សុខភាព - អប់រំ សុខភាព

26/11/2013 - 09:21

អស់ពីចិត្តបម្រើអ្នកជំងឺ

រយៈពេលកន្លង ជាមួយនឹងភារកិច្ចថែទាំសុខភាពជូនប្រជាជននៅតំ បន់មានជនរួមជាតិខ្មែររស់នៅកុះករ កម្មាភិបាល គ្រូពេទ្យ វេជ្ជបណ្ឌិត របស់ដំណាក់សុខាភិបាលឃុំវៀងអាង ស្រុកត្រឹងដេ ខេត្តសុកត្រាំង ខិតខំអនុវត្តបានល្អការងារពិនិត្យព្យាបាលជំងឺជូនប្រជាជន។ ទន្ទឹមនឹង នោះ ផ្សព្វផ្សាយអនុវត្តបានល្អនូវការបង្ការបង្ក្រាបរោគឆ្លងរាលដាលលើកកម្ពស់ក្រមសីលធម៌និងភារកិច្ចគ្រូពេទ្យ។

ទន្ទឹមនឹងការពិនិត្យជំងឺអ្នកជំងឺនូវទាំងបានកម្មាភិបាលពេទ្យពិភាក្សាអំពីរបៀបថែទាំសុខភាព

អ៊ំស្រីត្រឹងធីកុង នៅភូមិបឹងទន្សា ទៅពិនិត្យជំងឺនៅដំណាក់សុខាភិបាលឃុំវៀងអាង ឲ្យដឹងៈ"គ្រូពេទ្យនិយាយស្តីរាក់ទាក់ ចេះយោគយល់ និងអាទិភាពពិនិត្យព្យាបាលជំងឺឲ្យអ្នកវ័យចំណាស់មុន។ វ័យចំណាស់ដូចរូបខ្ញុំ ប្រសិនបើមានសេចក្តីត្រេកអរ ទំនុកចិត្តដូច្នេះ ជំងឺនឹងឆាប់បានជាសះស្បើយមិនខាន"។ ក្នុងបន្ទប់ពិនិ្យជំងឺមានអ្នកជំងឺជាច្រើន បានចាប់លេខរង់ចាំដល់វេនខ្លួនចូលពិនិត្យជំងឺ។ ចំពោះអ្នកឈឺធ្ងន់អ្នកវ័យចំណាស់និងកុមារត្រូវបានអាទិភាពពិនិត្យព្យាបាលមុន។ បងលីវ វៀង នៅភូមិបើដឹប ឲ្យដឹងៈ"ចន្លោះមុននេះប្រហែលជា១០ថ្ងៃខ្ញុំទៅ ដំណាក់សុខាភិបាលពិនិត្យជំងឺដោយពោះខ្ញុំឈឺខ្លាំងពេក ម្ល៉ោះហើយ វេជ្ជបណ្ឌិតផ្តល់អាទិភាពឲ្យខ្ញុំពិនិត្យជំងឺមុន។ ទោះបីដូច្នេះក្តី កម្មាភិបាលបានពន្យល់យ៉ាងហ្មត់ចត់ ដើម្បីកុំឲ្យមាមីងយល់ថាមានការលំអៀង។ ពិនិត្យរួចស្រេចដឹងថាខ្ញុំរលាកពោះវៀនសល់ ម្ល៉ោះហើយកម្មាភិបាលពេទ្យទាំងឡាយ បានធ្វើសំណុំលិខិតបញ្ជូនទៅមន្ទីរពេទ្យថ្នាក់លើដើម្បីវះកាត់។ សព្វថ្ងៃជំងឺបានជាសះស្បើយ ខ្ញុំទៅកាន់ដំណាក់សុខាភិបាលកាត់ចេស ក៏បានគ្រូពេទ្យនៅទីនេះណែនាំរបៀបថែទាំសុខភាពយ៉ាងហ្មត់ចត់"។

បច្ចុប្បន្ន មធ្យមភាគរៀងរាល់ថ្ងៃដំណាក់សុខាភិបាលទទួលពិនិត្យជំងឺ និងផ្តល់ថ្នាំជូនអ្នកមានប័ណ្ណធានាហានិភ័យសុខាភិបាលជាង១០០លើកនាក់ មិនដូចដំណាក់សុខាភិបាលដទៃទេ បន្ទប់ពិនិត្យរបស់ដំណាក់សុខាភិបាលវៀងអាង ត្រូវបានរៀបចំស្រឡះទូលា មានល្វែង ដាក់កៅអីជាច្រើនសម្រាប់អ្នកជំងឺអង្គុយរង់ចាំដោយសណ្តាប់ធ្នាប់ល្អ។ គ្រូពេទ្យឡឹមធីផលា ឲ្យដឹងៈ"ក្នុងនាមជាគ្រូពេទ្យភារកិច្ចរបស់នាងខ្ញុំ គឺត្រូវអនុវត្តឲ្យបានល្អនូវក្រមសីលធម៌គ្រូពេទ្យតាមគោលលំនាំ"គ្រូពេទ្យ សប្បុរសប្រៀបដូចម្តាយល្អ" តែងចាត់ទុកអ្នកជំងឺដូចសាច់ញាតិក្នុងគ្រួសារ។ ក្នុងមួយថ្ងៃៗ ទោះបីមានកម្មាភិបាលទទួលបន្ទុកពិនិត្យជំងឺតែ៣នាក់ ប៉ុន្តែមាមីងតែងទំនុកចិត្តជាមួយនឹងរបៀបរៀបចំរបស់ដំណាក់សុខាភិបាលម្ល៉ោះហើយនឹងនរចិត្តអង្គុយរង់ចាំដល់វេនខ្លួនពិនិត្យជំងឺ ។ អាស្រ័យហេតុនោះ ការងារពិនិត្យជំងឺតែងប្រព្រឹត្តទៅមានភាពងាយស្រួល"។

