មហាសាមគ្គីជនជាតិ ភូមិស្រុកផ្លាស់ថ្មី

01/04/2025 - 08:56

ជំរុញបង្វែររចនាសម្ព័ន្ធផលិតកម្ម លើកស្ទួយជីវភាពប្រជាជន

ដោយការអនុវត្តព្រមៗគ្នានូវដំណោះស្រាយក្នុងការផលិត ទើបប៉ុន្មានឆ្នាំមកនេះ ឃុំសុងឡុក ស្រុកចូវថាញ់ ខេត្តត្រាវិញ បានចលនាប្រជាជនបង្វែររចនាសម្ព័ន្ធដំណាំដាំដុះ អនុវត្តវិទ្យាសាស្រ្តបច្ចេកទេសជឿនលឿនក្នុងការផលិត សំដៅនាំមកប្រាក់ចំណូលខ្ពស់។

ពូតឺវ៉ាន់ថឹក កំពុងថែទាំដំណាំប៉េងប៉ោះ។

លោកយ៉េបភឿង អនុប្រធានគណៈកម្មាធិការប្រជាជនឃុំសុងឡុក ឱ្យដឹង៖ “ជាឃុំជំនាញកសិកម្ម អាស្រ័យហេតុនោះ កសិកម្មត្រូវបានកំណត់ច្បាស់ជាផ្នែកសេដ្ឋកិច្ចមានតួនាទីជាចម្បងរបស់ឃុំ ដោះស្រាយការងារធ្វើ ផ្តល់ប្រាក់ចំណូលនិងផ្គត់ផ្គង់ផលិតផលមុខទំនិញសម្រាប់ទីផ្សារ។ យោងលើមូលដ្ឋាន កំណត់ច្បាស់តួនាទីកសិកម្ម ឃុំបានពង្រីកនូវប្រភពកម្លាំង បង្វែររចនាសម្ព័ន្ធដំណាំដាំដុះតាមទិសដៅជាវិជ្ជមាន អនុវត្តវិទ្យាសាស្ត្របច្ចេកទេស លើកកម្ពស់គុណភាពផលិតផល។ ដើម្បីលើកកម្ពស់តម្លៃកសិផល ក្រៅពីការជំរុញបង្វែររចនាសម្ព័ន្ធដំណាំដាំដុះ ជាច្រើនឆ្នាំមកនេះ ឃុំថែមទាំងអភិវឌ្ឍគម្រោងយូរអង្វែងតាមតំបន់ផលិតមុខទំនិញប្រមូលផ្តុំ ដូច៖ តំបន់ផលិតស្រូវគុណភាពខ្ពស់ ដាំដំណាំរួមផ្សំលើដីស្រែ អនុវត្តទម្រង់ពហុវប្បកម្ម ៘ ដើម្បីជំនួសឱ្យការធ្វើស្រែតែមួយមុខ”។

ពូតឺវ៉ាន់ថឹក (អាវខៀវ) កំពុងដោះដូរជាមួយកម្មាភិបាលឃុំ។

ពូតឺវ៉ាន់ថឹក នៅភូមិកន្លែងខ្វែក ឱ្យដឹង៖ “កសិករ បើចង់ធ្វើមានបានត្រូវមានគំនិតស្វែងយល់រៀនសូត្រពីទម្រង់ដែលល្អៗ របៀបធ្វើដែលមានប្រសិទ្ធភាពដើម្បីអនុវត្តទៅលើផ្ទៃដីរបស់ខ្លួន។ គ្រួសារខ្ញុំមានដីស្រែ៥កុង ធ្វើស្រូវមិនសូវបានផល។ ឆ្លងតាមរយៈតាមដានសៀវភៅកាសែតនិងទម្រង់ដាំដំណាំរួមផ្សំមួយចំនួនតាមជម្រាក់ស្រែដែលមានប្រសិទ្ធភាព មួយទៀតបានរដ្ឋអំណាចភូមិភាគបំផុសចលនា ដាំដំណាំរួមផ្សំតាមវាលស្រែ។ ហេតុនោះដំណាំដែលខ្ញុំជ្រើសរើសដំបូង គឺប៉េង ប៉ោះល្ពៅនិងម្ទេស។ រដូវដំណាំរួមផ្សំកន្លង គ្រួសារខ្ញុំដាំប៉េងប៉ោះ៥កុង ដោយសារអនុវត្តបចេ្ចកទេសបានល្អ ទិន្នផលបានជិត២៥តោន តម្លៃលក់ចាប់ពី១០.០០០-១២.០០០ដុង/គ.ក ក្រោយពីទូទាត់រួចស្រេច ចំណេញជិត១០០លានដុង។ តាមការប៉ាន់ស្មានរបស់ខ្ញុំ ក្នុងមួយឆ្នាំដាំដំណាំ រួមផ្សំបាន៣រដូវ ក្រោយពីទូទាត់ចំណេញបានជិត២០០លានដុង/ឆ្នាំ”។

និយាយពីការវិនិយោគ យកចិត្តទុកដាក់គិតគូរដល់ជីវភាពប្រជាជនក្នុងរយៈពេលខាងមុខ លោក យ៉េបភឿង ឱ្យដឹងបន្ថែម៖ “បច្ចុប្បន្ន ឃុំសម្រេចបទដ្ឋានជនបទថ្មី ប្រាក់ចំណូលមធ្យមភាគលើមនុស្សម្នាក់ក្នុងឆ្នាំ២០២៤ សម្រេច ៧២.៦៨០.០០០ដុង/ឆ្នាំ។ ក្នុងផែនការអភិវឌ្ឍសេដ្ឋកិច្ច-សង្គមឆ្នាំ២០២៥ និងឆ្នាំបន្តបន្ទាប់ ឃុំយកចិត្តទុកដាក់ទៅលើការបង្វែររចនាសម្ព័ន្ធ ផលិត ជាពិសេសគឺការអភិវឌ្ឍសេដ្ឋកិច្ចនៅតំបន់ដែលមានជនរួមជាតិខ្មែររស់នៅកុះករ៕

សើុងម៉ាល័យ- លីសៀ

ចែករំលែកអត្ថបទ

ពាក្យគន្លឹះ