សុខភាព - អប់រំ សុខភាព

13/01/2015 - 15:08

អាសយដ្ឋានថែទាំសុខភាពដ៏ទំនុកចិត្តរបស់ប្រជាជន

នោះគឺដំណាក់សុខាភិបាលឃុំតាយវុាំង ស្រុកត្រឹងដេ ខេត្តសុខត្រាំង ជាដំណាក់សុខាភិបាលសម្រេចបទដ្ឋានជាតិ ត្រូវបានប្រជាជននៅទីនេះជឿទុកចិត្ត។

កម្មាភិបាលដំណាក់សុខាភិបាលពិនិត្យជំងឺជូនប្រជាជន ។

ដំណាក់សុខាភិបាលឃុំតាយវុាំង កសាងសមរម្យ មានគ្រប់សព្វនូវបណ្តាបន្ទប់សមត្ថកិច្ចនិងមានភាពជ្រះស្អាតជានិច្ច។ កម្មាភិបាល បុគ្គលិកសុខាភិបាលប្រកបការងារដោយអស់ពីសមត្ថភាព ម្ល៉ោះហើយអ្នកជំងឺមានការស្ងប់ចិត្តនៅពេលបានមកពិនិត្យព្យាបាលជំងឺនៅទីនេះ ។ លោកយាយគឹមធីថូហៀង នៅភូមិចាក់ទទឹង ឲ្យដឹងៈ "មុននេះពេលឈឺថ្កាត់ គឺខ្ញុំទៅកាន់មន្ទីរពេទ្យពហុផ្នែកពិនិត្យព្យាបាល សព្វថ្ងៃដំណាក់សុខាភិបាលឃុំតាយវុាំង មានម៉ាស៊ីនទំនើបគ្រប់សព្វ ម្ល៉ោះហើយខ្ញុំតែងមកកាន់ទីនេះពិនិត្យជំងឺជារឿយៗ មិនបាច់ទៅពិនិត្យជំងឺឆ្ងាយដូចមុនទៀត។ គ្រូពេទ្យនៅទីនេះ ពិនិត្យព្យាបាលជំងឺដោយអស់ពីចិត្តពីថ្លើម" ។ បច្ចុប្បន្ន ដំណាក់សុខាភិបាលឃុំ មានគ្រឿងបំពាក់គ្រប់សព្វ ដើម្បីបម្រើការពិនិត្យព្យាបាលជំងឺ មានដូច៖ ម៉ាស៊ីនស្ទង់សម្ពាធឈាម ម៉ាស៊ីនឆ្លុះ ចង្វាក់បេះដូង ម៉ាស៊ីនវិភាគ ជីវគីមីសាស្រ្តស្វ័យប្រវត្ដិ ម៉ាស៊ីនវិភាគឈាម កៅអីសម្រាប់ពេទ្យធ្មេញ។ល។ ព្រមជាមួយនោះ មានកងជួរគ្រូពេទ្យ វេជ្ជបណ្ឌិត អស់ពីចិត្តពីថ្លើមក្នុងការពិនិត្យព្យាបាលជំងឺ ម្ល៉ោះហើយជានិច្ចកាលតែងជាអាស័យដ្ឋានពិនិត្យព្យាបាលជំងឺ គួជាទីទុកចិត្តរបស់ប្រជាជន។ មធ្យមភាគកម្មាភិបាលពេទ្យពិនិត្យជំងឺជូនមាមីង អ្នកជំងឺជាង១០០លើកនាក់ក្នុងមួយថ្ងៃ។ ដំណាក់សុខាភិបាលតែងធានាជូនប្រជាជនបានទទួលនូវបណ្តារបបនយោបាយផ្សេងៗ អ្នកមានប័ណ្ណធានាហានីភ័យសុខាភិបាល អ្នកក្រ កុមារមានអាយុក្រោមពី៦ឆ្នាំត្រូវបានពិនិត្យព្យាបាលជំងឺត្រូវតាមរបបកំណត់របស់រដ្ឋ។ លោកគឹមងើុ នៅភូមិតាយកុង ឲ្យដឹង៖"មុននេះចង់ទៅឆ្លុះអេកូ គឺត្រូវទៅដល់មន្ទីរពេទ្យស្រុក រីឯសព្វថ្ងៃដំណាក់សុខាភិបាលមានវេជ្ជបណ្ឌិត មានម៉ាស៊ីនឆ្លុះអេកូនិងទូទាត់ប័ណ្ណធានាហានីភ័យសុខាភិបាល ម្ល៉ោះហើយខ្ញុំច្រើនតែមកពិនិត្យជំងឺនៅទីនេះ។ វេជ្ជបណ្ឌិតនៅទីនេះ អ្នករាល់គ្នាតែងតែថែទាំអ្នកជំងឺដោយអស់ពីចិត្តពីថ្លើម មានជំនាញការខ្ពស់ ពិនិត្យព្យាបាលដោយជាក់លាក់ ហ្មត់ចត់ម្ល៉ោះហើយអ្នកជំងឺមានការនឹងនរចិត្តខ្លាំងណាស់"។ ទន្ទឹមនឹងនោះ ដំណាក់សុខាភិបាលនៅទាំងបង្កើនកម្លាំងពិនិត្យព្យាបាលដោយវិធីវេជ្ជសាស្រ្តបុរាណមានដូច៖ ចាក់ម្ជុលវិទ្យាសាស្រ្ត គក់ច្របាច់និងប្រើប្រាស់ថ្នាំបុរាណ។ គ្រូពេទ្យ ផាមហុងហ្គឹម ប្រធានដំណាក់សុខាភិបាលឃុំតាយវុាំង ឲ្យដឹង៖ "បច្ចុប្បន្ន ដំណាក់មានវេជ្ជបណ្ឌិតបម្រើប្រជាជន គ្រឿងបំពាក់សុខាភិបាលត្រូវបានវិនិយោគគ្រប់សព្វនិងទំនើបៗ។ ប្រជាជនក៏មកពិនិត្យជំងឺច្រើនជាង មិនតម្រង់ទៅមន្ទីរពេទ្យថ្នាក់លើដូចមុនទៀត"។

