ព្រឹត្តិការណ៍ - នយោបាយ ព្រឹត្តិការណ៍

19/10/2026 - 09:19

លើកកម្ពស់ស្មារតីទទួលខុសត្រូវក្នុងការអនុវត្តកម្មវិធីទិសដៅជាតិ ដំណាក់កាល ២០២៦-២០៣០

នាយករដ្ឋមន្ត្រីនៃរដ្ឋាភិបាល ឡេ មិញហ៊ឹង សំណូរពរក្រសួង ផ្នែកនិងភូមិភាគនានា លើកកម្ពស់ស្មារតីទទួលខុសត្រូវ ប្តេជ្ញាចិត្តខ្ពស់ជាងទៀត សហការស្អិតល្មួតជាងទៀត ចាត់តាំងអនុវត្តម៉ឺងម៉ាត់ជាងទៀត មិនទុកឱ្យប្រជាជនរង់ចាំ; យកលទ្ធផលនៅមូលដ្ឋាន ការផ្លាស់ប្តូរជីវភាពប្រជាជន និងគុណភាពអភិវឌ្ឍដោយចីរភាពធ្វើជាការវាស់ស្ទង់ប្រសិទ្ធភាពកម្មវិធី។

នាយករដ្ឋមន្ត្រី ឡេ មិញហ៊ឹង ដឹកនាំកិច្ចប្រជុំអនុវត្តកម្មវិធីទិសដៅជាតិអភិវឌ្ឍវប្បធម៌ -សង្គមជនបទ ជនជាតិនិងតំបន់ភ្នំ។

នាយករដ្ឋមន្ត្រីនៃរដ្ឋាភិបាល ឡេមិញហ៊ឹង សមាជិកការិយាល័យនយោបាយ នាយករដ្ឋមន្ត្រីនៃរដ្ឋាភិបាល ប្រធានគណៈចង្អុលការមជ្ឈិមនៃកម្មវិធីទិសដៅជាតិអភិវឌ្ឍវប្បធម៌ - សង្គម ជនបទជនជាតិនិងតំបន់ភ្នំ ដំណាក់កាល ២០២៦-២០៣៥ បានដឹកនាំកិច្ចប្រជុំផ្សព្វផ្សាយអនុវត្តកម្មវិធី។

នៅទីតាំងតភ្ជាប់បណ្តាញទីក្រុងកឹងធើ លោក ត្រឿង កាញ់ត្វៀង អនុលេខាគណៈកម្មាធិការបក្ស ប្រធានគណៈកម្មាធិការប្រជាជនទីក្រុងកឹងធើ; លោកង្វៀងង៉ុកតឹម សមាជិកគណៈអចិន្ត្រៃយ៍ ប្រធានគណៈឃោសនាអប់រំនៃគណៈកម្មាធិការបក្សទីក្រុង និងតំណាងមន្ទីរ ផ្នែកបានអញ្ជើញចូលរួម។

នៅថ្ងៃទី ២៤ ខែសីហា ឆ្នាំ ២០២៦ រដ្ឋសភាបានអនុម័តលើសេចក្តីសម្រេចចិត្តលេខ ៤៦/២០២៦/QH១៦ ផ្តល់សច្ចានុម័តលើគោលការណ៍វិនិយោគកម្មវិធីទិសដៅជាតិអភិវឌ្ឍវប្បធម៌ - សង្គមជនបទ ជនជាតិនិងតំបន់ភ្នំ ដំណាក់កាល ២០២៦-២០៣៥ លើមូលដ្ឋាន រួមបញ្ចូលកម្មវិធីទិសដៅជាតិចំនួន ៤ រួមមាន៖ កម្មវិធីទិសដៅជាតិ កសាងជនបទថ្មី បន្ថយភាពក្រីក្រដោយចីរភាព អភិវឌ្ឍសេដ្ឋកិច្ច - សង្គមតំបន់ជនជាតិភាគតិចនិងតំបន់ភ្នំ; កម្មវិធីទិសដៅជាតិអំពីអភិវឌ្ឍវប្បធម៌; កម្មវិធីទិសដៅជាតិភាវូបនីយកម្មទំនើប លើកកម្ពស់គុណភាពអប់រំនិងបណ្តុះបណ្តាល; កម្មវិធីទិសដៅជាតិអំពីថែទាំសុខភាព ចំនួនប្រជាជន និងអភិវឌ្ឍន៍។

