គោលនយោបាយ -ការរស់នៅ ច្បាប់

06/08/2026 - 22:47

លក្ខខណ្ឌសម្រាប់អ្នកវ័យចាស់បង់ធានារ៉ាប់រងសង្គមស្ម័គ្រចិត្តតែម្តង ដើម្បីទទួលបានប្រាក់សោធននិវត្តន៍ និងធានារ៉ាប់រងសុខាភិបាល

អ្នកវ័យចាស់អាចបង់ធានារ៉ាប់រងសង្គមស្ម័គ្រចិត្តតែម្តងសម្រាប់រយៈពេលដែលនៅខ្វះ ដើម្បីទទួលបានប្រាក់សោធននិវត្តន៍ និងប័ណ្ណធានារ៉ាប់រងសុខាភិបាលភ្លាមៗ ប្រសិនបើបំពេញគ្រប់លក្ខខណ្ឌតាមច្បាប់ថ្មី។

អ្នកអានសួរ៖ ខ្ញុំឥឡូវអាយុ ៦២ ឆ្នាំ ពីមុនធ្វើកសិកម្ម ដូច្នេះមិនបានចូលរួមធានារ៉ាប់រងសង្គម។ ក្រោយមក ខ្ញុំបានចូលរួមធានារ៉ាប់រងសង្គមស្ម័គ្រចិត្ត ហើយបច្ចុប្បន្នបានបង់ចំនួន ១១ ឆ្នាំ។ ឥឡូវនេះខ្ញុំមានអាយុច្រើន សុខភាពចុះខ្សោយ មិនចង់រង់ចាំបន្ថែមទៀត។ តើខ្ញុំអាចបង់បូកបញ្ចូលគ្នា តែម្តងសម្រាប់រយៈពេល ៤ ឆ្នាំដែលនៅខ្វះ ដើម្បីទទួលបានប្រាក់សោធននិវត្តន៍ប្រចាំខែ និងមានប័ណ្ណធានារ៉ាប់រងសុខាភិបាលភ្លាមៗបានទេ?

អ្នកវ័យចាស់អាចបង់ធានារ៉ាប់រងសង្គមស្ម័គ្រចិត្តតែម្តងសម្រាប់រយៈពេលដែលនៅខ្វះ។

រូបថត៖ ហាយង្វៀង

ផ្នែកប្រឹក្សាមិត្តអ្នកអានរបស់កាសែតឡៅដុង ឆ្លើយថា៖

ផ្ទៀងផ្ទាត់តាមបទប្បញ្ញត្តិច្បាប់បច្ចុប្បន្ន ករណីរបស់អ្នកអានពិតជាមានលក្ខខណ្ឌគ្រប់គ្រាន់ដើម្បីអនុវត្តការបង់បូកបញ្ចូលគ្នាតែម្តងសម្រាប់រយៈពេល ៤ ឆ្នាំដែលនៅខ្វះ។ បន្ទាប់ពីបានបំពេញកាតព្វកិច្ចហិរញ្ញវត្ថុនៃការបង់បូកបញ្ចូលគ្នា អ្នកអាននឹងបានទីភ្នាក់ងារធានារ៉ាប់រងសង្គមភូមិភាគដោះស្រាយសំណុំបែបបទ ដើម្បីទទួលបានប្រាក់សោធននិវត្តន៍ប្រចាំខែ។ មិនត្រឹមតែមានប្រភពចំណូលស្ថិរភាពប៉ុណ្ណោះទេ អ្នកអានថែមទាំងបានផ្តល់ប័ណ្ណធានារ៉ាប់រងសុខាភិបាលដោយឥតគិតថ្លៃដែលមានអត្រាទទួលបានខ្ពស់ ដើម្បីថែទាំសុខភាពក្នុងអំឡុងពេលទទួលរបបសោធននិវត្តន៍ផង។

លក្ខខណ្ឌបង់ធានារ៉ាប់រងសង្គមស្ម័គ្រចិត្តតែម្តង សម្រាប់រយៈពេលដែលនៅខ្វះ

យោងតាមចំណុច e ប្រការ ២ មាត្រា ៣៦ នៃច្បាប់ធានារ៉ាប់រងសង្គមលេខ ៤១/២០២៤/QH១៥ និងអនុក្រឹត្យលេខ ១៥៩/២០២៥/NĐ-CP អ្នកចូលរួមធានារ៉ាប់រងសង្គមស្ម័គ្រចិត្តអាចជ្រើសរើសបង់តែម្តងសម្រាប់រយៈពេលដែលនៅខ្វះ ដើម្បីទទួលបានប្រាក់សោធន លុះត្រាតែឆ្លើយតបគ្រប់លក្ខខណ្ឌដូចខាងក្រោម៖

មានអាយុគ្រប់សម្រាប់ចូលនិវត្តន៍តាមបទប្បញ្ញត្តិ។

មានរយៈពេលបង់ធានារ៉ាប់រងសង្គមចាប់ពី ១០ ឆ្នាំឡើងទៅ។

រយៈពេលបង់ធានារ៉ាប់រងសង្គមដែលនៅខ្វះមិនលើសពី ០៥ ឆ្នាំ (ស្មើនឹង ៦០ ខែ)។

ផែនការទទួលបានប្រាក់សោធននិវត្តន៍លឿនបំផុត នៅពេលមិនទាន់គ្រប់ចំនួនឆ្នាំបង់ធានារ៉ាប់រងសង្គម

