិបាលចុះមកដល់ផ្ទះពន្យល់អំពីរោគរបេង ទើបខ្ញុំយល់ដឹងថា រោគរបេងវាមិនដែលរើសមុខអ្នកណាទេ ពេលនោះ ខ្ញុំក៏ទៅព្យាបាលរោគ មិនទុកឲ្យអន្តរាយសុខភាពផ្ទាល់ខ្លួន និងបង្ការកុំឲ្យរោគឆ្លងរាលដាលក្នុងគ្រួសារនិងសង្គម"។ ចំណែកលោកលីភឿង នៅភូមិត្រាឌឹក ឲ្យដឹង៖ " ពេលឃើញក្នុងខ្លួនស្រៀវស្រាញក្អកអូសអន្លាយដេកមិនបាន ខ្ញុំមានការសង្ស័យកើតរោគរបេង ម្ល៉ោះហើយខ្ញុំក៏ប្រញាប់ទៅកាន់ដំណាក់សុខាភិបាលពិនិត្យជំងឺ រួចត្រូវបានឧទ្ទេសនាម ឡើងទៅមជ្ឈមណ្ឌលសុខាភិបាលស្រុកត្រឹងដេធ្វើតែស ជាលទ្ធផលឲ្យ ដឹងថា ខ្ញុំកើតរោគរបេង។ ក្រោយពីរយៈពេល៦ខែព្យាបាលរោគដោយឥតគិតថ្លៃ និងអនុវត្តត្រឹមត្រូវតាមការណែនាំរបស់វេជ្ជបណ្ឌិត សព្វថ្ងៃខ្ញុំ បានជាសះស្បើយ សុខភាពល្អដូចដើមទាំងស្រុង"។

អាស្រ័យដោយការផ្សព្វផ្សាយ ទើបរោគរបេងនៅឃុំវៀងអាងត្រូវបានកាត់បន្ថយ។ ជាក់ស្តែងឆ្នាំ២០០៨ ទូទាំងឃុំមានអ្នកកើតរោគរបេងជាង៣០នាក់ ដល់ឆ្នាំ២០១០នៅសល់តែ២៣លើកនាក់ប៉ុណ្ណោះ ឆ្នាំ២០១៤ ថយចុះនៅ១៦នាក់។ ចាប់ពីដើមឆ្នាំរហូតមកទល់សព្វថ្ងៃលើភូមិសាស្រ្ត ឃុំ មិនទាន់ប្រទះឃើញករណីកើតរោគរបេងណាមួយនៅឡើយ។ គ្រូពេទ្យឌិញថា ប្រធានដំណាក់សុខាភិបាលឃុំវៀងអាង ឲ្យដឹង៖ "សព្វថ្ងៃ ដោយសារមានព័ត៌មានជាច្រើនស្តីពីរោគរបេង ផ្សាយតាមមធ្យោបាយ ឃោសនា គួបផ្សំនឹងការចលនារបស់កម្មាភិបាល សុខាភិបាល បានជាមាមីងមានការភ្ញាក់រលឹកខ្ពស់ ក្នុងការបង្ការបង្រ្កាបរោគដែលជាមូល ហេតុមួយក្នុងចំណោមមូលហេតុទាំងឡាយធ្វើឲ្យរោគរបេងត្រូវបានឋិតក្រោមការត្រួតពិនិត្យ"៕

យ្វីអាញ់-សឹនម៉ាល័យ

ចែករំលែកអត្ថបទ

ពាក្យគន្លឹះ