មហាសាមគ្គីជនជាតិ ភូមិស្រុកផ្លាស់ថ្មី

14/07/2025 - 10:00

បង្កើនប្រាក់ចំណូលអាស្រ័យដាំមៀនគួបផ្សំនឹងចិញ្ចឹមឃ្មុំ

នៅមណ្ឌលធើយត្រិញ សង្កាត់អូរម៉ូង ក្រុងកឹងធើ ពូយឿងវ៉ាន់បា ល្បីឈ្មោះជាអ្នកសកម្ម ប៉ិនប្រសប់ក្នុងការផ្លាស់ប្ដូរដំណាំឈើហូបផ្លែ សត្វចិញ្ចឹមសមស្របនឹងតំបន់ដី លក្ខណៈគ្រួសារនិងទីផ្សារលក់កសិផលទទួលបានប្រាក់ចំណូលខ្ពស់។ នៅពេលផ្លាស់ប្ដូរម្តងៗធ្វើឱ្យពូបា មានបទពិសោធន៍បន្ថែម ក្តីរីករាយក្នុងដំណើរខិតខំឈានឡើងអភិវឌ្ឍន៍សេដ្ឋកិច្ច។

ពូវ៉ាន់បា ចែករំលែកពីទម្រង់ដាំមៀនគួបផ្សំចិញ្ចឹមឃ្មុំរកបានប្រាក់ចំណូលលំនឹង។

ពូវ៉ាន់បា រៀបរាប់៖ ខណៈពេលចម្ការមៀន Ido ចេញផ្កាស្រុះក្រអូបសាយ មិត្តភក្តិ អ្នកចិញ្ចឹមឃ្មុំ “រត់វាល” ឱ្យឃ្មុំមួយប្រអប់ចិញ្ចឹមសាកល្បង បន្ទាប់មកគាត់ពង្រីកបាន៥ប្រអប់ ដើម្បី “មានលុយកាហ្វេ” និងលម្ហែអារម្មណ៍ ក្រោយពីធ្វើចម្ការនឿយហត់។ ដំបូងដោយសារគ្មានបទពិសោធន៍ ពូបាធ្វើតាមទម្លាប់ចាស់ ទើបឃ្មុំមិនសូវមានទឹក។ ឃើញដូច្នោះ កូនប្រុសគាត់ស្វែងរកព័ត៌មានតាមបណ្តាញសង្គមពីបច្ចេកទេសចិញ្ចឹមឃ្មុំយកទឹកនិងរៀនសូត្រ ចែករំលែកបទពិសោធន៍ពីអ្នកចម្ការជិតខាងដើម្បីអនុវត្តតាម។

ពូវ៉ាន់បា ចែករំលែក៖ “ទម្រង់ចិញ្ចឹមឃ្មុំយកទឹកមិនបាច់ចំណាយទុននិងកម្លាំងមើលថែទាំ ប៉ុន្តែមានប្រសិទ្ធភាពសេដ្ឋកិច្ច។ ខ្ញុំចិញ្ចឹមពូជឃ្មុំអ៊ីតាលី ពូជឃ្មុំធំ ស្លូតងាយចិញ្ចឹមនិងមើលថែ; រកបានប្រាក់ចំណូលដោយទឹកឃ្មុំល្អ ផ្ដល់ទិន្នផលខ្ពស់និងជួយរក្សាហ្វូងឃ្មុំគ្មានជំងឺ។

ពូវ៉ាន់បា យកប្រអប់ឃ្មុំទៅដាក់ក្រោមម្លប់ចម្ការមៀន បង្កបរិយាកាសស្រឡះស្រឡំ។ គាត់ឆ្លៀតពេលពិនិត្យមើលទឹកក្នុងសម្បុកឃ្មុំ ដើម្បីយកទឹកចាប់ពី ១០-១៥ ថ្ងៃម្តង។ នៅពេលទឹកឡើងពេញសម្បុក គឺយកទឹកឃ្មុំដាក់ក្នុងធុង រួចហើយដាក់សម្បុកឃ្មុំទៅក្នុងធុង; ទន្ទឹមនឹងនោះ វិនិច្ឆ័យជំងឺដែលបង្កឱ្យខូចសម្បុករយៈពេល ២ ខែម្តង; ពិនិត្យជាប្រចាំនិងអនាម័យដើម្បីកាត់បន្ថយជំងឺដែលបង្កផលប៉ះពាល់ដល់កូនឃ្មុំ។ បច្ចុប្បន្ន ពូវ៉ាន់បា មានឃ្មុំអ៊ីតាលី ២០ ប្រអប់ដាក់ក្នុងចម្ការមៀន។ រយៈពេលពី ១០-១៥ ថ្ងៃ គាត់ប្រមូលផលទឹកឃ្មុំបាន ៤០ លីត្រ លក់ក្នុងតម្លៃ ២០០.០០០ - ៣០០.០០០ ដុងក្នុងមួយលីត្រ។

ពូវ៉ាន់បា ឱ្យដឹង៖ ក្នុងភូមិមានអ្នកដាំមៀនជាច្រើនគ្រួសារ ម្ល៉ោះហើយការចិញ្ចឹមឃ្មុំ “រត់វាល” ពីចម្ការមួយទៅចម្ការមួយ សម្បូរលម្អងផ្កាមៀន។ ឃ្មុំក្រេបលម្អងផ្កាមៀនទឹកពណ៌លឿងទុំ ផ្អែម ឆ្ងាញ់ត្រូវបានអតិថិជនជាច្រើនពេញនិយម។ មិនតែប៉ុណ្ណោះ កូនប្រុសពូវ៉ាន់បា ថែមទាំងលក់ផលិតផលទឹកឃ្មុំតាម “អនឡាញ” ម្ល៉ោះហើយរកបានប្រាក់ចំណូលលំនឹង។

ទម្រង់ធ្វើចម្ការគួបផ្សំចិញ្ចឹមឃ្មុំរបស់ពូបា សម្រេចប្រសិទ្ធភាពសេដ្ឋកិច្ច កំពុងបានភូមិភាគផ្ដោតការយកចិត្តទុកដាក់បង្កលក្ខណសម្បត្តិងាយស្រួលបើកទូលាយ ហើយធនាគារគោលនយោបាយសង្គមត្រៀមឧបត្ថម្ភឱ្យបុលទុនឆ្លើយតបតាមសំណូមពររបស់គ្រួសារនីមួយៗ។ ឆ្លងតាមរយៈនោះ ជួយគ្រួសារកសិករបង្កើនប្រាក់ចំណូល ឈានឡើងធ្វើមាន ជំរុញការអភិវឌ្ឍសេដ្ឋកិច្ច-សង្គមនៅភូមិភាគ៕

ភឿងម៉ាយ- លីសៀ

ចែករំលែកអត្ថបទ

ពាក្យគន្លឹះ