មហាសាមគ្គីជនជាតិ គំរូក្នុងសហគមន៍

24/03/2025 - 10:54

ចូលរួមបរិច្ចាគឈាមស្ម័គ្រចិត្ត ២០ លើក

បងត្រឹងង៉ុកហាវ នៅអនុសង្កាត់៥ ទីប្រជុំជនចូវថាញ់ ខេត្តត្រាវិញ ជាគំរូលេចធ្លោជនជាតិខ្មែរម្នាក់ក្នុងចំណោមអ្នកគំរូលេចធ្លោនៅក្នុងសន្និបាតស្ងើចសរសើរ អ្នកចូលរួមបរិច្ចាគឈាមស្ម័គ្រចិត្តលេចធ្លោរបស់ខេត្តត្រាវិញ។

បងត្រឹងង៉ុកហាវ កំពុងចូលរួមបរិច្ចាគឈាមមនុស្សធម៌។

បងត្រឹងង៉ុកហាវ ឱ្យដឹង៖ “ខ្ញុំមិនត្រឹមតែបរិច្ចាគឈាមច្រើនលើកប៉ុណ្ណោះទេ ខ្ញុំថែមទាំងចលនាគ្រួសារ មិត្តភ័ក្ដិ មិត្តរួមការងារ សកម្មចូលរួមបរិច្ចាគឈាមស្ម័គ្រចិត្តទៀតផង។ ខ្ញុំយល់ថា ការបរិច្ចាគឈាមមនុស្សធម៌ គឺជាទង្វើមួយដ៏ថ្លៃថ្លា មានអត្ថន័យដ៏សំខាន់ក្នុងការសង្រ្គោះមនុស្ស។ សារ“ឈាមមួយដំណក់បានផ្ដល់ទៅ - ជីវិតមនុស្សម្នាក់រស់ឡើងវិញ” ជួយឱ្យខ្ញុំកាន់តែយល់ច្បាស់ការបរិច្ចាគឈាមមានអត្ថន័យថា យើងអាចសង្រ្គោះជីវិតមនុស្សម្នាក់។ ចំពោះអ្នកជំងឺដែលត្រូវការបញ្ចូលឈាម គឺខណៈពេលជីវិតពួកគាត់កំពុងប្រកៀកជិតនឹងការស្លាប់រស់ ពេលនេះឯង ដំណក់ឈាមស្ម័គ្រចិត្ត គឺជាប្រភពជីវិតមានតម្លៃមិនអាចកាត់ថ្លៃបានចំពោះពួកគាត់។ ខ្ញុំគិតថា ពេលយើងនៅមានសុខភាពល្អ អាចរួមចំណែកអ្វីបានខ្លះដល់សង្គមគឺចូលរួមទៅ។ ដោយគំនិតដូច្នោះ ចាប់ពីឆ្នាំ ២០០៧ មកទល់បច្ចុប្បន្ន ខ្ញុំចូលរួមបរិច្ចាគឈាមស្ម័គ្រចិត្ត ២០ លើក។ ពីព្រោះការបូមឈាមចេញពីរាងកាយយើងក្នុងកម្រិតសុវត្ថិភាព ធានាត្រូវតាមបែបបទបច្ចេកទេស នឹងជួយរំញោចដល់ការបង្កើតឈាមឡើងវិញ មិនប៉ះពាល់ដល់សុខភាពឡើយ។

បងត្រឹងង៉ុកហាវ លើកបង្ហាញទទួលប័ណ្ណសរសើររបស់គណៈ
កម្មាធិការប្រជាជនខេត្តត្រាវិញ។

លោក ឡេហ្វាយលិញ ប្រធានសមាគមមនុស្សចាស់ និងជាប្រធានសមាគមកាកបាទក្រហមទីប្រជុំជនចូវថាញ់ បានបញ្ជាក់៖ “ចលនាបរិច្ចាគឈាមមនុស្សធម៌របស់ស្រុកចូវថាញ់និយាយរួម និងទីប្រជុំជននិយាយដោយឡែក កន្លងមកមានការគាំទ្រយ៉ាងខ្លាំងក្លា នៅទីប្រជុំជនរៀងរាល់ឆ្នាំតែងអនុវត្តសម្រេចលក្ខឋានរបស់ស្រុកដាក់ចេញ។ ដោយឡែកប្អូន ត្រឹងង៉ុកហៅ បច្ចុប្បន្ន ជាប្រជាជនលេចធ្លោម្នាក់ និងសកម្មក្នុងការបរិច្ចាគឈាមមនុស្សធម៌។ ប្អូននៅទាំងសកម្មចូលរួមសកម្មភាពរបស់សមាគមអតីតយុទ្ធជនទីប្រជុំជនទៀតផង។ ប្អូនហាវ បានប្រធានគណៈកម្មាធិការប្រជាជនខេត្តត្រាវិញ ជូនប័ណ្ណសរសើរពីព្រោះការចូលរួមបរិច្ចាគឈាមសង្រ្គោះមនុស្ស បរិច្ចាគឈាមមនុស្សធម៌ជាច្រើនលើក។ នេះជាសកម្មភាពយ៉ាងល្អប្រសើរជួយដល់សហគមន៍ និងជាគុណធម៌ដ៏ប្រសើរចំពោះសង្គម”៕

សើុងម៉ាល័យ - ថាច់ធី

ចែករំលែកអត្ថបទ

ពាក្យគន្លឹះ