សន្តិសុខ - ការពារប្រទេស ការពារប្រទេស

24/02/2025 - 14:28

ដើម្បីភាពសុខសាន្តរបស់ប្រជាជននៅតាមតំបន់ព្រំដែនសមុទ្រ

ឈរជើងនៅស្រុកត្រឹងដេ ខេត្តសុកត្រាំង ប៉ុស្តិ៍ការពារព្រំដែនទ្រុងប៊ិញ តែងបំពេញបានល្អការងារការពារអធិបតេយ្យតំបន់ព្រំដែនសមុទ្ររឹងមាំ។

ថ្នាក់ដឹកនាំកងទ័ពការពារព្រំដែនខេត្ត ជូនលិខិតសរសើរដល់សមូហភាពនិងបុគ្គលដែលមានស្នាដៃឆ្នើមក្នុងការតស៊ូបង្ក្រាបគ្រឿងញៀននិងបទល្មើសគ្រប់ប្រភេទក្នុងឆ្នាំ ២០២៤។

តាមប្រសាសន៍លោកវរសេនីយ៍ត្រី ហ៊ូឡេវៀតង្វាង ស្នងការនយោបាយប៉ុស្តិ៍ការពារព្រំដែនទ្រុងប៊ិញ គណៈបញ្ជាការប៉ុស្តិ៍ការពារព្រំដែនទ្រុងប៊ិញ បានចង្អុលការដល់កម្មាភិបាល យុទ្ធជនចុះទៅភូមិនានាដើម្បីធ្វើការឃោសនា ចលនាប្រជាជនបង្កើនការយល់ដឹង មានស្មារតីភ្ញាក់រលឹកគោរពច្បាប់រដ្ឋ និងម្ចាស់ការក្នុងការប្រយុទ្ធប្រឆាំង បរិហារបទល្មើសគ្រប់ប្រភេទ។ អាស្រ័យហេតុនេះ ប្រជាជនកាន់តែមានទំនុកចិត្តនិងមានសុឆន្ទៈក្នុងការផ្តល់ព័ត៌មានដ៏មានតម្លៃ ជួយឱ្យអង្គភាពអនុវត្តជោគជ័យនូវការងារតស៊ូ បង្ការបង្ក្រាបបទល្មើសគ្រប់ប្រភេទ។ មិនទុកឱ្យកើតមានបញ្ហាស្មុគស្មាញខាងសន្តិសុខសណ្តាប់ធ្នាប់នៅលើភូមិសាស្រ្ត។

ជូនអំណោយដល់គ្រួសារក្រីក្រក្នុងកម្មវិធី “និទាឃរដូវការពារព្រំដែនកក់ក្តៅ
ទឹកចិត្តប្រជាជន” ឆ្នាំ ២០២៥។

ក្នុងឆ្នាំ ២០២៤ អង្គភាពបានចាប់ខ្លួន ចាត់វិធានការលើមុខសញ្ញា ២៣/៧៤ នាក់ និងអង្គការ ១ ក្នុងនោះ ចេញដីកាកាត់ទោសព្រហ្មទណ្ឌ ០៨ ករណី ចំពោះមុខសញ្ញា ១០ នាក់ ពីបទរក្សាទុក និងប្រើប្រាស់សារធាតុញៀនខុសច្បាប់ ដកហូតវត្ថុតាង មេតំហ្វេតាមីន ២២,២៧៤៥ក្រាម។ សម្រេចចេញដីកាពិន័យរដ្ឋបាលជាទឹកប្រាក់ចំនួន ១៥៥ លានដុង និងរឹបអូសវត្ថុតាងពាក់ព័ន្ធជាច្រើន; ធ្វើសេនាធិការជូនគណៈកម្មាធិការប្រជាជនស្រុក ចេញសេចក្តីសម្រេចផាកពិន័យរដ្ឋបាល ៦ ករណី មានមុខសញ្ញា ៦ នាក់ ដោយទឹកប្រាក់ជាង ១២៦ លានដុង។ ទន្ទឹមនឹងនោះ អង្គភាពបានសហការដើរល្បាត និងត្រួតពិនិត្យយ៉ាងតឹងរ៉ឹងចំពោះមនុស្សនិងទូកកប៉ាល់ដែលចេញចូលកំពង់ផែនិងសកម្មភាពលើផ្ទៃសមុទ្រ ដើម្បីធានាត្រឹមត្រូវតាមបែបបទនីតិវិធី។ នៅឆ្នាំ ២០២៤ អង្គភាពក៏បានរៀបចំដើរល្បាតឯករាជ្យចំនួន ៦០ លើក ដោយមានសមមិត្តចូលរួម ៤៥០ នាក់ លើប្រវែងផ្លូវ ៧៨០ គីឡូម៉ែត្រ។ ត្រួតពិនិត្យនិងគ្រប់គ្រងកប៉ាល់នេសាទ ៥.៣៩២ គ្រឿង មនុស្ស ២៧.៤៥៤នាក់។ល។ សហការជាមួយបញ្ជាការដ្ឋានយោធាស្រុក នគរបាលស្រុក និងសាខានាយកដ្ឋានជលផលខេត្ត ធ្វើការផ្សព្វផ្សាយពីខ្លឹមសារដែលពាក់ព័ន្ធនឹងការទប់ស្កាត់និងប្រយុទ្ធ ប្រឆាំងនឹងការនេសាទ IUU ។ ក្នុងនោះ ផ្តោតលើការឃោសនាពីទង្វើបំពានលើការនេសាទ IUU ចំនួន ១២ ចំណុច ណែនាំម្ចាស់កប៉ាល់ ប្រធាននាវិកនិងអ្នកនេសាទពីកម្មវិធីគ្រប់គ្រងកប៉ាល់នេសាទ។ មកដល់បច្ចុប្បន្ន កប៉ាល់នេសាទទាំង ១០០% នៅស្រុកត្រឹងដេ ដែលមានប្រវែងពី ១៥ ម៉ែត្រឡើងទៅសុទ្ធតែបានដំឡើងឧបករណ៍ត្រួតពិនិត្យដំណើរការ។

លោកវរសេនីយ៍ត្រី ហ៊ូឡេវៀតង្វាង បានអំណះអំណាង៖ “កម្មាភិបាល យុទ្ធជនប៉ុស្តិ៍ការពារព្រំដែនទ្រុងប៊ិញ បានកសាងទំនាក់ទំនងជិតស្និទ្ធ រវាងកងទ័ពនិងប្រជាជននៅតំបន់ព្រំដែនសមុទ្រ និងជំហរយុទ្ធសាស្រ្តការពារព្រំដែនទូទាំងប្រជាជនត្រូវបានពង្រឹងរួមចំណែកការពាររឹងមាំ អធិបតេយ្យបូរណភាពទឹកដី និងសន្តិសុខព្រំដែនជាតិ”៕

យ៉ីអាញ - សុផន

ចែករំលែកអត្ថបទ

ពាក្យគន្លឹះ