ព្រឹត្តិការណ៍ - នយោបាយ ព្រឹត្តិការណ៍

24/06/2026 - 22:01

ឃុំសាភៀង សាយភាយសកម្មភាពជាក់ស្តែងជាច្រើន ដើម្បីគាំទ្រទិវាគ្រួសារវៀតណាម

ដើម្បីគាំទ្រទិវាគ្រួសារវៀតណាម(ថ្ងៃទី២៨ ខែមិថុនា) សមាគមសហព័ន្ធនារីឃុំសាភៀង ទីក្រុងកឹងធើ បានផ្សព្វផ្សាយនូវសកម្មភាពដ៏មានអត្ថន័យជាច្រើន ដើម្បីលើកកម្ពស់ការយល់ដឹង ការគិតគូរពីជីវភាពដល់សមាជិកនារីនិងកុមារ រួមចំណែកកសាងគ្រួសារសម្បូរសប្បាយ ជឿនលឿន សុភមង្គលនិងស៊ីវិល័យ។

ពិធីបង្ហាញទម្រង់ “គ្រួសារវ័យក្មេងកូន២នាក់ សុភមង្គល សម្បូរសប្បាយ អភិវឌ្ឍដោយចីរភាព”នៅភូមិង៉ាកៃ ឃុំសាភៀង។

ចំណុចលេចធ្លោក្នុងចង្កោមសកម្មភាព គឺការចាត់តាំងពិធីបង្ហាញទម្រង់ “គ្រួសារវ័យក្មេងកូន២នាក់ សុភមង្គល អភិវឌ្ឍដោយចីរភាព” ផ្សារភ្ជាប់នឹងការផ្សព្វផ្សាយបង្ការទប់ស្កាត់អំពើហិង្សាក្នុងគ្រួសារ ការរំលោភបំពានលើនារីនិងកុមារ ការបង្ការប្រឆាំងគ្រឿងញៀន និងការបង្ការទប់ស្កាត់ការលង់ទឹកកុមារនៅភូមិង៉ាកៃ។ ទម្រង់នេះបានបង្កើតឡើង ដើម្បីផ្សព្វផ្សាយ ចលនាគ្រួសារវ័យក្មេងអនុវត្តល្អនូវគោលនយោបាយចំនួនប្រជាជន កើតកូនគ្រប់២នាក់ ចិញ្ចឹមនិងអប់រំកូនបានល្អ ខ្នះខ្នែងអភិវឌ្ឍសេដ្ឋកិច្ច កសាងគ្រួសារសុភមង្គលនិងចីរភាព។ ស្របក្នុងឱកាសនេះដែរ សមាគមសហព័ន្ធនារីឃុំក៏បានពង្រីកសមាជិកសមាគមបន្ថែម២នាក់ តាមរយៈនោះ គឺពង្រីកកងកម្លាំងចូលរួម រួមដំណើរជាមួយអង្គការសមាគមក្នុងការគិតគូរ ការពារសិទ្ធិនិងផលប្រយោជន៍ស្របច្បាប់ សមហេតុរបស់នារីនិងកុមារ។

បង្ហាញទម្រង់ “គេហដ្ឋានសុវត្ថិភាពសម្រាប់នារីនិងកុមារ” ផ្សារភ្ជាប់នឹងការផ្សព្វផ្សាយផ្លាស់ប្តូរឌីជីថលក្នុងសហគមន៍។

ទន្ទឹមនឹងនោះ សមាគមសហព័ន្ធនារីឃុំសាភៀង នៅទាំងបង្ហាញទម្រង់“គេហដ្ឋានសុវត្ថិភាពសម្រាប់នារីនិងកុមារ”ផ្សារភ្ជាប់នឹងការផ្សព្វផ្សាយអនុវត្តចលនា“ប្រជាសិក្សាឌីជីថល” រួមចំណែកលើកកម្ពស់បំណិនឌីជីថលនិងជំរុញការផ្លាស់ប្តូរឌីជីថលក្នុងសហគមន៍។ ទម្រង់នេះមានសមាជិកចូលរួម២០នាក់ រួមមាន៖ ប្តីប្រពន្ធ១០គូ ឆ្ពោះទៅរកការកសាងបរិស្ថានរស់នៅសុវត្ថិភាព សមភាព គ្មានអំពើហិង្សាក្នុងគ្រួសារ ព្រមទាំងលើកកម្ពស់ការទទួលខុសត្រូវរបស់សមាជិកក្នុងការថែទាំ ការពារនារីនិងកុមារ។