ដើម្បីដោះស្រាយបញ្ហារយៈពេលបង់ធានារ៉ាប់រងសង្គមមិនទាន់គ្រប់ និងទទួលបានប័ណ្ណធានារ៉ាប់រងសុខាភិបាលដោយឥតគិតថ្លៃយ៉ាងឆាប់រហ័ស លោកអ្នកអាចអនុវត្តតាមផែនការ ៣ ជំហានដូចខាងក្រោម៖

ជំហានទី ១៖ បន្តចូលរួមធានារ៉ាប់រងសង្គមស្ម័គ្រចិត្ត អ្នកចូលរួមត្រូវបន្តបង់ធានារ៉ាប់រងសង្គមបន្ថែម ដើម្បីសន្សំគ្រប់កម្រិតអប្បបរមាគឺ ១០ ឆ្នាំបង់ធានារ៉ាប់រងសង្គម។

ជំហានទី ២៖ បង់តែម្តងសម្រាប់ ៥ ឆ្នាំដែលនៅខ្វះបន្ទាប់ពីបានសន្សំគ្រប់ ១០ ឆ្នាំបង់ធានារ៉ាប់រងសង្គម អ្នកចូលរួមត្រូវបានអនុញ្ញាតឱ្យអនុវត្តការបង់ តែម្តងសម្រាប់ ៥ ឆ្នាំដែលនៅខ្វះស្របតាមបទប្បញ្ញត្តិនៃអនុក្រឹត្យលេខ១៥៩/២០២៥/NĐ-CP។

ជំហានទី ៣៖ បំពេញសំណុំបែបបទទទួលប្រាក់សោធននិវត្តន៍ នៅពេលចំនួនរយៈពេលបង់ធានារ៉ាប់រងសង្គមសរុបគ្រប់ ១៥ ឆ្នាំ (១០ ឆ្នាំបង់រាល់ខែក្នុងឆ្នាំនីមួយៗ + ៥ ឆ្នាំបង់តែម្តង) លោកអ្នកធ្វើសំណុំបែបបទដើម្បីទទួលបានប្រាក់សោធននិវត្តន៍ប្រចាំខែ។ ទន្ទឹមនឹងនោះ អ្នកចូលនិវត្តន៍នឹងបានផ្តល់ប័ណ្ណធានារ៉ាប់រងសុខាភិបាលដោយឥតគិតថ្លៃក្នុងរយៈពេលទទួលប្រាក់សោធននិវត្តន៍ផង។

ក្នុងករណីជាក់លាក់របស់អ្នកអានដែលបានសួរ៖

ជំហានទី ១៖ អនុវត្តការបង់បូកបញ្ចូលគ្នាតែម្តងសម្រាប់ ៤ ឆ្នាំដែលនៅខ្វះជំនួសឱ្យការត្រូវបន្តបង់ធានារ៉ាប់រងសង្គមបន្ថែមរៀងរាល់ខែក្នុងឆ្នាំនីមួយៗ អ្នកអានមានលក្ខខណ្ឌគ្រប់គ្រាន់ដើម្បីបង់បូកបញ្ចូលគ្នាតែម្តងសម្រាប់ ៤ ឆ្នាំដែលនៅខ្វះ (ដោយសាររយៈពេលខ្វះតិចជាង ៥ ឆ្នាំ) ស្របតាមបទប្បញ្ញត្តិនៃច្បាប់ធានារ៉ាប់រងសង្គមឆ្នាំ ២០២៤។

ជំហានទី ២៖ បំពេញសំណុំបែបបទនិងទទួលបានរបបប្រាក់សោធននិវត្តន៍ ធានារ៉ាប់រងសុខាភិបាល បន្ទាប់ពីបានបំពេញកាតព្វកិច្ចហិរញ្ញវត្ថុនៃការបង់បូកបញ្ចូលគ្នាសម្រាប់ ៤ ឆ្នាំ (ធ្វើឱ្យរយៈពេលបង់សរុបឈានដល់កម្រិត ១៥ ឆ្នាំ) អ្នកអាននឹងបានទីភ្នាក់ងារធានារ៉ាប់រងសង្គមភូមិភាគដោះស្រាយសំណុំបែបបទ ដើម្បីទទួលបានប្រាក់សោធននិវត្តន៍ប្រចាំខែ។ ទន្ទឹមនឹងនោះ លោកក៏បានផ្តល់ប័ណ្ណធានារ៉ាប់រងសុខាភិបាលដោយឥតគិតថ្លៃដែលមានអត្រាទទួលបានខ្ពស់ ដើម្បីថែទាំសុខភាពក្នុងអំឡុងពេលទទួលរបបប្រាក់សោធននិវត្តន៍។

ដូច្នេះ អ្នកអានអាចរំលងជំហាន “បន្តចូលរួមធានារ៉ាប់រងសង្គមដើម្បីសន្សំការបង់ឱ្យគ្រប់ ១០ ឆ្នាំ” ដូចអ្នកបង់យឺតដទៃទៀត៕

ប្រភព៖ laodong.vn - សុផន

ចែករំលែកអត្ថបទ

ពាក្យគន្លឹះ