មហាសាមគ្គីជនជាតិ គំរូក្នុងសហគមន៍

28/04/2025 - 10:08

យុវជនខ្មែរឈានមុខអនុវត្តបច្ចេកវិទ្យាឌីជីថលក្នុងផលិតកម្ម

បងត្រឹងគឹមលឹ្វង នៅឃុំតៃវុាំង ស្រុកត្រឹងដេ ខេត្តសុកត្រាំង មិនអល់អែកអនុវត្តបច្ចេកវិទ្យាឌីជីថលក្នុងការផលិតស្រូវគុណភាពខ្ពស់ដើម្បីធ្វើមានសម្រាប់គ្រួសារ។

ត្រឹងគឹមលឹ្វង អនុវត្ត ២ ណុង ដើម្បីពិនិត្យជំងឺនិងសារធាតុចិញ្ចឹមស្រូវតាមរយៈស្មាតហ្វូន។

ជាមួយនឹងការអនុវត្តបច្ចេកវិទ្យាគ្រប់គ្រងសត្វល្អិតនិងជំងឺលើវាលស្រែ បងលឹ្វង គ្រប់គ្រងស្ថានភាពជំងឺលើវាលស្រែបានយ៉ាងល្អ។ ដូច្នេះ ដំណាំស្រូវ ២ ហិកតារបស់បង តែងលូតលាស់ល្អ ផ្តល់ទិន្នផលខ្ពស់។ ពិសេស ក្នុងការផលិតស្រូវ បងលឹ្វង បានវិនិយោគលើ “ដ្រូន” ដើម្បីបង្កើនប្រសិទ្ធភាពក្នុងការផលិតស្រូវ និងធ្វើសេវាកម្មបង្កើនប្រាក់ចំណូលសម្រាប់គ្រួសារ។ បងលឹ្វង ឱ្យដឹង៖ “ឧបករណ៍ដ្រូននេះ អាចធ្វើការងារបាន ៣ យ៉ាង គឺបាញ់ថ្នាំកម្ចាត់សត្វល្អិត; សាបព្រោះ និងបាចជី។ ដូច្នេះ កាត់បន្ថយបានពេលវេលា កម្លាំងពលកម្មនិងផលិតស្រូវប្រកបដោយប្រសិទ្ធភាព”។ តាមការគិតគូររបស់បងលឹ្វង ពង្រោះស្រូវ ១០ កុងដោយដ្រូន តម្លៃត្រឹមតែ ៤០០.០០០ ដុង ហើយសម្រេចរួចរាល់ក្នុងរយៈពេល ២០ នាទី បើសាបព្រោះដោយដៃត្រូវចំណាយពេល ១ ម៉ោងកន្លះ។ បច្ចេកវិទ្យាដ្រូន មិនត្រឹមតែលឿនប៉ុណ្ណោះទេ ថែមទាំងសន្សំសំចៃប្រាក់បាន ២០០.០០០ ដុង បើធៀបនឹងប្រើកម្លាំងពលកម្ម។ បច្ចុប្បន្ន នៅភូមិតៃកុង មានផ្ទៃដីផលិតស្រូវប្រមាណជាង ៣០០ ហិកតា ប៉ុន្តែមានកសិករដល់ទៅ៩០% បានអនុវត្តបច្ចេកវិទ្យានេះក្នុងការផលិត។ ទន្ទឹមនឹងនោះ បងលឹ្វង ថែមទាំងជាអ្នកដំបូងក្នុងការអនុវត្ត ២ ណុង (2Nong) ដើម្បីធ្វើរោគវិនិច្ឆ័យសត្វល្អិតលើវាលស្រែតាមរយៈស្មាតហ្វូន។

បងត្រឹងគឹមលឹ្វង អនុវត្តការពិនិត្យជម្ងឺលើកម្មវិធី ២ ណុង តាមរយៈស្មាតហ្វូន។

បងលឹ្វង ឱ្យដឹង៖ “អនុវត្ត ២ ណុង ជួយកាត់បន្ថយពេលវេលា ប្រាក់ចំណាយ បង្កើនទិន្នផល និងគុណភាពដំណាំ។ល។ ជាពិសេស ការអនុវត្តនេះអាចកំណត់ដឹងជំងឺនិងកង្វះសារធាតុចិញ្ចឹមរបស់ស្រូវតាមរយៈការស្កែន/ថតរូបសាមញ្ញយ៉ាងរហ័ស។ ការប្រើប្រាស់បច្ចេកវិទ្យាគឺកាត់បន្ថយពេលវេលា ប្រាក់ចំណាយ បង្កើនទិន្នផលនិងគុណភាពដំណាំ ... “។ បើតាមបងលឹ្វង ចាប់តាំងពីអនុវត្តបច្ចេកវិទ្យាក្នុងការផលិតស្រូវ អាចគ្រប់គ្រងសត្វល្អិតនិងជំងឺ កាត់បន្ថយពេលវេលា ដើម្បីមានពេលធ្វើអាជីវកម្មសម្ភារៈកសិកម្មបានល្អ។ ជាពិសេស ទិន្នផលនិងគុណភាពស្រូវខ្ពស់ត្រូវតាមស្តង់ដាររបស់ក្រុមហ៊ុនប្រមូលទិញ ដូច្នេះ ប្រាក់ចំណេញក៏ខ្ពស់គួរសមដែរ។

តាមរយៈការអនុវត្តបច្ចេកវិទ្យាឌីជីថលក្នុងការផលិតស្រូវការគ្រប់គ្រងជំងឺលើដំណាំស្រូវរបស់បងលឹ្វង បានបង្ហាញឱ្យឃើញថា កសិករតំបន់ជនបទដែលមានជនរួមជាតិខ្មែររស់នៅច្រើនកុះករ បាននិងកំពុងអនុវត្តបច្ចេកវិទ្យាឌីជីថលលើវាលស្រែ ដើម្បីធានាទិន្នផលនិងគុណភាព។ ប្រការនេះ បានរួមចំណែកដល់ការផ្លាស់ប្តូរវិធីសាស្រ្តផលិតស្រូវ ធ្វើអាជីវកម្ម និងខិតជិតបានបច្ចេកទេសផលិតស្រូវទាន់សម័យ៕

យ៉ីអាញ់-ប្រែសម្រួល៖ ទីទុយ

ចែករំលែកអត្ថបទ

ពាក្យគន្លឹះ