តាមរយៈទម្រង់ទាំងពីរនេះ មិនត្រឹមតែលើកកម្ពស់ការយល់ដឹង កសាងគ្រួសារសុភមង្គលប៉ុណ្ណោះទេ ថែមទាំងបង្កើតលំហរដើម្បីសមាជិកទំនាក់ទំនង ចែករំលែក រួមគ្នាអភិវឌ្ឍសេដ្ឋកិច្ច បន្ស៊ាំនឹងការផ្លាស់ប្តូរឌីជីថល ឆ្ពោះទៅការកសាងសហគមន៍សុវត្ថិភាព ស៊ីវិល័យនិងចីរភាព។

ទន្ទឹមនឹងសកម្មភាពផ្សព្វផ្សាយ សមាគមសហព័ន្ធនារីឃុំសាភៀង តែងយកចិត្តទុកដាក់អនុវត្តល្អការងារសុខុមាលភាពសង្គម ចាត់តាំងពិធីប្រគល់ផ្ទះមហាសាមគ្គីដល់គ្រួសារអ្នកមីងធីថាង នៅភូមិង៉ាបាក។ ផ្ទះនេះបានសមាគមចលនាឧបត្ថម្ភសាងសង់៦០លានដុង បង្ហាញពីស្មារតីជួយគ្នាទៅវិញទៅមក រួមចំណែកជួយសមាជិកលំនឹងជីវភាព ស្ងប់ចិត្តពលកម្មផលិត ពង្រីកសេដ្ឋកិច្ច។ នេះជាផ្ទះមួយក្នុងចំណោមផ្ទះទាំង២០ខ្នង បានឧបត្ថម្ភសាងសង់ជូនសមាជិកនារីដែលមានស្ថានភាពលំបាកលើភូមិឋានឃុំ។អ្នកមីងធីថាង ចែករំលើកដោយក្តីរំភើប៖“បានសមាគមនារីនិងភូមិភាគយកចិត្តទុកដាក់ជួយឧបត្ថម្ភ គ្រួសារខ្ញុំសប្បាយចិត្តខ្លាំងណាស់។ មានផ្ទះរឹងមាំ ខ្ញុំស្ងប់ចិត្តធ្វើការរកស៊ី ដើម្បីលំនឹងជីវភាព”។

អ្នកស្រី ត្រឹងធីអ៊ុក ប្រធានសមាគមសហព័ន្ធនារីឃុំសាភៀង ឱ្យដឹង៖“ឆ្លងតាមរយៈការផ្សព្វផ្សាយទម្រង់ល្អៗជាច្រើន សមាគមមានបំណងលើកកម្ពស់ការយល់ដឹង ការទទួលខុសត្រូវរបស់គ្រួសារនីមួយៗក្នុងការកសាងគ្រួសារសុភមង្គល គ្មានអំពើហិង្សា ព្រមទាំងបង្កើនបំណិនបង្ការប្រឆាំងគ្រឿងញៀន បង្ការទប់ស្កាត់ការលង់ទឹកកុមារ។ នាពេលខាងមុខ សមាគមនឹងបន្តពង្រីកទូលំទូលាយនូវទម្រង់មានប្រសិទ្ធភាព ភ្ជាប់នឹងជំរុញការផ្លាស់ប្តូរឌីជីថល រួមចំណែកកសាងសហគមន៍សុវត្ថភាព ស៊ីវិល័យ អភិវឌ្ឍនិងចីរភាព”។

តាមរយៈសកម្មភាពជាក់ស្តែង សមាគមសហព័ន្ធនារីឃុំសាភៀង បន្តបញ្ជាក់ពីតួនាទីស្នូលក្នុងការងារគិតគូរ ការពារនារីនិងកុមារ រួមចំណែកអនុវត្តមានប្រសិទ្ធភាពភារកិច្ចអភិវឌ្ឍសេដ្ឋកិច្ច-សង្គម កសាងជីវភាពវប្បធម៌ក្នុងសហគមន៍តាមទិសស្លោកនៃមហាសន្និបាតតំណាងនារីទូទាំងប្រទេសលើកទី១៤ អាណត្តិកាល ២០២៦-២០៣១ គឺ “សាមគ្គី អង់អាច មនុស្សធម៌ ច្នៃប្រតិដ្ឋ អភិវឌ្ឍន៍”៕

ហុងទើ-មុនី

ចែករំលែកអត្ថបទ

ពាក្យគន្លឹះ