ព្រឹត្តិការណ៍ - នយោបាយ ព្រឹត្តិការណ៍

24/03/2025 - 10:48

បង្កការផ្លាស់ប្ដូរជាក់ស្ដែងក្នុងការកាត់បន្ថយភាពក្រីក្រ ជាមួយស្មារតី"ដើម្បីប្រជាជន"

រដ្ឋមន្រ្តីក្រសួងជនជាតិនិងសាសនា ដាវង៉ុកយ៉ុង ទើបដឹកនាំកិច្ចប្រជុំស្ដីពីការធ្វើវិសោធនកម្ម សេចក្ដីសម្រេចលេខ ១៧១៩/QĐ-TTg របស់នាយករដ្ឋមន្រ្តីនៃរដ្ឋាភិបាល ផ្ដល់សច្ចាប័នលើកម្មវិធីទិសដៅជាតិអភិវឌ្ឍន៍សេដ្ឋកិច្ច - សង្គមតំបន់ជនរួមជាតិភាគតិចនិងតំបន់ភ្នំ ដំណាក់កាល ២០២១ - ២០៣០ ដំណាក់កាលទី១ ចាប់តាំងពីឆ្នាំ ២០២១ ដល់ឆ្នាំ ២០២៥ (ហៅកាត់ថា កម្មវិធី១៧១៩)។

លោករដ្ឋមន្រ្តី ដាវង៉ុកយ៉ុង ថ្លែងចង្អុលការក្នុងកិច្ចប្រជុំ។

លោករដ្ឋមន្រ្តីសង្កត់ធ្ងន់ នេះគឺជាកម្មវិធីមនុស្សធម៌មួយក្នុងគោលបំណងជំរុញការកាត់បន្ថយភាពក្រីក្រឆាប់រហ័សនិងប្រកបដោយចីរភាព លើកកម្ពស់ជីវភាពសុខុមាលប្រជាជន។ ទិសដៅធំបំផុតគឺ នាំមកនូវភាពសប្បាយរីករាយនិងសមភាពដល់ប្រជាជន មិនទុកឱ្យអ្នកណាម្នាក់នៅខាងក្រោយ។ វៀតណាមបានកាត់បន្ថយអត្រាគ្រួសារក្រីក្រនៅតំបន់ជនរួមជាតិភាគតិច ថយចុះនៅត្រឹមជាង ៣% សម្រេចតាមទិសដៅដែលរដ្ឋសភាដាក់ចេញ។ ជាមួយនឹងលទ្ធផលនេះ វៀតណាមត្រូវបានអញ្ជើញទៅប្រទេសអ៊ីតាលី ធ្វើរបាយការណ៍គំរូអំពីការកាត់បន្ថយ គម្លាតរវាងអ្នកអន់ប្រៀប; ទៅកាន់ប្រទេសប្រេស៊ីល ធ្វើរបាយការណ៍គំរូពិភពលោកអំពីការលុបបំបាត់ភាពក្រីក្រ កាត់បន្ថយភាពក្រីក្រប្រកបដោយចីរភាពទូទាំងសកលលោក។ វៀតណាមក៏ជាប្រទេសនៅអាស៊ីផងដែរ។

ទោះបីដូច្នោះក្ដី លោករដ្ឋមន្រ្តីក៏បានលើកឡើងត្រង់ៗអំពីបញ្ហាជាប់ជំពាក់និងខ្វះចន្លោះ ដែលត្រូវជម្នះក្នុងពេលឆាប់ៗ មានដូច៖ ការរៀបចំគោលនយោបាយមានចំណុចខ្លះមិនទាន់សមស្រប កម្មវិធីទិសដៅ ប៉ុន្តែពេលខ្លះដាក់យន្តការដូចជាវិនិយោគសាធារណៈ (ឧទាហរណ៍ ពេលលុបបំបាត់ផ្ទះបណ្ដោះអាសន្ន ឧបត្ថម្ភទឹកប្រាក់ ២០ លានដុងក៏ត្រូវការដេញថ្លៃដែរ)។ មានការងារជាច្រើនថ្នាក់លើត្រូវធ្វើជំនួសថ្នាក់ក្រោម (សំណង់ទ្រង់ទ្រាយតូចក្នុងឃុំ ក៏ចាំបាច់ដាក់ក្នុងបញ្ជីដើម្បីអនុម័តដោយរដ្ឋសភា)។ ចំនួនគម្រោង ស្ថាប័ន កម្មវិធីច្រើនហួសពេក។ល។ លោករដ្ឋមន្រ្តីបានសំណូមពរ រយៈពេលខាងមុខ យើងត្រូវយកចិត្តទុកដាក់ធ្វើឱ្យសម្រេចយ៉ាងឆាប់នូវយន្តការនយោបាយពាក់ព័ន្ធដល់ការកាត់បន្ថយភាពក្រីក្រតំបន់ជនរួមជាតិភាគតិចនិងតំបន់ភ្នំ។ កិច្ចការ២យ៉ាងដែលធ្វើបន្ទាន់ នោះគឺ៖ ខ្នះខ្នែងសហការជាមួយនឹងការិយាល័យរដ្ឋាភិបាល ដើម្បីធ្វើវិសោធនកម្មសេចក្ដីសម្រេចលេខ ១៧១៩ នៅសប្ដាហ៍ក្រោយ; ធ្វើវិសោធនកម្មជាបន្ទាន់នូវសារាចរលេខ០១, ០២ និងឯកសារជាប់ពាក់ព័ន្ធផ្សេងៗឱ្យសមស្របនឹងបរិបទថ្មី៕

យោង៖ cema.gov.vn-ថាច់ធី

ចែករំលែកអត្ថបទ

ពាក្យគន្លឹះ