គោលនយោបាយ -ការរស់នៅ គោលនយោបាយ

26/05/2025 - 12:53

ប្រសិទ្ធភាពនៃកម្មវិធីគោលនយោបាយជនជាតិនៅខេត្តអាងយ៉ាង

ការងារជនជាតិតែងបានខេត្តអាងយ៉ាង ចាត់ទុកជាភារកិច្ចយុទ្ធសាស្រ្ត ផ្សារភ្ជាប់ជាមួយនឹងការអភិវឌ្ឍប្រកបដោយចីរភាព ធានាសុខុមាលភាពសង្គម និងរក្សាខ្ជាប់ភាពលំនឹងនយោបាយ ការពារប្រទេស - សន្ដិសុខនៅតំបន់ព្រំដែន ម្ល៉ោះហើយសម្រេចបានលទ្ធផលសំខាន់ៗជាច្រើន។

ប្រព័ន្ធគមនាគមន៍ជនបទតំបន់ជនជាតិភាគតិចខេត្តអាងយ៉ាង មានភាពប្រ
សើរឡើងពីមួយថ្ងៃទៅមួយថ្ងៃ។

ចំនួនប្រជាជនទូទាំងខេត្តមានជាង ១,៩ លាននាក់ ក្នុងនោះ ជនជាតិភាគតិចមានប្រហែល ៤% ភាគច្រើនគឺជនជាតិខ្មែរប្រមូលផ្ដុំនៅស្រុកទ្រីតូង ចូវថាញ់ ចូវភូនិងទីរួមខេត្តទិញបៀង។ នេះក៏ជាតំបន់ដែលមានលក្ខណៈសេដ្ឋកិច្ច - សង្គមនៅលំបាក ដោយមានអត្រាគ្រួសារក្រីក្រនិងប្រកៀកបន្ទាត់ក្រខ្ពស់ជាងកម្រិតមធ្យមភាគក្នុងទូទាំងខេត្ត។

រយៈពេលកន្លង ខេត្តអាងយ៉ាងបានផ្ដោតលើការអនុវត្តប្រកបដោយប្រសិទ្ធភាពនូវកម្មវិធីគោលនយោបាយជនជាតិរបស់មជ្ឈិម ហើយសម្រេចបានលទ្ធផលលេចធ្លោជាច្រើន។ តាមរយៈនោះ អត្រាគ្រួសារក្រីក្រក្នុងជនជាតិភាគតិច រៀងរាល់ឆ្នាំថយចុះពី ៣% ទៅ ៤%។ ឃុំនៅតំបន់ជនជាតិភាគតិច មានផ្លូវក្រាលកៅស៊ូ ឬចាក់បេតុងដល់មជ្ឈមណ្ឌលឃុំ ១០០%; ភូមិនៅតំបន់ជនជាតិភាគតិច មានផ្លូវមាំមួនចុះទៅដល់មជ្ឈមណ្ឌល ៧០% ។ ចំនួនអគារសិក្សា បន្ទប់រៀន សាលាអន្តេវាសិកនិងដំណាក់សុខាភិបាលនៅតំបន់ជនជាតិភាគតិចត្រូវបានកសាងរឹងមាំ ១០០%។ ខេត្តក៏បានអនុវត្តសម្រេចជាមូលដ្ឋាននូវការងារស្ថិរវប្បកម្ម ស្ថិរនិវេសន៍; រៀបចំឱ្យមានស្ថិរភាពគ្រួសារជនជាតិភាគតិចចំនួន ៩០% ដែលផ្លាស់ប្ដូរទីលំនៅមិនតាមផែនការ។ គម្រោងជម្លៀសរៀបចំ ៦០% ចំនួនគ្រួសារជនជាតិភាគតិចដែលរស់នៅរាយប៉ាយ កន្លែងប្រឈមនឹងហានិភ័យគ្រោះស្រុតបាក់ដី។ ដោះស្រាយជាសារវន្តស្ថានភាពខ្វះដីសង់លំនៅ ដីផលិតកម្មជូនជនរួមជាតិភាគតិច។ ទន្ទឹមនឹងនោះ ខេត្តអាងយ៉ាងក៏ពង្រឹងការងារសុខាភិបាល ដើម្បីជនរួមជាតិភាគតិចទទួលបានសេវាថែទាំសុខភាពទំនើប; បន្តបង្រ្កាបនិងឈានដល់លុបបំបាត់ជំងឺរាតត្បាតនៅតំបន់ជនជាតិភាគតិច; ជនរួមជាតិភាគតិចជាង ៩៨% បានចូលរួមធានារ៉ាប់រងសុខាភិបាល។ ពលករស្ថិតក្នុងអាយុពលកម្មលើភូមិសាស្រ្តខេត្ត ៥០% ទទួលបានការបណ្ដុះបណ្ដាលវិជ្ជាជីវៈសមស្របនឹងតម្រូវការលក្ខណសម្បត្តិរបស់ជនជាតិភាគតិចនិងលក្ខណៈដោយឡែកនៃតំបន់ជនរួមជាតិភាគតិចនិងតំបន់ភ្នំលើភូមិសាស្រ្តស្រុក។ល។

ទាក់ទិននឹងលទ្ធផលខាងលើ លោកង្វៀងភូ នាយកមន្ទីរជនជាតិនិងសាសនាខេត្តអាងយ៉ាង បានឱ្យដឹង៖ គណៈកម្មាធិការបក្ស រដ្ឋអំណាចនិងអង្គការមហាជនគ្រប់លំដាប់ថ្នាក់ បានចង្អុលការផ្សព្វផ្សាយ បញ្រ្ជាបនិងរៀបចំអនុវត្តបានល្អនូវគោលការណ៍របស់បក្ស គោលនយោបាយ ច្បាប់របស់រដ្ឋស្ដីការងារជនជាតិនិងគោលនយោបាយជនជាតិ។ ការយល់ដឹងរបស់កម្មាភិបាល បក្ខជន អ្នកមុខអ្នកការសាសនានិងជនរួមជាតិភាគតិចអំពីបញ្ហាជនជាតិ សាសនានិងគោលនយោបាយជនជាតិ មានជំហានវិវឌ្ឍន៍ជាវិជ្ជមាន។ ប្រការនេះ ត្រូវបានឆ្លុះបញ្ចាំងតាមរយៈការងារជាក់ស្ដែង រួមចំណែកជំរុញខ្លាំងក្លាការអភិវឌ្ឍសេដ្ឋកិច្ច-សង្គម។ កងជួរកម្មាភិបាលជនជាតិភាគតិច និងប្រព័ន្ធនយោបាយតំបន់ជនជាតិភាគតិចត្រូវបានពង្រឹង; ផែនមហាសាមគ្គីជនជាតិ សាសនាត្រូវបានពង្រីករក្សាលំនឹងអំពីសន្ដិសុខនយោបាយ សណ្ដាប់ធ្នាប់ សុវត្ថិភាពសង្គម; ពង្រឹងមាំក្ដីជំនឿរបស់ជនរួមជាតិ ចំពោះការដឹកនាំរបស់បក្សនិងរដ្ឋ៕

ថាញឡុង - ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