ព្រឹត្តិការណ៍ - នយោបាយ ព្រឹត្តិការណ៍

10/03/2025 - 15:14

កម្ពុជាតែងឱ្យតម្លៃខ្ពស់ទំនាក់ទំនងមិត្តភាពជាប្រវេណី និងសហប្រតិបត្តិការល្អប្រសើរជាមួយវៀតណាម

ប្រធានរដ្ឋសភានៃព្រះរាជាណាចក្រកម្ពុជា សម្តេចមហារដ្ឋសភាធិការធិបតី ឃួន សុដារី ទទួលស្វាគមន៍ឯកអគ្គរដ្ឋទូត ង្វៀងមិញវ៉ូវ ចូលជួបសម្តែងការគួរសមនិងពិភាក្សាការងារនៅទីស្នាក់ការរដ្ឋសភារាជធានីភ្នំពេញ។

ឯកអគ្គរដ្ឋទូត ង្វៀងមិញវ៉ូវ ចូលជួបសម្តែងការគួរសមនិងពិភាក្សាការងារជាមួយ
ប្រធានរដ្ឋសភានៃព្រះរាជាណាចក្រកម្ពុជា សម្តេចមហារដ្ឋសភាធិការធិបតី ឃួន សុដារី។

ក្នុងឱកាសជំនួប ប្រធានរដ្ឋសភា សម្តេច ឃួន សុដារី បានអបអរសាទរចំពោះឯកអគ្គរដ្ឋទូត ង្វៀងមិញវ៉ូវ; បានបង្ហាញពីទំនុកចិត្តជាមួយនឹងបទពិសោធន៍ផ្នែកខាងការទូត ឯកអគ្គរដ្ឋទូត ង្វៀងមិញវ៉ូវ ក្នុងមួយអាណត្តិប្រកបដោយជោគជ័យ រួមចំណែកក្នុងការបង្កើនទំនាក់ទំនងល្អថែមទៀតនូវចំណងមិត្តភាពជាប្រវេណី និងសហប្រតិបត្តិការដ៏ល្អប្រសើររវាងប្រទេសទាំងពីរ រដ្ឋសភាទាំងពីរ។

ឯកអគ្គរដ្ឋទូត ង្វៀងមិញវ៉ូវ មានកិត្តិយសដែលត្រូវបានតែងតាំងធ្វើជាឯកអគ្គរដ្ឋទូតវៀតណាម ប្រចាំនៅកម្ពុជា ស្ថិតក្នុងបរិបទទំនាក់ទំនងមិត្តភាព និងសហប្រតិបត្តិការរវាងប្រទេសទាំងពីរដែលកំពុងអភិវឌ្ឍជាក់ស្តែង និងប្រកបដោយប្រសិទ្ធភាព ការជឿទុកចិត្តនយោបាយខ្លាំងឡើងពីមួយថ្ងៃទៅមួយថ្ងៃ ឆ្លងតាមរយៈសកម្មភាពដោះដូរគណៈប្រតិភូ និងជួបសំណេះសំណាលថ្នាក់កំពូល សបញ្ជាក់ពីថ្នាក់ដឹកនាំកំពូលនៃបក្សទាំងពីររបស់វៀតណាម និងកម្ពុជា បក្សទាំងបីរបស់វៀតណាម ឡាវ កម្ពុជា ដែលទើបរៀបចំជោគជ័យសន្និបាតនៅក្រុងហូជីមិញ។

ស្របក្នុងឱកាសនេះ ឯកអគ្គរដ្ឋទូត បានពិភាក្សា និងតម្រង់ទិសការងារធំៗជាច្រើន សំដៅបង្កើនជាងទៀតនូវទំនាក់ទំនងរវាងប្រទេសទាំងពីរលើគ្រប់វិស័យទូទាំងបក្ស រដ្ឋាភិបាលការទូតរដ្ឋសភា ការទូតប្រជាជន សហប្រតិបត្តិការប្រទេសទាំងពីរ ទាំងក្នុងបរិបទទ្វេភាគីនិងពហុភាគី ធ្វើជាមូលដ្ឋានគ្រឹះសម្រាប់ការផ្សព្វផ្សាយមានប្រសិទ្ធភាពនៃប្រទេសទាំងពីរលើគ្រប់វិស័យស៊ីជម្រៅជាក់ស្តែងនិងមានប្រសិទ្ធភាពពីមួយថ្ងៃទៅមួយថ្ងៃ ខិតខំនឹងឆាប់សម្រេចទិសដៅទំហំពាណិជ្ជកម្មទ្វេភាគីសម្រេច ២០ ពាន់លាន USD ក្នុងរយៈពេលខាងមុខ។

ប្រធានរដ្ឋសភាកម្ពុជា អបអរសាទររាល់ការតម្រង់ទិសជំរុញសហប្រតិបត្តិការរបស់ឯកអគ្គរដ្ឋទូត ង្វៀងមិញវ៉ូវ; ឯកភាពទ្វេភាគីដែលបានដាក់ចេញនូវកម្មវិធី ផែនការជាក់ស្តែងដើម្បីផ្សព្វផ្សាយ អនុវត្តនូវកិច្ចព្រមព្រៀងថ្នាក់កំពូល ក្នុងនោះ រួមមានកិច្ចព្រមព្រៀងសម្រេចបានក្នុងសន្និបាតថ្នាក់កំពូលរវាងបក្សទាំងពីររបស់វៀតណាមនិងកម្ពុជា ក៏ដូចជាបក្សទាំងបីរបស់វៀតណាម ឡាវ កម្ពុជា ប្រកបដោយលក្ខណៈគ្រប់ជ្រុងជ្រោយ ប្រសិទ្ធភាព ចាប់ពីមជ្ឈិមដល់ភូមិភាគ។

ប្រធានរដ្ឋសភា សម្ដេចមហារដ្ឋសភាធិការធិបតី ឃួន សុដារី វាយតម្លៃខ្ពស់ចំពោះការអភិវឌ្ឍខ្លាំងក្លាលើគ្រប់វិស័យរបស់វៀតណាមក្នុងរយៈពេលកន្លង ក្នុងនោះ មានការកែទម្រង់ រៀបចំ សម្រិតសម្រាំងក្បាលម៉ាស៊ីនក្នុងប្រព័ន្ធនយោបាយរបស់វៀតណាម ដែលដឹកនាំដោយអគ្គលេខាបក្ស តូឡឹម; ជឿជាក់ថា កិច្ចការនេះរបស់វៀតណាមនឹងត្រូវបានអនុវត្តជោគជ័យ៕

យោង៖ កាសែតប្រជាជន - លីសៀ

ចែករំលែកអត្ថបទ

ពាក្យគន្លឹះ