ទន្ទឹមជាមួយនឹងសកម្មភាពពិនិត្យ ព្យាបាលជំងឺជូនប្រជាជន ការងារផ្សព្វផ្សាយការបង្ការបង្រ្កាបរោគរាលដាល ក៏ត្រូវបានអនុវត្តបានល្អដែរ។ ឆ្នាំ២០១៤ លើភូមិសាស្រ្តឃុំគ្មានកើតសំបុករោគរាលដាលដ៏ធ្ងន់ធ្ងរណាមួយទេ។ បណ្តាកម្មវិធីគោលដៅជាតិ បង្ការបង្រ្កាបរោគរាលដាលត្រូវបានធ្វើការឃោសនាចលនាប្រកបដោយប្រសិទ្ធភាព។ សកម្មភាព ចាក់ថ្នាំបង្ការបើកទូលាយ ក៏ត្រូវបានអនុវត្តទៅតាមពេលកំណត់ប្រចាំខែ។ ក្នុងបណ្តាសកម្មភាពបង្ការប្រឆាំងភាពកុមារកង្វះអាហារូបត្ថម្ភ ដំណាក់សុខាភិបាលឃុំតាយវុាំង ជានិច្ចកាលតែងរៀបចំការឃោសនា ផ្សព្វផ្សាយជូនដំណឹងដោយផ្ទាល់ អំពីសកម្មភាពអាហារូបត្ថម្ភសម្រាប់ម្តាយមានគភ៌និងទារកក៏ដូចជាការចិញ្ចឹមកូនដោយទឹកដោះម្តាយ ឲ្យកុមារបរិភោគបន្ទាប់បន្សំ ត្រូវតាមរបៀបនិងការថែទាំកុមារ។ល។ អាស្រ័យហេតុដូច្នោះ អត្រាកុមារមានអាយុក្រោម៥ឆ្នាំ រងការខ្វះអាហារូបត្ថម្ភនៅក្នុងឃុំត្រូវបានកាត់បន្ថយរាល់ឆ្នាំ ក្នុងឆ្នាំ២០១៤ អត្រាកុមារមានអាយុក្រោម៥ឆ្នាំ រងការកង្វះអាហារូបត្ថម្ភមានតែ១៤%។

ការខ្នះខ្នែងរបស់កងជួរគ្រូពេទ្យ វេជ្ជបណ្ឌិតនៃដំណាក់សុខាភិបាល តាយវុាំង ក្នុងសកម្មភាពថែទាំសុខភាពដំបូងជូនប្រជាជនបានរួមចំណែកដ៏សំខាន់ក្នុងកម្មវិធីកសាងជនបទថ្មីនៅភូមិភាគ៕

យ្វីអាញ់-សឺនម៉ាល័យ

ចែករំលែកអត្ថបទ

ពាក្យគន្លឹះ