គោលនយោបាយ -ការរស់នៅ ការរស់នៅ

03/03/2025 - 15:05

យ៉ុងរៀង អនុវត្តល្អគោលនយោបាយជនជាតិ

លោកង្វៀងវៀតណាមង៉ី អនុប្រធានការិយាល័យក្រុមប្រឹក្សាប្រជាជននិងគណៈកម្មាធិការប្រជាជនស្រុកយ៉ុងរៀង ខេត្តគៀងយ៉ាង ឱ្យដឹង៖ “អាស្រ័យភូមិភាគអនុវត្តល្អនូវការផ្គួបបញ្ចូលគោលនយោបាយ កម្មវិធី គម្រោង និងកៀរគរប្រភពកម្លាំងជាច្រើន ដូច្នេះ ទើបជំរុញរហ័សការអភិវឌ្ឍសេដ្ឋកិច្ច-សង្គមនៅតំបន់ជនរួមជាតិខ្មែរលើភូមិសាស្ត្រខេត្ត”។

ហេដ្ឋារចនាសម្ព័ន្ធផ្លូវគមនាគមន៍ត្រូវបានកសាងរួចរាល់ ជាមូលដ្ឋាគ្រឹះ
សម្រាប់ប្រជាជនអភិវឌ្ឍសេដ្ឋកិច្ច លើកកម្ពស់ជីវភាពគ្រួសារ។

តាមរយៈនោះ ស្រុកបានផ្តុំកម្លាំងសម្រាប់ការបណ្តុះបណ្តាលវិជ្ជាជីវៈ ដោះស្រាយការងារធ្វើនិងកាត់បន្ថយភាពក្រីក្រនៅតំបន់ជនរួមជាតិភាគតិច។ ដោយសារភូមិភាគនីមួយៗមានការជិតដិតនឹងមូលដ្ឋាន ស្វែងយល់ពីតម្រូវការនៃបណ្តាគ្រួសារ ម៉្លោះហើយ មានការឧបត្ថម្ភចំទិសដៅ។ ផ្តើមពីនោះ ពង្រីកប្រភពទុន កសាងទម្រង់សមស្របដើម្បីអភិវឌ្ឍសេដ្ឋកិច្ចគ្រួសារ។ បងស្រីលីធីម៉ុយ នៅទីប្រជុំជនយ៉ុងរៀង ឱ្យដឹង៖ “ផ្តើមពីប្រភពទុនឧបត្ថម្ភរបស់រដ្ឋ ប្តីប្រពន្ធខ្ញុំបានរៀនធ្វើនំប៉ាវ ហើយលក់នៅឯផ្សារ។ ឥឡូវ នាងខ្ញុំក៏ធ្វើបោះឱ្យម៉ូយបន្ថែមនៅផ្សារបាងថាច់ និងផ្សារបាងតឹងឌិញ។ មានការងារធ្វើរកបានប្រាក់ចំណូលប្រចាំថ្ងៃ ដូច្នេះ គ្រួសារខ្ញុំមានជីវភាពលំនឹង ចិញ្ចឹមកូនរៀនសូត្របានត្រឹមត្រូវ”។ ផ្តើមពីប្រភពទុនឧបត្ថម្ភ មានគ្រួសារខ្លះបានវិនិយោគទៅលើការលក់ដូរ ខ្លះកែប្រែចម្ការចាស់ ពង្រីកចម្ការម្នាស់ ខ្លះទៀតទិញម៉ូតូសម្រាប់ដឹកទំនិញផ្សេងៗទៅលក់។ល។ អាស្រ័យយកចិត្តទុកដាក់ធ្វើការរកស៊ី គ្រួសារក្រីក្រក្នុងតំបន់ជនរួមជាតិភាគតិចនៅយ៉ុងរៀង បានថយចុះនៅ ២,៣៤% (ឆ្នាំ ២០១៩ គឺ៤,៤៦%)។

លោកណាមង៉ី ផ្តល់ព័ត៌មានបន្ថែម៖ ការងារអប់រំ លើកកម្ពស់កម្រិតប្រជាបញ្ញាក្នុងជនរួមជាតិភាគតិច ក៏បានគណៈកម្មាធិការបក្សនិងរដ្ឋអំណាចគ្រប់លំដាប់ថ្នាក់ផ្តោតការយកចិត្តទុកដាក់អនុវត្ត មានដូច៖ គោលនយោបាយលើកលែង កាត់បន្ថយថ្លៃសិក្សានៅគ្រប់កម្រិតសិក្សា គោលនយោបាយជម្រើសសិស្ស ឧបត្ថម្ភសិក្ខូបករណ៍ វិនិយោគធ្វើឱ្យសុក្រឹតសាលាជនជាតិអន្តេវាសិក។ល។ ហេតុនេះ គុណភាពបង្រៀននៅតំបន់ជនរួមជាតិភាគតិចត្រូវបានលើកកម្ពស់ អត្រាកៀរគរកុមារចូលរៀនសម្រេចតាមភាគកម្រិតជារៀងរាល់ឆ្នាំ។ ពិសេស គឺភូមិភាគនានាតែងយកចិត្តទុកដាក់ឧបត្ថម្ភដល់ការបង្រៀនអក្សរខ្មែរនៅតាមសាលានិងវត្តអារាម ដែលមានកូនចៅជនរួមជាតិខ្មែររស់នៅកុះករ ម៉្លោះហើយ ក្រៅពីម៉ោងរៀននៅតាមសាលារដូវវិស្សមកាលប្អូនៗតែងឆ្លៀតទៅរៀនអក្សរខ្មែរនៅតាមវត្តលើភូមិសាស្ត្រ។ លោកយ័ញភឿង នាយកសាលាអនុវិទ្យាល័យជនជាតិអន្តេវាសិកស្រុកយ៉ុងរៀង ឱ្យដឹង៖ “សាលាបច្ចុប្បន្នមានបន្ទប់រៀន៨បន្ទប់ សម្រាប់សិស្សសិក្សា (ថ្នាក់នីមួយៗមាន ២ បន្ទប់ ក្នុងមួយបន្ទប់មានសិស្ស ៣៥ នាក់ កម្មវិធីសិក្សា រៀបចំបង្រៀនមួយថ្ងៃ ២ ពេល)។ សាលាមានបន្ទប់កុំព្យូទ័រ ១ បន្ទប់ មានម៉ាស៊ីនកុំព្យូទ័រ ៣៦ គ្រឿងសម្រាប់ដំណើរការបង្រៀននិងរៀនវិញ្ញាសាព័ត៌មានវិទ្យានិងមានបន្ទប់អនុវត្តចំនួន ២ (ជីវវិទ្យា - គិមីវិទ្យានិងរូបវិទ្យា - បច្ចេកវិទ្យា)។ មណ្ឌលអន្តេវាសិកដ្ឋានមាន ២២ បន្ទប់សម្រាប់សិស្សស្នាក់នៅក្នុងបន្ទប់នីមួយៗ មានបន្ទប់ទឹកនិងបន្ទប់អនាម័យដោយឡែក មានអាហារដ្ឋាន ១ ខ្នងសម្រាប់ផ្គត់ផ្គង់អាហារ ៣ ពេលក្នុងមួយថ្ងៃដល់សិស្ស។ ជាពិសេស សាលាថែមទាំងមានអគារពហុមុខងារ ដើម្បីប្អូនៗហាត់ប្រាណលត់ដំសុខភាព”៕

ហាថាញ-ប្រែសម្រួល៖ មុនី

ចែករំលែកអត្ថបទ

ពាក្យគន្លឹះ