គោលនយោបាយ -ការរស់នៅ គោលនយោបាយ

17/02/2025 - 15:38

អាងយ៉ាង

ពង្រីកប្រសិទ្ធភាពកម្មវិធីទិសដៅជាតិអភិវឌ្ឍន៍សេដ្ឋកិច្ច-សង្គមនៅតំបន់ជនរួមជាតិភាគតិច

តាមគណៈកម្មាធិការប្រជាជនខេត្តអាងយ៉ាង លទ្ធផលអនុវត្តកម្មវិធីទិសដៅជាតិអភិវឌ្ឍន៍សេដ្ឋកិច្ច-សង្គមនៅតំបន់ជនរួមជាតិភាគតិចនិងតំបន់ភ្នំ ដំណាក់កាល២០២១-២០៣០ (ហៅកាត់ថា កម្មវិធី) នៅលើភូមិសាស្រ្តខេត្ត គឺល្អបង្គួរ។ ផ្តើមពីនោះ រួមចំណែកលើកកម្ពស់ជីវភាពរបស់ប្រជាជន បំផុតគឺនៅតំបន់ជនរួមជាតិភាគតិចតំបន់ភ្នំនិងតំបន់ព្រំដែន។

ហេដ្ឋារចនាសម្ព័ន្ធគមនាគមនាគមន៍ជនបទនៅខេត្តអាងយ៉ាង ពីមួយថ្ងៃទៅមួយថ្ងៃកាន់តែសុក្រឹត រួមចំណែកដល់ការអភិវឌ្ឍន៍សេដ្ឋកិច្ច-សង្គមនៅតំបន់ជនជាតិភាគតិច។

តាមប្រសាសន៍លោក ឡេតឹងភឿក អនុប្រធានគណៈកម្មាធិការប្រជាជនខេត្តអាងយ៉ាង កម្មវិធីគឺជាគោលការណ៍ដ៏ត្រឹមត្រូវ ដើម្បីដោះស្រាយនូវបញ្ហាអភិវឌ្ឍន៍សេដ្ឋកិច្ច-សង្គមនៅភូមិភាគនិងប្រមូលផ្តុំបានប្រភពធនធាន ជម្នះបានភាពរាយប៉ាយ និងបង្កលក្ខណៈដើម្បីរៀបចំកម្មវិធីឱ្យមានប្រសិទ្ធភាព។ ការងារផ្សព្វផ្សាយកម្មវិធី ការងារគ្រប់គ្រង និងដំណើរការកម្មវិធីបានអនុវត្តឯកភាពព្រមៗគ្នាពីខេត្តរហូតដល់ស្រុក ឃុំ។ ក្បាលម៉ាស៊ីនគ្រប់គ្រងបានសុក្រឹត សកម្មភាពមានរបៀបរៀបរយល្អ មានការបែងចែក សហការគ្នាស្អិតល្មួតក្នុងកិច្ចចង្អុលការ ប្រតិបត្តិការ និងចាត់តាំងអនុវត្ត។ល។ អាស្រ័យហេតុនោះ ស្ថានភាពសេដ្ឋកិច្ច - សង្គម នៅតំបន់ជនជាតិនិងតំបន់ភ្នំ មានការវិវឌ្ឍយ៉ាងប្រចក្ស មានជំហានអភិវឌ្ឍន៍ជឿនលឿន ជីវភាពជនរួមជាតិភាគតិចនៅតំបន់ជាច្រើនបានលើកកម្ពស់។ ពិសេស សំណង់ទាំងឡាយបានសម្រេចរួចរាល់ដាក់ឱ្យប្រើប្រាស់ធានាគុណភាព បំផុតគឺសំណង់ផ្លូវគមនាគមន៍ បានជំរុញយ៉ាងមានប្រសិទ្ធភាពក្នុងការអភិវឌ្ឍផលិតកម្ម អាជីវកម្ម សេវាកម្ម ចរាចរទំនិញ អភិវឌ្ឍន៍សេដ្ឋកិច្ច និងបង្កើនប្រាក់ចំណូលជូនប្រជាជន បំផុតគឺនៅតំបន់ជនរួមជាតិភាគតិច។ អាស្រ័យហេតុនោះ ហេដ្ឋារចនាសម្ព័ន្ធសំខាន់ៗនៅលើភូមិសាស្រ្តសន្សឹមៗ បានសុក្រឹត ឆ្លើយតបនឹងតម្រូវការផលិតកម្ម និងជីវភាព; លើកកម្ពស់គុណភាពជីវភាព បរិស្ថានធម្មជាតិ បរិស្ថានរស់នៅជូនប្រជាជន; ធានាសន្តិសុខការពារជាតិ និងសណ្តាប់ធ្នាប់សុវត្ថិភាពសង្គម។

