គោលនយោបាយ -ការរស់នៅ ការរស់នៅ

18/02/2014 - 09:58

វិលមកកសាងប៉ុស្តិ៍ដែលធ្លាប់រួមសុខទុក្ខកាលពីមុន

ប៉ុន្មានថៃ្ងជិតដល់បុណ្យចូលឆ្នាំតេត វិលមកតំបន់ព្រំដែនយ៉ាងថាញ់ ខេត្តគៀងយ៉ាង ជំនោរខ្យល់និទាឃរដូវត្រជាក់ អាកាសធាតុបរិសុទ្ធ បានធ្វើឲ្យបរិយាកាសពលកម្ម បង្កបង្កើនផលរបស់សមូហភាពកម្មាភិបាល យុទ្ធជននៃប៉ុស្តិ៍ការពារព្រំដែនភូមី កាន់តែមានភាពពុះពោរឡេីង។ ក្រោយពីជាងមួយឆ្នាំជាមួយនឹងស្មារតីសាមគ្គី ច្នៃប្រតិដ្ឋម្នាក់ៗ សុទ្ធតែមានកិច្ចការផ្សេងៗទាំងអស់ គឺដើម្បីសោភ័ណភាពរួមរបស់អង្គភាពរហូតមកទល់ពេលនេះ បណ្តាចម្ការដំណាំរួមផ្សំ ស្រះត្រី ទ្រុងចិញ្ចឹមសត្វ។ល។ ត្រូវបានបង្កើតឡើង សង្ឃឹមថានឹងបានផ្លាស់ប្តូរមុខមាត់ថ្មីស័ក្តិសមនឹងកិត្តិនាមអង្គភាពក្លាហាន។

មួយជ្រុងនៃចម្ការបនែ្លគំរូរបស់ប៉ុស្តិ៍ការពាព្រំដែនភូមី។

យើងខ្ញុំមកកាន់ប៉ុស្តិ៍ការពារព្រំដែនភូមីនៅម៉ោងជាង៥រសៀល ប៉ុន្តែការពលកម្មផលិតនៅទីនេះ នៅតែស្រស្រាក់ស្រស្រាំ។ វរសេនីយ៍ឯកបម្រុងង្វៀងតៀងសឺ ប្រធានប៉ុស្តិ៍ការពារព្រំដែនភូមី ទទួលយើងខ្ញុំដោយដៃជើងនៅប្រឡាក់ដីស្រមកនៅឡើយ។ ប្រស្រ័យទាក់ទងនឹងយើងខ្ញុំ បងសឺបញ្ជាក់ឲ្យដឹងៈ"នៅអង្គភាពនេះ គឺដូច្នេះឯង!ក្រៅពីកិច្ចការជំនាញពេលទំនេរបងប្អូនពលកម្មបង្កបង្កើនផល។ បងប្អូនយើងខ្ញុំ ពេលបំពេញភារកិច្ចគឺអនុវត្តទៅតាមអាជ្ញាយោធា ប៉ុន្តែពេលពលកម្ម បង្កបង្កើនផល គឺមិនថាមេបញ្ជាការឬក៏យុទ្ធជនទេត្រូវតែធ្វើការដូចគ្នាទាំងអស់"។ យើងខ្ញុំចោលភ្នែកមើលទៅសមមិត្តប្រធាន ប៉ុស្តិ៍ការពារព្រំដែនម្តងទៀត ឃើញថាបងទើបតែមកបំពេញការងារនៅអង្គភាពនេះ ជាងមួយឆ្នាំ ប៉ុន្តែមានសម្បុរខ្មៅនិងមាំមួនជាងកាលបំពេញការងារ ប្រជាចលនានៃបញ្ជាការដ្ឋានកងទ័ពការពារព្រំដែនខេត្ត។ សម្លៀកបំពាក់ខ្លាឃ្លោកសម្រាប់ពលកម្មបានហើរពណ៌ហើយ ដៃជើងរបស់បងក៏មាំមួនជាងមុនច្រើនណាស់។

និយាយបណ្តើរ សមមិត្តប្រធានប៉ុស្តិ៍ការពារព្រំដែន នាំយើងខ្ញុំទៅទស្សនាទម្រង់រូបភាពចម្ការបន្លែគំរូមួយផ្សេងទៀត ដែលអាស្រ័យដោយសមូហភាព កម្មាភិបាល យុទ្ធជនរបស់អង្គភាព ផ្តុំកម្លាំងដាំដុះបានជាង៥ខែ។ ក្នុងបរិយាកាសពលកម្មហ្មត់ចត់កម្មាភិបាលទាំងឡាយនៅទីនេះ ឲ្យដឹងបន្ថែមៈ ធ្វើបានជាចម្ការបង្កបង្កើនផលមួយមានរបៀបរៀបរយស្អាតបាតដូច្នេះ គឺត្រូវចំណាយច្រើនរួមទាំងកម្លាំងពលកម្មរបស់កម្មាភិបាល យុទ្ធជនជាង៣០ថ្ងៃផង។ ប៉ុន្តែទឹកចិត្តរបស់សមមិត្ត ប្រធានប៉ុស្តិ៍ការពារព្រំដែន គឺមិនជួលកម្លាំងពីក្រៅជាដាច់ខាត គ្រាន់តែចំណាយទិញវត្ថុធាតុដើម ចំណែកកម្លាំងពលកម្ម អាស្រ័យដោយកម្មាភិបាល យុទ្ធជនធ្វើដោយខ្លួនឯង។ ផ្តើមពីកិច្ចការនេះ បានកាត់បន្ថយប្រាក់ចំណាយជាច្រើនដោយសន្សំសំចៃបានប្រាក់រាប់សិបលានដុង ជូនអង្គភាពសម្រាប់ប្រើប្រាស់ក្នុងវិស័យផ្សេងវិញ។

ដើម្បីរក្សាចម្ការបន្លែបង្ការឲ្យបានស្រស់ល្អជានិច្ច គណៈបញ្ជាការប៉ុស្តិ៍បានចាត់កម្មាភិបាលយុទ្ធជនមួយក្រុមទទួលបន្ទុក ដាំដុះ ថែទាំនិងបើកទូលាយបន្ថែមបណ្តាប្រភេទដំណាំរួមផ្សំ។ ពេលខាងមុខអង្គភាពនឹងផ្តុំពេលវាលា ថវិកានិងកម្លាំងជាច្រើនជាងទៀត ដើម្បីពង្រីកផ្ទៃដីដាំ បន្លែបង្ការនិងបង្កើតចម្ការគំរូបន្ថែម។ នៅជ្រុងមួយនៃទីធ្លាររបស់អង្គភាពតាំងពីយូរមកត្រូវបានរៀបចំប្លង់ ជាកន្លែងសម្រាកកាយកម្សាន្តប្រជុំជីវកិច្ចគួរជាទីមនោរមនិងជឿនលឿន។ ចាប់ពីទទួលតំណែងជាប្រធានប៉ុស្តិ៍វរសេនីយ៍ឯកបម្រុង ង្វៀងតៀងសឺ តែងដាំដំណាំលំអ តុបតែង ទីនេះឲ្យកាន់តែមានសោភណភាពនិងមានដំណាំលំអច្រើនជាង។ របៀបធ្វើនេះ ក្រៅពីរួមចំណែកបង្កើតបានជាសោភណភាពជូនអង្គភាព យុទ្ធជនវ័យក្មេងទាំងឡាយ មានបរិស្ថានប្រជុំជីវកិច្ចដ៏មានប្រយោជន៍ ជួយបំបាត់ការនឹកផ្ទះនិងបំបាត់ក្តីនឿយហត់ ក្រោយពីពេលយាមល្បាត ជួយប្រជាជន។ល។ ចាប់ពីថ្ងៃមកទទួលការងារ ពេលណាក៏ដោយ សមមិត្តប្រធានប៉ុស្តិ៍តែងដាស់តឿនក្រើនរំលឹក ត្រួតពិនិត្យជាប្រចាំ ហេតុនោះ ចង្រ្កានកន្លែងស្នាក់នៅរបស់កងទ័ពតែងមានរបៀបរៀបរយស្របអនាម័យ។ ប្រព័ន្ធបន្ទាយការពារលេនដ្ឋានទំនប់ការពារទឹកជំនន់ មណ្ឌលចិញ្ចឹមសត្វ។ល។ តែងមានភាពស្រឡះស្រឡំ និងស្អាតបាតជានិច្ច។ "តាំងពីយូរមក ប៉ុស្តិ៍ការពារព្រំដែនភូមីធ្លាប់ឈានមុខក្នុងចលនាកសាងអង្គភាពបៃតងជ្រះស្អាត បានបញ្ជាការដ្ឋានជ្រើសធ្វើជាប៉ុស្តិ៍ គោលដៅចង្អុលការក្នុងទូទាំងខេត្ត។ បណ្តាទម្រង់រូបភាព ដែលមានស្រាប់របស់អង្គភាព ក៏កើតមានពីគំនិតច្នៃប្រតិដ្ឋ គុណបំណាចរបស់រាមច្បង។ ដោយឡែកចំពោះបុគ្គលពីមុន ខ្ញុំធ្លាប់បំពេញការងារនៅអង្គភាពនេះ ធ្លាប់រួមសុខរួមទុក្ខនៅទីនេះ ហើយពេលនេះបាន គណៈកម្មាធិការបក្ស បញ្ជាការដ្ឋានទុកចិត្តប្រគល់ភារកិច្ចឲ្យខ្ញុំធ្វើជាប្រធានប៉ុស្តិ៍ការពារព្រំដែន ខ្ញុំកាន់តែមានការខិតខំជាងទៀតក្នុងការងារទាំងឡាយ។ យើងខ្ញុំប្តេជ្ញា លើកទឹកចិត្តគ្នាត្រូវតែខិតខំកសាងប៉ុស្តិ៍ការពារព្រំដែនភូមី ក្លាហាន នេះពីមួយថ្ងៃទៅមួយថ្ងៃកាន់តែស្រស់ស្អាតជាងមុន" -វរសេនីយ៍ឯក បម្រុងង្វៀងតៀងសឺឲ្យដឹងដូច្នេះ។

ជាង២៦ឆ្នាំបម្រើកងទ័ព វរសេនីយ៍ឯកបម្រុងង្វៀងតៀងសឺ បានបំពេញការងារតាមខ្សែបន្ទាត់ព្រំដែននិរតីជាង៧ឆ្នាំ។ ឥឡូវបានវិលមក អង្គភាពចាស់ក្នុងតួនាទីអ្នកបញ្ជាការខ្ពស់បំផុត រូបបងផ្ទាល់សង្កេត ឃើញថាត្រូវតែមានស្មារតីទទួលខុសត្រូវជាងទៀត ក្នុងការងារនិងអ្វីៗ ទាំងអស់គឺដើម្បីសមូហភាពអង្គភាព៕

លេស៊ាង-វិមាន

ចែករំលែកអត្ថបទ

ពាក្យគន្លឹះ