មហាសាមគ្គីជនជាតិ ភូមិស្រុកផ្លាស់ថ្មី

21/07/2025 - 10:38

ខិតខំនាំយកផលិតផលពិសេសរបស់ជនរួមជាតិភាគតិចឈានទៅឆ្ងាយ

ខេត្តកាម៉ាវ កំពុងខ្នះខ្នែងតភ្ជាប់ទីផ្សារនិងជំរុញពាណិជ្ជកម្ម សំដៅនាំយកផលិតផលរបស់ជនរួមជាតិភាគតិច បង្ខិតជិតអតិថិជនកាន់តែទូលំទូលាយ រួមចំណែកបង្កើនប្រាក់ចំណូល លើកស្ទួយជីវភាព។

ត្របែកសាច់ក្រហមសម្រេចស្តង់ដារ OCOP ទាក់ទាញអតិថិជនជាច្រើនមកទិញ។

ទន្ទឹមនឹងការផ្តុំកម្លាំងវិនិយោគកែប្រែ បង្កើនកម្រិតទីផ្សារជាច្រើននៅតាមតំបន់ដែលមានជនរួមជាតិភាគតិចរស់នៅកុះករ ខេត្តកាម៉ាវថែមទាំងសកម្មផ្សព្វផ្សាយនូវកម្មវិធី ជំរុញពាណិជ្ជកម្ម ឧបត្ថម្ភទិញផលិតផលរបស់ជនរួមជាតិភាគតិចទៀតផង។ គ្រួសារបង្កបង្កើនផល ធ្វើពាណិជ្ជកម្ម អាជីវកម្មជាច្រើននៅភូមិភាគ ត្រូវបានបង្កលក្ខណសម្បត្តិចូលរួមតាមផ្សារណាត់ សន្និសីទតភ្ជាប់ផ្គត់ផ្គង់តម្រូវការក្នុងនិងក្រៅខេត្ត។ រាល់ផលិតផលពិសេសនិងផលិតផលសម្រេចស្តង់ដារ OCOP របស់ជនរួមជាតិភាគរបស់ខេត្តកាម៉ាវ ត្រូវបានឧទ្ទេសនាមលើប្រព័ន្ធចែកចាយថ្មី ឆ្លងតាមរយៈនៃព្រឹត្តិការណ៍ពាណិជ្ជកម្ម ផ្សារណាត់ សន្និសីទនិងលើទីផ្សារដោះដូរពាណិជ្ជកម្មអេឡិចត្រូនិកខេត្ត។ អាស្រ័យហេតុនោះ ផលិតផលជាច្រើនរបស់គ្រួសារធ្វើពាណិជ្ជកម្ម អាជីវកម្ម និងគ្រួសារជនជាតិភាគតិចកាម៉ាវ ត្រូវបានអតិថិជនស្គាល់និងមានទំនុកចិត្ត រួមចំណែកជំរុញការទិញ លើកស្ទួយជីវភាពដល់ជនជាតិភាគតិច។

ផលិតផលនំបង្កងបំពងរបស់គ្រួសារជនជាតិភាគតិចនៅខេត្តកាម៉ាវ ចែកចាយលើ
ទីផ្សារដោះដូរពាណិជ្ជកម្មអេឡិចត្រូនិក។

បងស្រីសើុងធីហុងស៊ាង នៅឃុំហ៊ឹងហោយ មានផលិតផលផ្លែត្របែកសម្រេចស្តង់ដារ OCOP ឆ្នាំ២០១៩ ឱ្យដឹង៖ “ចាប់ពីផ្លែត្របែកសាច់ក្រហមបានទទួលស្គាល់សម្រេចស្តង់ដារ OCOP និងបានចូលរួមដាក់បង្ហាញនៅសន្និសីទ ផ្សារណាត់ ចុះផ្សាយលើទីផ្សារដោះដូរពាណិជ្ជកម្មអេឡិចត្រូនិករបស់ខេត្ត ឃើញថា ទាក់ទាញបានអតិថិជនក្នុងនិងក្រៅខេត្តចូលមកទិញ។ ក្រៅពីនេះ ពួកឈ្មួញក្នុងខេត្តចុះមកទិញដើម្បីយកទៅលក់ឯផ្សារ។ បច្ចុប្បន្ន ខ្ញុំបានបើកទូលាយផ្ទៃដីដាំជាង ១ ហិកតា និងសហការជាមួយមាមីងខ្មែរជាច្រើន ផ្ទេរបច្ចេកទេសដាំដុះដើម្បីបើកទូលាយផ្ទៃដីដាំដោយធានាផលិតផលគុណភាពផ្គត់ផ្គង់គ្រប់ច្រកចេញទីផ្សារ។ អាស្រ័យដោយដាំត្របែកទើបជីវភាពគ្រួសារខ្ញុំនិងមាមីងខ្មែរជាច្រើនបានប្រសើរឡើង”។

ពូត្រឿងទូត្រាច់ នៅឃុំហ៊ីបថាញ់ ឱ្យដឹង៖ “ឆ្នាំ២០១៨ ផលិតផលទំពាំងបារាំងរបស់ខ្ញុំបានទទួលស្គាល់គ្រប់លក្ខណៈសុវត្ថិភាពចំណីអាហារ ដើម្បីផលិតធ្វើអាជីវកម្មផលិតផល និងឆ្នាំ២០១៩ ត្រូវបានទទួលស្គាល់សម្រេចស្តង់ដារ OCOP ម្ល៉ោះហើយត្រូវបានដាក់បញ្ចូលក្នុងប្រព័ន្ធភោជនីយដ្ឋាន សណ្ឋាគារក្នុងខេត្ត។ ពិសេស ទំពាំងបារាំងត្រូវបានដាក់បញ្ចូលក្នុងប្រព័ន្ធផ្សារទំនើប Co.opmart។ ចាប់ពីថ្ងៃដាំទំពាំងបារាំងមក ខ្ញុំបានចាកផុតភាពក្រីក្រ ក្លាយជាគ្រួសារធូរធារនៅភូមិភាគ”។

តាមប្រសាសន៍លោក លឺវហ្វាងលី នាយករងមន្ទីរកសិកម្មនិងបរិស្ថានខេត្តកាម៉ាវ ការស្វែងរកច្រកចេញសម្រាប់ផលិតផលតំបន់ជនរួមជាតិភាគតិច មិនត្រឹមតែជារឿងទីផ្សារប៉ុណ្ណោះទេ ថែមទាំងជាយុទ្ធសាស្ត្របង្កើនកម្រិតពាណិជ្ជកម្មជនបទ កាត់បន្ថយគម្លាតរវាងទីក្រុងនិងជនបទតំបន់ឆ្ងាយដាច់ស្រយាលទៀតផង។ ភាពម្ចាស់ការនិងព្រមៗគ្នា ក្នុងការផ្ទេរជូនវិទ្យាសាស្ត្រ បច្ចេកទេស អភិវឌ្ឍហេដ្ឋារចនាសម្ព័ន្ធទីផ្សារ ជំរុញពាណិជ្ជកម្មកំពុងបើកចេញក្តីសង្ឃឹមថ្មីសម្រាប់ផលិតផល ជួយជនរួមជាតិភាគតិចក្នុងខេត្តជាសន្សឹមៗលើកស្ទួយមុខរបររកស៊ី បង្កើនជីវភាពនិងអភិវឌ្ឍដោយចីរភាព៕

យ្វីអាញ- លីសៀ

ចែករំលែកអត្ថបទ

ពាក្យគន្លឹះ