មកទល់ពេលនេះ ខេត្តអាងយ៉ាងបានអនុវត្តសម្រេច ១០០% ចំនួនឃុំមានផ្លូវក្រាលកៅស៊ូនិងផ្លូវបេតុងចូលដល់មជ្ឈមណ្ឌលឃុំ អនុសង្កាត់ និងភូមិ; ឃុំទាំង ១០០% មានដំណាក់សុខាភិបាល សំណង់ធារាសាស្រ្ត ស្ថានីយផ្សាយសំឡេង បណ្តាញអគ្គិសនីជាតិ ឬអគ្គិសនីជនបទ

(គ្រួសារទាំងអស់មានអគ្គិសនីប្រើប្រាស់) ចំនួនគ្រួសារមានទឹកស្អាតប្រើប្រាស់ស្របអនាម័យពីមួយថ្ងៃទៅមួយថ្ងៃកាន់តែកើនឡើងសម្រេច ៩៨% ។

លោកឡេតឹងភឿក គូសបញ្ជាក់៖ ពិនិត្យជារួម លទ្ធផលអនុវត្តកម្មវិធីគឺបានល្អបង្គួរ រួមចំណែកលើកកម្ពស់ជីវភាពរបស់ប្រជាជន បំផុតគឺតំបន់ជនរួមជាតិភាគតិច តំបន់ភ្នំនិងតំបន់ព្រំដែន។ ថ្វីដ្បិតដូច្នេះក្តី ដោយសារកម្មវិធីថ្មី ហេតុនោះដំណាក់កាលអនុវត្តដំបូងនៅជួបការលំបាក ការណែនាំអនុវត្តរបស់ក្រសួង ផ្នែកមជ្ឈិមដែលពាក់ព័ន្ធនៅយឺតយ៉ាវ ពេលខ្លះនៅខ្វះចន្លោះនិងផ្គងគ្នា; ការត្រៀមវិនិយោគរបស់ភូមិភាគមួយចំនួននៅយឺតយ៉ាវ ហេតុនោះសម្ទុះរំសាយថវិកាមិនទាន់សម្រេចតាមតម្រូវការដាក់ចេញ។ ព្រោះហេតុនេះ ពេលខាងមុខ គណៈកម្មាធិការបក្សនិងអង្គការបក្សគ្រប់លំដាប់ថ្នាក់ បន្តបញ្ជ្រាបស៊ីជម្រៅនូវទស្សនៈ គោលនយោបាយ និងលើកកម្ពស់ការយល់ដឹងអំពីការងារជនជាតិរបស់បក្សក្នុងស្ថានភាពថ្មី។ ខេត្តនឹងផ្តុំកម្លាំង ហើយរៀបចំប្រភពធនធានចាត់តាំងផ្សព្វផ្សាយអនុវត្តកម្មវិធីឱ្យបានគ្រប់គ្រាន់ទាន់ពេល និងមានប្រសិទ្ធភាព៕

ថាញឡុង-វិមាន

ចែករំលែកអត្ថបទ

ពាក្យគន្លឹះ