សុខភាព - អប់រំ សុខភាព

10/03/2014 - 16:39

ចំណុចលេចធ្លោនៃដំណាក់សុខាភិបាលឡឹមតឹង

ឡឹមតឹង ជាឃុំមួយនៅតំបន់ជ្រៅរបស់ស្រុកថាញ់ទ្រី ខេត្តសុកត្រាំង រយៈពេលកន្លង អាស្រ័យទឹកចិត្តស្រឡាញ់របរ ជម្នះរាល់ការលំបាករបស់កងជួរគ្រូពេទ្យ ដំណាក់សុខាភិបាលឡឹមតឹង អនុវត្តបានល្អនូវការថែទាំសុខភាព និងបង្ការបង្ក្រាបរោគរាលដាលនៅភូមិភាគ។

បុគ្គលិកសុខាភិបាលពិនិត្យជំងឺជូនប្រជាជន។

គ្រូពេទ្យង្វៀងធីហៀង ប្រធានដំណាក់សុខាភិបាលឡឹមតឹង ឲ្យដឹងៈ" ឆ្នាំ២០១៣ ដំណាក់សុខាភិបាលមានតែ២បន្ទប់និងមានបុគ្គលិកសុខាភិបាល២រូប រីឯអ្នកជំងឺមានចំនួនច្រើន។ អាស្រ័យផ្លូវជនបទពិបាកធ្វើដំណើរទៅមកការយល់ដឹងពីរបៀបថែទាំសុខភាព និងការបង្ការបង្ក្រាបរោគរាលដាលរបស់មាមីងនៅស្តួចស្ដើងដូច្នេះហើយរោគរាលដាល តែងកើតមានឡើងជាញឹកញាប់។ ឆ្នាំ២០០៣ ខណៈពេលផ្លូវគមនាគមន៍ជនបទត្រូវបានវិនិយោគទុនកសាងត្រឹមត្រូវបង្គួរ ផ្នែកក៏បានវិនិយោគទុនកសាងដំណាក់សុខាភិបាលដោយផ្គត់ផ្គង់មូលដ្ឋានសម្ភារៈ បំពាក់គ្រឿងឧបករណ៍គ្រប់សព្វដូចៈ ម៉ាស៊ីនអេកូ ម៉ាស៊ីនស្ទង់បេះដូង ម៉ាស៊ីនធ្វើកោសល្យវិច័យគ្រែ។ល។ ព្រមទាំងបំពេញបន្ថែមកងជួរបុគ្គលិក សុខាភិបាល ដើម្បីថែទាំសុខភាពជូនប្រជាជនបានល្អថែមទៀត" ។

  ដោយឃុំឡឹមតឹងជាឃុំតំបន់ជ្រៅ មានភូមិជាច្រើននៅឆ្ងាយពីមជ្ឈមណ្ឌលឃុំ ទើបដំណាក់សុខាភិបាលរបស់ឃុំនេះ ផ្ដុំកម្លាំងកសាងកងជួរសហការីសុខាភិបាលបានចំនួន១៧រូប និងក្រុមសុខាភិបាលភូមិបាន៧ ក្រុមប្រចាំនៅភូមិទាំង៧របស់ឃុំ។ ជារៀងរាល់ខែ កងជួរសហការីមានភារកិច្ចផ្សព្វផ្សាយ និងចលនាប្រជាជនទៅកាន់ដំណាក់សុខាភិបាល ចាក់ថ្នាំបង្ការរោគឲ្យកុមារនិងស្រ្តីមានផ្ទៃពោះ។ អាស្រ័យដោយការផ្សព្វផ្សាយ បានញុាំងឲ្យការយល់ដឹងរបស់ប្រជាជនអំពីការថែទាំសុខភាពកាន់តែកើនឡើង ហើយក៏អាស្រ័យដោយប្រជាជនម្ចាស់ការនាំកូនចៅទៅកាន់ដំណាក់សុខាភិបាលចាក់ថ្នាំបង្ការរោគបានជាក្នុងឆ្នាំ ២០១៣ អត្រាកុមារនិងស្រ្តីមានផ្ទៃពោះ ចាក់ថ្នាំបង្ការរោគនិងបន្ដក់សម្រេចជាង៩៩%។ បងផាមវុាំងដុង សហការីសុខាភិបាលភូមិត្រុងញ៉ឹក ជាតំបន់ដែលមានជនរួមជាតិខ្មែររស់នៅជិត១០០% ឲ្យដឹងៈ"មុននេះដល់ថ្ងៃកំណត់ចាក់ថ្នាំបង្ការដល់កុមារ ខ្ញុំតែងចុះទៅតាមផ្ទះចលនាមាមីងនាំកូនចៅទៅកាន់ទីស្នាក់ការភូមិដើម្បីចាក់ថ្នាំ ប៉ុន្តែឥឡូវនេះមាមីងមានការយល់ដឹង ហើយក៏ម្ចាស់ការនាំកូនចៅទៅកាន់ដំណាក់សុខាភិបាលចាក់ថ្នាំបង្ការដោយខ្លួនឯង។ បច្ចុប្បន្ន ពេលឃើញកូនចៅមានជំងឺឈឺថ្កាត់ ពួកគាត់ក៏នាំទៅកាន់ដំណាក់សុខាភិបាលឬមន្ទីរពេទ្យ ដើម្បីព្យាបាលភ្លាមៗ លែងជឿទៅលើអបិយជំនឿដូចពីមុនទៀត។ ជាពិសេស មាមីង ចេះអនាម័យផ្ទះសម្បែង កំចាត់ឃ្វិច ហូបឆ្អិន ផឹកឆ្អិនដើម្បីធានាសុខ ភាព" ។ល។

