សុខភាព - អប់រំ សុខភាព

26/05/2025 - 12:53

ក្រសួងសុខាភិបាលរំលឹកប្រជាជន ម្ចាស់ការបង្ការបង្ក្រាបជំងឺ Covid-១៩

ក្រសួងសុខាភិបាល សំណូមពរដល់ប្រជាជនដែលទៅនិងមកពីបណ្តាប្រទេសមានករណីកើតជំងឺ Covid-១៩ ខ្ពស់ គប្បីតាមដានសុខភាព ដើម្បីបង្ការបង្ក្រាបជំងឺ Covid-១៩ ដល់ខ្លួនឯងផង គ្រួសារនិងអ្នកប្រាស្រ័យទាក់ទងជិតដិតផង។

រូបជាឧទាហរណ៍។

ប៉ុន្មានថ្ងៃកន្លង មានប្រទេសជាច្រើនលើពិភពលោក បានកត់សម្គាល់ករណីឆ្លងជំងឺ និងស្លាប់ដោយសារជំងឺ Covid-១៩។ ពិសេស នៅថៃ អ្នកឆ្លងជំងឺឡើងដល់រាប់សិបពាន់ករណី។ ករណីកើតជំងឺ Covid-១៩ កើនឡើងនៅថៃពាក់ព័ន្ធនឹងកំណើននៃការបំប្លែងភេទថ្មី XBB.១.១៦។ បើតាមក្រសួងសុខាភិបាលថៃ ទោះបីករណីកើតជំងឺ Covid-១៩ កើនឡើងក្នុងរយៈពេលថ្មីៗនេះ ក៏ពិតមែន ប៉ុន្តែក្រសួងនេះបានក្រើនរំលឹកដល់ប្រជាជន មិនគួរបារម្ភពេកនោះទេ ពីព្រោះនេះ គឺជាជំងឺរាតត្បាតនៅថៃ ហើយភាគច្រើនករណីជំងឺមានអាការៈរោគស្រាល។

យោងតាមអង្គការសុខាភិបាលពិភពលោក (WHO) ការបំប្លែងភេទថ្មី XBB.១.១៦ នៃ Omicron បានរកឃើញកាលពីឆ្នាំ ២០២៣ ម៉្លេះ មានសមត្ថភាពឆ្លងរាលដាលឆាប់រហ័ស ប៉ុន្តែមិនទាន់មានភស្តុតាងបង្ហាញថា មានអាការរោគធ្ងន់ធ្ងរនៅឡើយ ហើយបច្ចុប្បន្នមិនទាន់មានការព្រមានថ្មីណាមួយចំពោះជំងឺ Covid-១៩ លើវិសាលភាពនៃសកលលោកនៅឡើយទេ។ នៅវៀតណាម ចាប់ពីដើមឆ្នាំ ២០២៥ មកទល់ពេលនេះ បានកត់សម្គាល់ជំងឺរាយប៉ាយចំនួន ១៤៨ ករណីនៅ២៧ ខេត្ត ក្រុង និងគ្មានករណីស្លាប់ទេ។ វៀតណាមមិនបានកត់សម្គាល់នូវតំបន់ផ្ទុះជំងឺប្រមូលផ្តុំ ថ្វីដ្បិតដូច្នោះក្តី មានការកើនឡើងតិចតួចក្នុងរយៈពេល ៣ សប្តាហ៍កន្លងមកនេះ មធ្យមភាគកើតមាន ២០ ករណីក្នុងមួយសប្ដាហ៍។

ចំពោះមុខស្ថានភាពជំងឺ Covid-១៩ ក្រសួងសុខាភិបាលបានម្ចាស់ការបង្កើនការពិនិត្យ តាមដានយ៉ាងដិតដល់ពីស្ថានភាពជំងឺ Covid-១៩ បង្កើនការផ្សព្វផ្សាយនូវវិធានការបង្ការបង្ក្រាបនៅតាមមូលដ្ឋានសុខាភិបាល និងតាមសហគមន៍; ត្រៀមលក្ខណៈទទួលស្នាក់នៅ សង្រ្គោះជាបន្ទាន់ ថែទាំព្យាបាលមានប្រសិទ្ធភាពរាល់ករណីដែលកើតជំងឺ ពិសេស ចំពោះក្រុមមានហានិភ័យខ្ពស់ (ស្រី្តមានផ្ទៃពោះ អ្នកដែលមានជំងឺប្រចាំកាយ និងមនុស្សចាស់៘) មិនទុកឱ្យកើតមានករណីស្លាប់ឡើយ។

ក្រសួងសុខាភិបាល ឱ្យដឹង៖ នឹងបន្តសហប្រតិបត្តិការជាមួយអង្គការសុខាភិបាលពិភពលោក WHO តាមដានយ៉ាងយកចិត្តទុកដាក់ពីស្ថានភាពជំងឺ Covid-១៩ លើពិភពលោក ហើយដាក់ចេញនូវផែនការបង្ការបង្ក្រាបជំងឺឆ្លងរាតត្បាតឱ្យសមស្រប និងមានប្រសិទ្ធភាព។

ដើម្បីម្ចាស់ការបង្ការ បង្ក្រាបជំងឺ Covid-១៩ ក្រសួងសុខាភិបាល បន្តផ្តល់អនុសាសន៍ដល់ប្រជាជនអនុវត្តល្អនូវវិធានការដូចខាងក្រោម៖

១. ពាក់ម៉ាស់ទីសាធារណៈតាមមធ្យោបាយចរាចរណ៍ទីសាធារណៈនៅតាមមូលដ្ឋានសុខាភិបាល។

២. កាត់បន្ថយជួបជុំទីកន្លែងមានមនុស្សកុះករ (ប្រសិនបើមិនចំបាច់)។

៣.លាងដៃរឿយៗដោយទឹកស្អាតសាប៊ូឬ ល្បាយរម្ងាប់មេរោគ។

៤. បង្កើនការចលនាលត់ដំកាយសម្បទា និងបំប៉នសារធាតុចិញ្ចឹមសមស្រប។

៥. ពេលមានអាការៈគ្រុន ក្អក ពិបាកដកដង្ហើម គឺទៅកាន់មូលដ្ឋានសុខាភិបាលកន្លែងដែលនៅជិតបំផុតជាបន្ទាន់ ដើម្បីបានពិនិត្យតាមដាននិងចំណាត់ការទាន់ពេល៕

យោង៖ កាសែតប្រជាជន -ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