មិនត្រឹមតែអនុវត្តបានល្អនូវការពិនិត្យព្យាបាលជំងឺប៉ុណ្ណោះទេ ការងារបង្ការប្រឆាំងរោគឆ្លងរាលដាល ក៏បានដំណាក់សុខាភិបាលផ្សព្វផ្សាយ អនុវត្តបានល្អប្រសើរផងដែរ។ ចន្លោះមុននេះ ប្រហែលជា១០ឆ្នាំ ការចាក់ថ្នាំបង្ការឲ្យកុមារនិងស្រ្តីមានផ្ទៃពោះជួបការលំបាកជាច្រើនសំរេចបានត្រឹមតែ៤០%នៃផែនការដាក់ចេញ បច្ចុប្បន្នអត្រាសម្រេចបានជាង៩៨%។ នៅពេលដល់ថ្ងៃចាក់ថ្នាំបង្ការ ស្រ្តីពផ្ទៃនិងឪពុកម្តាយតែងភ្ញាក់រលឹកដោយខ្លួនឯងយកកូនទៅចាក់ថ្នាំបង្ការ។ សម្រេចបានលទ្ធផលដូច្នោះ គឺអាស្រ័យទៅលើកម្មាភិបាលពេទ្យម្ចាស់ការក្នុងការផ្សព្វផ្សាយ ជូនជនរួមជាតិខ្មែរ ឲ្យមានស្មារតីភ្ញាក់រលឹកបង្ការប្រឆាំងរោគឆ្លងរាលដាល។ ព្រមជាមួយនោះ ដំណាក់សុខាភិបាលរៀបចំបានសមស្របដើម្បីបុគ្គលិកសហការជាមួយនឹងសហការីសុខាភិបាលចំនួន១៦នាក់ នៅក្នុងភូមិទាំង៤ ផ្សព្វផ្សាយអំពីការងារបង្ការប្រឆាំងរោគឆ្លងរាល ដាលមានដូចៈ គ្រុនឈាម ជំងឺពងដៃ ជើងមាត់ រោគរលាកពោះវៀន និងផ្លូវដកដង្ហើម។ល។ ផ្តើមពីនោះ ជួយប្រជាជនមានការយល់ដឹងអំពីសុខាភិបាល ដើម្បីបង្ការរោគឆ្លងរាលដាលផ្សេងៗដែលអាចនឹងកើតមានឡើង។ ម្យ៉ាងទៀតដំណាក់សុខាភិបាលម្ចាស់ការបាញ់ថ្នាំបង្ក្រាបសំបុករោគឆ្លងរាលដាលបានទាន់ពេល។ អាស្រ័យហេតុនោះ ស្ថានភាពរោគឆ្លងរាលដាលពីមួយឆ្នាំទៅមួយឆ្នាំកាន់តែថយចុះ។ ជាក់ស្តែង ចំពោះរោគឆ្លងគ្រុនឈាមកាលពីឆ្នាំ២០០៤ ទូទាំងឃុំកើតមានជាង៤០០ករណីដល់ឆ្នាំ២០១២ កើតត្រឹមតែ៣០ករណី ចាប់តាំងពីដើមឆ្នាំ មកទល់ពេលនេះកើតតែ១៥ករណីប៉ុណ្ណោះ ។ល។

អាស្រ័យដោយការផ្សព្វផ្សាយរបស់កម្មាភិបាលសុខាភិបាល និងដោយសារចំណេះដឹងខាងថែទាំសុខភាពរបស់ប្រជាជន ពីមួយថ្ងៃទៅមួយថ្ងៃកាន់តែបានលើកកម្ពស់ ហេតុនោះដំណាក់សុខាភិបាលឃុំវៀងអាង អនុវត្តបានល្អនូវបទដ្ឋានសុខាភិបាលជាតិចំនួន១០។ ដំណាក់សុខាភិបាលច្រើនឆ្នាំបន្តបន្ទាប់ បានទទួលស្គាល់ជាដំណាក់សុខាភិបាលសម្រេចបទដ្ឋានសុខាភិបាលជាតិ។ គ្រូពេទ្យឌិញថា ប្រធានដំ ណាក់សុខាភិបាលវៀងអាង ឲ្យដឹងៈ" ទិសដៅរបស់ដំណាក់សុខាភិបាល គឺអនុវត្តបានល្អការងារពិនិត្យព្យាបាលជំងឺនិងការងារជួយប្រជាជនបង្ការបង្ក្រាបរោគឆ្លងរាលដាល។ បច្ចុប្បន្ន ដំណាក់សុខាភបាលបានបញ្ជូនកម្មាភិបាលម្នាក់ទៅបណ្តុះបណ្តាលវេជ្ជបណ្ឌិត ចំណែកសហការីតែងបានរៀបចំហ្វឹកហាត់ជារឿយៗ ដើម្បីលើកកម្ពស់កម្រិតវិជ្ជា ធានាការងាផ្សព្វផ្សាយ និងចលនាប្រជាជនប្រព្រឹត្តទៅបានល្អប្រសើរ ។ល។៕

លីធាន-លីសៀ

ចែករំលែកអត្ថបទ

ពាក្យគន្លឹះ