បន្ទាប់ពីនោះ រដ្ឋាភិបាលបានដាក់ឱ្យប្រើអនុក្រឹត្យលេខ ៣៦៧/២០២៦/NĐ-CP ចុះថ្ងៃទី ១២ ខែតុលា ឆ្នាំ ២០២៦ កំណត់ជាក់ស្តែងនូវខ្លឹមសារ យន្តការគោលនយោបាយអនុវត្តកម្មវិធី; ទន្ទឹមនឹងនោះ នាយករដ្ឋមន្ត្រីនៃរដ្ឋាភិបាល មានសេចក្តីសម្រេចលេខ ១៩៦៦/QĐ-TTg ចុះថ្ងៃទី ១២ ខែតុលា ឆ្នាំ ២០២៦ ពង្រឹងគណៈចង្អុលការមជ្ឈិម និងតម្រង់ទិសពង្រឹងគណៈចង្អុលការនៅតាមភូមិភាគ។

អ្នកតំណាងចូលរួមកិច្ចប្រជុំនៅទីតាំងតភ្ជាប់បណ្តាញទីក្រុងកឹងធើ។

ជាសន្សឹមៗធ្វើឱ្យស្ថាប័នភាវូបនីយកម្ម ទាន់ពេលនូវគោលការណ៍ខាងលើ ផ្លាស់ថ្មីគ្រប់ជ្រុងជ្រោយវិធីសាស្ត្រគ្រប់គ្រង ចាត់តាំងអនុវត្តកម្មវិធីទិសដៅជាតិ នៅក្នុងកិច្ចប្រជុំ ក្រសួងហិរញ្ញវត្ថុ បានធ្វើរបាយការណ៍ អំពីខ្លឹមសារស្នូល សំខាន់នៃសេចក្តីសម្រេចចិត្តលេខ ៤៦/២០២៦/QH១៦ និងអនុក្រឹត្យកំណត់ខ្លឹមសារ យន្តការ គោលនយោបាយអនុវត្តកម្មវិធី កសាងផែនការ បែងចែកគ្រប់គ្រង និងប្រើប្រាស់ប្រភពកម្លាំង សេចក្តីកំណត់បញ្ជូនផ្ទាល់និងខ្លឹមសារគប្បីអនុវត្តបន្ទាប់ពីអនុក្រឹត្យមានសុពលភាព។ ក្រសួងកសិកម្មនិងបរិស្ថាន បានធ្វើរបាយការណ៍អំពីយន្តការចង្អុលការ សម្របសម្រួល បែងចែកភារកិច្ច និងចាត់តាំងអនុវត្តកម្មវិធី យន្តការសហការ តាមដាន បូកសរុប និងព័ត៌មានរាយការណ៍។

ក្រៅពីនោះ ខេត្ត ក្រុងមួយចំនួនបានធ្វើរបាយការណ៍អំពីស្ថានភាពអនុវត្តកម្មវិធីទិសដៅជាតិនៅលើភូមិឋាន; ការលំបាក បញ្ហាប្រឈមក្នុងដំណើរការអនុវត្ត; ខ្លឹមសារដែលត្រូវធ្វើឱ្យជាក់ច្បាស់ ដើម្បីអនុវត្តកម្មវិធីទិសដៅជាតិក្រោយពីរួមបញ្ចូលមានប្រសិទ្ធភាព និងទាន់ពេលវេលា…។

