គោលនយោបាយ -ការរស់នៅ ច្បាប់

14/08/2026 - 06:13

កឹងធើឧបត្ថម្ភដីសង់ផ្ទះ ដីផលិតដល់ជនជាតិភាគតិច

នៅក្នុងសម័យប្រជុំលើកទី៤ (សម័យប្រជុំប្រធានបទ) ក្រុមប្រឹក្សាប្រជាជនទីក្រុងកឹងធើ នីតិកាល XI (អាណត្តិកាល ២០២៦-២០៣១) បានអនុម័តសេចក្តីសម្រេចចិត្តកំណត់អំពីគោលនយោបាយឧបត្ថម្ភដីធ្លី ចំពោះជនជាតិភាគតិចដែលរស់នៅលើភូមិឋានទីក្រុង។ គោលនយោបាយនេះ មានសុពលភាពចាប់ពីថ្ងៃទី១០ ខែសីហា ឆ្នាំ២០២៦។

ទីក្រុងកឹងធើ មានឃុំ សង្កាត់តំបន់ជនជាតិភាគតិចចំនួន៣៨ តាមសេចក្តីសម្រេចចិត្តលេខ ៦០/QĐ-BDTTG ចុះថ្ងៃទី ២៩ ខែមករា ឆ្នាំ២០២៦ របស់ក្រសួងជនជាតិនិងសាសនា។ រូបថត៖ គីមអាញ់

តាមរយៈនោះ មុខសញ្ញាដែលបានឧបត្ថម្ភ គឺជនជាតិភាគតិច ស្ថិតក្នុងក្របខ័ណ្ឌគ្រួសារក្រីក្រ គ្រួសារក្បែរក្រនៅតំបន់ជនជាតិភាគតិច; គ្មានដីសង់ផ្ទះ ដីសម្រាប់ធ្វើសេវាពាណិជ្ជកម្ម ដីមូលដ្ឋានផលិតក្រៅកសិកម្ម ឬដីកសិកម្មលើភូមិឋានទីក្រុង; មិនទាន់បានទទួលគោលនយោបាយឧបត្ថម្ភអំពីលំនៅឋានតាមសេចក្តីកំណត់។

ចំពោះករណីឧបត្ថម្ភលើកដំបូង ទីក្រុងកឹងធើនឹងប្រគល់ដីក្នុងកម្រិតតាមការកំណត់និងលើកលែងបង់ថ្លៃប្រើប្រាស់ដី; អនុញាតិបង្វែរគោលដៅប្រើប្រាស់ដីទៅជាដីលំនៅឋានក្នុងកម្រិតនិងបានលើកលែងបង់ថ្លៃប្រើប្រាស់ដី; ប្រគល់ដីកសិកម្ម មិនគិតថ្លៃប្រើប្រាស់ដី ដែលមានផ្ទៃដីមិនលើសពី ៥.០០០ ម៉ែត្រការ៉េ។

ចំពោះគ្រួសារគ្មានដីផលិតនិងមិនទាន់បានប្រគល់ដីកសិកម្ម ប្រសិនបើមានតម្រូវការជួលដីក្រៅកសិកម្ម គឺបានឧបត្ថម្ភឱ្យជួលដីដោយមិនឆ្លងកាត់ការដេញថ្លៃនិងបានបញ្ចុះថ្លៃជួលដី (ផ្ទៃដីមិនលើសពី២ដងនៃកម្រិតកំណត់ប្រគល់ដីលំនៅឋាន)។

ក្នុងករណីឧបត្ថម្ភដីធ្លី ដើម្បីធានាជីវភាពលំនឹងដល់ជនជាតិភាគតិច (បានឧបត្ថម្ភ ប៉ុន្តែខ្វះឬគ្មានដីនៅ) ទីក្រុងកឹងធើនឹងបែងចែកការឧបត្ថម្ភជាពីរបែប។ ប្រសិនបើមាមីងគ្មាន ឬខ្វះដីសង់ផ្ទះ នឹងបានប្រគល់ដីសង់ផ្ទះ ឬបង្វែរគោលដៅប្រើប្រាស់ដីទៅជាដីលំនៅឋានក្នុងកម្រិតកំណត់និងបានលើកលែងបង់ថ្លៃប្រើប្រាស់ដី។ ប្រសិនបើខ្វះ ឬគ្មានដីកសិកម្ម បន្តបានប្រគល់ដីកសិកម្ម ប៉ុន្តែផ្ទៃដីដែលកំពុងប្រើប្រាស់និងផ្ទៃដីប្រគល់បន្ថែម សរុបមិនលើស ៥.០០០ ម៉ែត្រការ៉េ។

ក្រៅពីនោះ ទីក្រុងកឹងធើនឹងឧបត្ថម្ភដីទីតាំងប្រជុំជីវកិច្ចសហគមន៍ជូនជនជាតិភាគតិច ជាមួយផ្ទៃដីអប្បបរមា ៣០០ ម៉ែត្រការ៉េក្នុងមួយទីតាំងសម្រាប់សង្កាត់ និង ៥០០ ម៉ែត្រការ៉េសម្រាប់ឃុំ។

តាមប្រសាសន៍លោក ង៉ោថាយចឹង នាយកមន្ទីរកសិកម្មនិងបរិស្ថានទីក្រុងកឹងធើ មុនពេលរួមបញ្ចូលក្រុមប្រឹក្សាប្រជាជនខេត្តសុកត្រាំង(ចាស់) បានចេញសេចក្តីសម្រេចចិត្តលេខ ១៤/២០២៤/NQ-HĐND ចុះថ្ងៃទី៣១ ខែតុលា ឆ្នាំ២០២៤ កំណត់អំពីគោលនយោបាយឧបត្ថម្ភដីធ្លីចំពោះជនជាតិភាគតិចដែលរស់នៅលើភូមិឋានខេត្តសុកត្រាំង។ ក្រុមប្រឹក្សាប្រជាជនខេត្តហូវយ៉ាង(ចាស់) ក៏បានចេញសេចក្តីសម្រេចចិត្តលេខ ២៩/២០២៤/NQ-HĐND ចុះថ្ងៃទី១០ ខែធ្នូ ឆ្នាំ២០២៤ កំណត់អំពីគោលនយោបាយឧបត្ថម្ភដីធ្លី ចំពោះជនជាតិភាគតិចលើភូមិឋានខេត្តហូវយ៉ាង។ ចំណែកទីក្រុងកឹងធើ(ចាស់) មិនទាន់ដាក់ចេញគោលនយោបាយនេះ។

ក្រោយពីរួមបញ្ចូលទីក្រុងកឹងធើមានជនជាតិភាគតិចជាង ៦៦៨.៨០០ នាក់ ស្រូបអត្រាប្រមាណ ១៧,៣៧% នៃចំនួនប្រជាជនទូទាំងទីក្រុង។ ក្នុងនោះ មានគ្រួសារក្រីក្រប្រមាណ ១.៩៥៣គ្រួសារ និងគ្រួសារក្បែរក្រ ៦.៣៦៨ គ្រួសារជាជនជាតិភាគតិច។

យោងតាមសេចក្តីសម្រេចលេខ ៦០/QĐ-BDTTG ចុះថ្ងៃទី២៩ ខែមករា ឆ្នាំ២០២៦ របស់រដ្ឋមន្ត្រីក្រសួងជនជាតិនិងសាសនា ស្តីពីការប្រកាសបញ្ជីឈ្មោះភូមិ ឃុំ តំបន់ជនជាតិភាគតិចនិងតំបន់ភ្នំ ភូមិលំបាកខ្លាំង ឃុំតំបន់ I, II, III ដំណាក់កាល ២០២៦-២០៣០ ទីក្រុងកឹងធើ មាន៣៨ឃុំតំបន់ជនជាតិភាគតិច។ ផ្អែកលើមូលដ្ឋានទាំងនោះ ទីក្រុងក៏បានអនុវត្តពិនិត្យឡើងវិញនិងដាក់ចេញគោលនយោបាយឧបត្ថម្ភអំពីដីធ្លីចំពោះជនជាតិភាគតិចសមស្របនឹងលក្ខណៈជាក់ស្តែងនិងសេចក្តីកំណត់របស់មជ្ឈិម៕

យោង៖ https://mae.gov.vn-មុនី

ចែករំលែកអត្ថបទ

ពាក្យគន្លឹះ