សុខភាព - អប់រំ សុខភាព

13/08/2026 - 08:44

ជំរុញការងារថែទាំសុខភាពជូនជនរួមជាតិខ្មែរ

ការងារថែទាំសុខភាពជូនជនជាតិភាគតិចនាពេលកន្លង តែងបានគ្រប់ថ្នាក់គ្រប់ផ្នែកនៅទីក្រុងកឹងធើ យកចិត្តទុកដាក់យ៉ាងពិសេសនិងអនុវត្តមានប្រសិទ្ធភាព។ ក្នុងនោះ កុមារនិងជនរួមជាតិខ្មែរគឺ ជាមុខសញ្ញាដែលទទួលបានអាទិភាពជាច្រើន តាមរយៈកម្មវិធីនិងគម្រោងនានាដែលពាក់ព័ន្ធនឹងវិស័យសុខាភិបាល។

ធានារ៉ាប់រងសុខាភិបាល ជួយរំលែកបន្ទុកដល់គ្រួសារក្រីក្រជនរួមជាតិខ្មែរនៅសង្កាត់វិញភឿក ពេលមានជំងឺតម្កាត់។

អាចឃើញថា គោលនយោបាយគាំទ្រមួយក្នុងចំណោមគោលនយោបាយនានា ដែលបក្សនិងរដ្ឋបានយកចិត្តទុកដាក់ពិសេស ចំពោះជនជាតិភាគតិចនិយាយរួម និងជនរួមជាតិខ្មែរនិយាយដោយឡែក គឺការផ្តល់ប័ណ្ណធានារ៉ាប់រងសុខាភិបាលដោយឥតគិតថ្លៃ។ គោលនយោបាយនេះ បានរួមចំណែកយ៉ាងសកម្មក្នុងការការពារ និងថែទាំសុខភាពជូនជនរួមជាតិខ្មែរនៅសង្កាត់វិញភឿកនាពេលកន្លង។

ចំពោះគ្រួសារជាច្រើនដែលមានជីវភាពលំបាក ជំងឺធ្ងន់ធ្ងរមិនត្រឹមតែជាការព្រួយបារម្ភអំពីសុខភាពប៉ុណ្ណោះទេ ថែមទាំងមានបន្ទុកធ្ងន់អំពីប្រាក់កាសផង។ ក្នុងស្ថានភាពនេះ ប័ណ្ណធានារ៉ាប់រងសុខាភិបាល មិនត្រឹមតែជួយរំលែកបន្ទុកថ្លៃពិនិត្យនិងព្យាបាលជំងឺប៉ុណ្ណោះទេ ថែមទាំងជា “ពោងសង្គ្រោះជីវិតបន្ទាន់” ជួយឱ្យប្រជាជនក្រីក្រជាច្រើនទទួលបានសេវាសុខាភិបាលទាន់ពេលវេលា។ ជាករណី មួយក្នុងចំណោមករណីដូច្នោះ គឺលោកហ្វិញវឿង ប្រជាជននៅសង្កាត់វិញភឿក ចែករំលែក៖ “ធ្វើស្រែ ចម្ការជាច្រើនឆ្នាំមកចំណូលមិនទៀងទាត់ ជីវភាពលំបាកណាស់ ហើយពេលខ្លួនមានជំងឺទឹកនោមផ្អែម និងសម្ពាធឈាមខ្ពស់ ពេលទៅពិនិត្យ និងទិញថ្នាំម្តងៗ បង់ប្រាក់កាសច្រើន។ ប៉ុន្តែដោយបានរដ្ឋផ្តល់ប័ណ្ណធានារ៉ាប់រងសុខាភិបាល ខ្ញុំលែងព្រួយបារម្ភលើការចំណាយនោះទៀត”។

ទន្ទឹមនឹងគោលនយោបាយឧបត្ថម្ភធានារ៉ាប់រងសុខាភិបាល ការវិនិយោគនិងបំពាក់មូលដ្ឋានសម្ភារៈ ដើម្បីលើកកម្ពស់គុណភាពការងារពិនិត្យនិងព្យាបាល ជំងឺជូនជនរួមជាតិ ទទួលបានការវិនិយោគជាបន្តបន្ទាប់។ តាមប្រសាសន៍ លោកវេជ្ជបណ្ឌិត ឯកទេសកម្រិត I លឺវវ៉ាំងអ៊ុយ នាយកដំណាក់សុខាភិបាលសង្កាត់វិញភឿក មកដល់ពេលនេះ ដំណាក់បានបំពាក់ឧបករណ៍ ថ្នាំព្យាបាល និងគ្រែពេទ្យបានគ្រប់គ្រាន់ រួមជាមួយកងជួរគ្រូពេទ្យ និងវេជ្ជបណ្ឌិត ដែលមានឯកទេសច្បាស់លាស់ ជាជំហ៊ានៗឆ្លើយតបតាមតម្រូវការការពារនិងថែទាំសុខភាពជូនប្រជាជន។ ក្នុងរយៈពេល ៦ ខែដើមឆ្នាំ ២០២៦ ដំណាក់បានទទួលអ្នកមកពិនិត្យនិងព្យាបាលជំងឺជាង ៣.០០០ លើកនាក់; ការពិនិត្យនៅតាមសហគមន៍ចំនួន ២.៤៨០ លើក ក្នុងនោះ ការពិនិត្យជំងឺតាមប័ណ្ណធានារ៉ាប់រងសុខាភិបាល មានចំនួន ២.៥៨១ លើកនាក់; អត្រាសម្រេចនិងរក្សាបាននូវបទដ្ឋានជាតិអំពីសុខាភិបាលឈានដល់ ៩៥%...។

គុណភាពនៃការពិនិត្យនិងព្យាបាលជំងឺតាមប័ណ្ណធានារ៉ាប់រងសុខាភិបាល ពីមួយថ្ងៃទៅមួយថ្ងៃកាន់តែបានលើកកម្ពស់សេវាសុខាភិបាល បានបក្សនិងរដ្ឋយកចិត្តទុកដាក់និងអនុវត្តមានប្រសិទ្ធភាព ជាពិសេសប្រព័ន្ធសុខាភិបាលមូលដ្ឋាន បានពង្រឹង និងកែលម្អជាប្រចាំ។ តាមរយៈនោះ បានរួមចំណែកលើកកម្ពស់គុណភាពពិនិត្យនិងព្យាបាលជំងឺជូនប្រជាជន ជាជំហានៗក្លាយជាអាសយដ្ឋានសុខាភិបាលគួរឱ្យទុកចិត្តរបស់ប្រជាជនក្នុងការពិនិត្យនិងព្យាបាលជំងឺ៕

ថាញវ៉ាង - ត្រឹងរ៉ូន

ចែករំលែកអត្ថបទ

ពាក្យគន្លឹះ