មហាសាមគ្គីជនជាតិ ភូមិស្រុកផ្លាស់ថ្មី

03/02/2025 - 15:53

ក្រុមនិស្សិតច្នៃប្រតិដ្ឋ "ដ្រូនជំនួយកុមារអូទីស្សឹម"

ក្នុងពិធីប្រឡងនិស្សិតស្រាវជ្រាវវិទ្យាសាស្រ្ត - Euréka ឆ្នាំ២០២៤ ផលិតផល “ដ្រូនជំនួយកុមារអូទីស្សឹម” របស់ក្រុមនិស្សិតមហាវិទ្យាល័យបច្ចេកទេស-បច្ចេកវិទ្យាកឹងធើ ពានរង្វាន់លើកទឹកចិត្ត Euréka ឆ្នាំ២០២៤។

ក្រុមនិស្សិតនិងកម្មាភិបាលណែនាំ ក្នុងពិធីប្រឡងនិស្សិតស្រាវជ្រាវវិទ្យាសាស្រ្ត- Euréka ឆ្នាំ២០២៤។

“ដ្រូនជំនួយកុមារអូទីស្សឹម” របស់ក្រុមសិក្សាស្រាវជ្រាវរួមមាននិស្សិត៥នាក់ មកពីមហាវិទ្យាល័យ បច្ចេកវិទ្យាបច្ចេកទេសបញ្ជានិងស្វ័យប្រវត្តិកម្ម (ផ្នែកវិស្វកម្មមេកានិក មហាវិទ្យាល័យបច្ចេកទេស - បច្ចេកវិទ្យាកឹងធើ) រួមមាន៖ លីភីញ៉ាង ឡេអាញខ្វា ង្វៀងវ៉ាន់ម៉េន ឡេធីប៉ាវត្រឹម យឿងធីអៀងស្វឹង។

ឡេអាញខ្វា ឱ្យដឹង៖ ផ្ដើមចេញពីគំនិតនៃអត្ថបទកាសែត ក្រុមបានអនុវត្តគម្រោងនេះ។ ផលិតផលរបស់ក្រុម ត្រូវបានអនុវត្តនៅលើកុំព្យូទ័រនិងទូរស័ព្ទដោយប្រើប្រព័ន្ធប្រតិបត្តិការ Android ដែលអនុញ្ញាតឱ្យអ្នកប្រើប្រាស់គ្រប់គ្រងការបញ្ជាការហោះហើររបស់ដ្រូន ឆ្លងតាមរយៈសំឡេងនិយាយរួមមានពាក្យមួយព្យាង្គ ពាក្យច្រើនព្យាង្គ ឬឃ្លាពេញលេញ។ កម្មវិធីបានប្រើប្រាស់ការវិនិច្ឆ័យរូបភាពដើម្បីកំណត់អត្តសញ្ញាណ ឆ្លើយតបក្នុងវេលាជាក់លាក់និងការបញ្ជាដ្រូនឆ្លងតាមរយៈលំហាត់តុល្យភាព រក្សាតុល្យភាពដោយជើងម្ខាង។ល។

ក្រុមនិស្សិតកំពុងបញ្ជាