សុខភាព - អប់រំ អប់រំ

13/08/2026 - 08:44

សាលាមធ្យមសិក្សាបាលី-ខ្មែរ

បន្ទាប់ពីខេត្តវិញឡុង បានបង្កើតឡើងដោយបញ្ចូលខេត្តទាំង ៣ គឺ វិញឡុង ត្រាវិញនិងបេនត្រែ ចូលជាខេត្តតែមួយ សាលាមធ្យមសិក្សាបាលី–ខ្មែរ ដែលស្ថិតក្រោមការគ្រប់គ្រងរបស់មន្ទីរអប់រំនិងបណ្តុះបណ្តាលខេត្តវិញឡុង បានបន្តជ្រើសរើសសិស្សចូលរៀនថ្នាក់ទី ១០ សម្រាប់ឆ្នាំសិក្សា ២០២៦–២០២៧។ ការជ្រើសរើសសិស្សលើកនេះ មិនត្រឹមតែជាការងារប្រចាំឆ្នាំប៉ុណ្ណោះទេ ថែមទាំងរួមចំណែកបង្កឱកាសឱ្យសមណសិស្សនិងសិស្សជនជាតិខ្មែរបានសិក្សាហ្វឹកហាត់ ព្រមទាំងរួមចំណែកអភិរក្សភាសាអក្សរសាស្រ្តនិងពង្រីកអត្តសញ្ញាណវប្បធម៌ខ្មែរ។

សាលាមធ្យមសិក្សាបាលី - ខ្មែរ កំពុងត្រៀមសម្រាប់ឆ្នាំសិក្សាថ្មី ២០២៦–២០២៧។

អនុវត្តតាមផែនការឆ្នាំសិក្សាថ្មី ២០២៦–២០២៧ សាលាមធ្យមសិក្សាបាលី - ខ្មែរ បានបញ្ចប់ការជ្រើសរើសសិស្សចូលរៀនថ្នាក់ទី ១០ សម្រាប់សមណសិស្សនិងសិស្សជាជនជាតិខ្មែរ ដែលមានសៀវភៅគ្រួសារអចិន្ត្រៃយ៍នៅខេត្តវិញឡុង។ ឆ្នាំសិក្សានេះ សាលាជ្រើសរើស ២ ថ្នាក់ មានសិស្សសរុប ៨០ អង្គនិងរូប ក្នុងមួយថ្នាក់មាន ៤០ អង្គនិងរូប។ សិស្សដែលបានជ្រើសរើស គឺសមសិស្សនិងសិស្សជនជាតិខ្មែរ ដែលមានសញ្ញាបត្រមធ្យមសិក្សាមូលដ្ឋាននិងមានសញ្ញាបត្រពុទ្ធិក សិក្សាបឋមភូមិ។ ការជ្រើសរើសអនុវត្តតាមវិធីពិនិត្យ ជម្រើសស្របតាមបទប្បញ្ញត្តិ។ បន្ទាប់ពីបញ្ចប់ការជ្រើសរើស សិស្សដែលជាប់ជម្រើសត្រៀមលក្ខណៈចូលរៀនក្នុងឆ្នាំសិក្សាថ្មី ២០២៦–២០២៧។

លោកលឺមសុរន្តរ៍ ចាងហ្វាងរងសាលាមធ្យមសិក្សាបាលី ខ្មែរ មានប្រសាសន៍ថា សិក្ខាកាមដែលសិក្សានៅសាលា ទទួលបានរបបគោលនយោបាយរបស់រដ្ឋ សម្រាប់សមណសិស្សនិងសិស្សជាជនជាតិភាគតិច តាមបទប្បញ្ញត្តិជាធរមាន។ ក្នុងអំឡុងពេលសិក្សាសិក្ខាកាមបានរៀបចំកន្លែងស្នាក់នៅនិងឧបត្ថម្ភការហូបចុក ស្នាក់នៅ ដើម្បីបង្កលក្ខណៈងាយស្រួលស្ងប់អារម្មណ៍ក្នុងការសិក្សា ហ្វឹកហាត់និងអភិវឌ្ឍសមត្ថភាព។ ក្រៅពីកម្មវិធីអប់រំមធ្យមសិក្សាចំណេះទូទៅ សិក្ខាកាមថែមទាំងបានសិក្សាកម្មវិធីមធ្យមសិក្សាបាលី–ខ្មែរផងដែរ។ បន្ទាប់ពីបញ្ចប់វគ្គសិក្សា សិក្ខាកាមនឹងទទួលបានសញ្ញាបត្រមធ្យមសិក្សាចំណេះទូទៅ និងសញ្ញាបត្រមធ្យមសិក្សាទុតិយភូមិបាលី–ខ្មែរ ដែលមានសិទ្ធិដាក់ពាក្យចូលរៀននៅសាកលវិទ្យាល័យ និងអនុមហាវិទ្យាល័យនានាទូទាំងប្រទេសស្របតាមបទប្បញ្ញត្តិ។

ការជ្រើសរើសសិស្សសម្រាប់ឆ្នាំសិក្សា ២០២៦– ២០២៧ នេះ គឺជាព្រឹត្តិការណ៍ដ៏សំខាន់មួយ ដោយសាលាមធ្យមសិក្សាបាលី–ខ្មែរ ជ្រើសរើសសិស្សជាលើកដំបូង បន្ទាប់ពីខេត្តវិញឡុងបានបង្កើតឡើង ដោយការបញ្ចូលខេត្ត។ នេះមិនត្រឹមតែពង្រីកឱកាសសិក្សាសម្រាប់សមណសិស្ស និងសិស្សជនជាតិខ្មែរនៅក្នុងខេត្តប៉ុណ្ណោះទេ ថែមទាំងបន្តបញ្ជាក់ ពីតួនាទីរបស់សាលាក្នុងការបណ្តុះបណ្តាលចំណេះដឹងទូទៅគួបផ្សំនឹងការបង្រៀនភាសាបាលី - ខ្មែរ។ លើសពីនេះ ក្នុងរយៈពេលប៉ុន្មានឆ្នាំកន្លង សាលាមធ្យមសិក្សាបាលី - ខ្មែររបស់ខេត្តវិញឡុង បានបន្តលើកកម្ពស់គុណភាពអប់រំ រួមចំណែកអភិរក្សភាសាអក្សរសាស្ត្រ រក្សាអត្តសញ្ញាណវប្បធម៌ជនជាតិខ្មែរ និងបណ្តុះបណ្តាលប្រភពធនធានមនុស្ស ដើម្បីបម្រើការអភិវឌ្ឍនៅតំបន់ដែលមានជនរួមជាតិខ្មែររស់នៅកុះករ៕

ទីទុយ

ចែករំលែកអត្ថបទ

ពាក្យគន្លឹះ