ថ្លែងក្នុងកិច្ចប្រជុំ លោកត្រឿងកាញ់ត្វៀង អនុលេខាគណៈកម្មាធិការបក្ស ប្រធានគណៈកម្មាធិការប្រជាជនទីក្រុងកឹងធើ ឱ្យដឹង៖ ទីក្រុងបានម្ចាស់ការត្រួតពិនិត្យ សម្របសម្រួលបែងចែកថវិកាភូមិភាគដើម្បីអនុវត្តកម្មវិធីទិសដៅជាតិ ដំណាក់កាល ២០២៦-២០៣០ ប្រមាណ ១០.០០០ ពាន់លានដុង។ ទីក្រុងសំណូមពរក្រសួងកសិកម្មនិងបរិស្ថាន ត្រួតពិនិត្យ កែតម្រូវឡើងវិញនូវកម្មវិធីក្របខ័ណ្ឌដើម្បីធ្វើជាមូលដ្ឋានដល់ភូមិភាគធ្វើការស្វែងយល់បន្ថែម និងអនុវត្តបានងាយស្រួល។ ទន្ទឹមនឹងនោះ ណែនាំជាក់ស្តែងនូវការពង្រឹង ចាត់តាំង រៀបចំនិងប្រើប្រាស់ដើមទងសម្របសម្រួលកម្មវិធីដែលភូមិភាគបង្កើត ធានាសមស្របនឹងទម្រង់ថ្មី សម្រិតសម្រាំង ប្រសិទ្ធភាព មិនធ្វើឱ្យដាច់រយៈក្នុងការងារ សម្របសម្រួលកម្មវិធី។

ថ្លែងសរុបសេចក្តីក្នុងកិច្ចប្រជុំ នាយករដ្ឋមន្ត្រីនៃរដ្ឋាភិបាល ឡេ មិញហ៊ឹង សំណូមពរក្រសួង ផ្នែក និងភូមិភាគនានា គប្បីលើកកម្ពស់ស្មារតីទទួលខុសត្រូវ ប្តេជ្ញាចិត្តខ្ពស់ជាងទៀត សហការស្អិតល្មួតជាងទៀត ចាត់តាំងអនុវត្តម៉ឺងម៉ាត់ជាងទៀត មិនទុកឱ្យប្រជាជនរង់ចាំ; យកលទ្ធផលនៅមូលដ្ឋាន ការផ្លាស់ប្តូរជីវភាពប្រជាជន និងគុណភាពអភិវឌ្ឍដោយចីរភាពធ្វើជាបន្ទាត់វាស់ស្ទង់ប្រសិទ្ធភាពកម្មវិធី។ បណ្តារដ្ឋមន្ត្រី ប្រធានបណ្តាស្ថាប័ន ប្រធានគណៈកម្មាធិការប្រជាជនថ្នាក់ខេត្តដឹកនាំដោយផ្ទាល់ និងទទួលខុសត្រូវអំពីល្បឿនដំណើរការគុណភាព ប្រសិទ្ធភាព និងលទ្ធផលអនុវត្តភារកិច្ចដែលបានប្រគល់ជូន។ ក្រៅពីនោះ ភូមិភាគនានាម្ចាស់ការផ្សព្វផ្សាយ អនុវត្តកម្មវិធីផ្តុំកម្លាំងវិនិយោគមានចំណុចស្នូល ចំណុចសំខាន់ អាទិភាពភារកិច្ចចាំបាច់ដែលជះឥទ្ធិពលដោយផ្ទាល់ដល់ជីវ ភាពប្រជាជន; មិនវិនិយោគរាយប៉ាយជាន់គ្នា; បង្កើនការត្រួតពិនិត្យ ឃ្លាំមើល; ធានាការប្រើប្រាស់ទុនដោយបើកចំហ តម្លាភាព ចំទិសដៅ និងចំមុខសញ្ញា៕

មីថាញ - វិមាន

ចែករំលែកអត្ថបទ

ពាក្យគន្លឹះ