  ព្រមជាមួយនោះ ការងារពិនិត្យព្យាបាលជម្ងឺជូនប្រជាជនក៏បានដំណាក់សុខាភិបាលអនុវត្តបានល្អ។ គិតជាមធ្យមក្នុងមួយថ្ងៃដំណាក់សុខាភិបាលទទួលពិនិត្យជំងឺជាង៦០នាក់។ ទោះបីជាឃុំតំបន់ជ្រៅក៏ដោយ ប៉ុន្តែដំណាក់សុខាភិបាលនៅតែជានិច្ចកាល ជាអាសយដ្ឋានដ៏ទំនុកចិត្តរបស់ប្រជាជននៅពេលមានជំងឺឈឺថ្កាត់ម្ដងៗ។ បងស្រី លេធីង៉ុកប៊ិត នៅភូមិតាមង៉ាយ នាំកូនតូចមកពិនិត្យជំងឺ ឲ្យដឹងៈ"គ្រូពេទ្យនៅដំណាក់សុខាភិបាលពិនិត្យជំងឺហ្មត់ចត់ណាស់ និយាយស្ដីក៏ទន់ភ្លន់និងណែនាំរបៀបថែទាំកុមារបានម៉ត់ចត់។ លើកមុន ឃើញកូននាងខ្ញុំក្ដៅខ្លួនខ្លាំង ដំណាក់សុខាភិបាលក៏បញ្ជូនទៅមន្ទីរពេទ្យថ្នាក់លើជាបន្ទាន់ ដូច្នេះនាងខ្ញុំមានទំនុកចិត្តនិងស្ងប់អារម្មណ៍"។ ចំណែកលោកយាយថាច់សារីនៅភូមិ កៀតឡឹបAឲ្យដឹងៈ"ខ្ញុំមានជម្ងឺសម្ពាធឈាមខ្ពស់ រាល់សប្ដាហ៍តែងទៅពិនិត្យជំងឺដើម្បីយកថ្នាំផឹក គ្រូពេទ្យទាំងឡាយនៅទីនេះរាក់ទាក់និងចិត្តល្អណាស់។ ដឹងថាខ្ញុំមិនចេះនិយាយភាសាវៀត ហេតុនេះពួកគាត់ក៏សាកសួរពីអាការរោគនិងណែនាំរបៀបផឹកថ្នាំ សម្រាកហូបចុកដោយភាសា ខ្មែរយ៉ាងច្បាស់លាស់"។

  ឆ្នាំ២០១៣ ដំណាក់សុខាភិបាលឡឹមតឹង គឺជាអង្គភាពដំបូងបង្អស់របស់ស្រុកសម្រេចបទដ្ឋានជាតិបាននួន១០ស្ដីពីសុខាភិបាលថ្នាក់ឃុំ។ ស្នាដៃនោះ បានគូសបញ្ជាក់អំពីការផ្សារភ្ជាប់និងទឹកចិត្តមនុស្សធម៌នៃគ្រូពេទ្យម្នាក់ៗ ហើយពួកគាត់តែងចាត់ទុកអ្នកជំងឺដូចសាច់ញាតិរបស់ខ្លួន ហើយព្យាបាលដោយអស់ពីចិត្ត៕

លីធាន-ពេជ្រសឿន

ចែករំលែកអត្ថបទ

ពាក្យគន្លឹះ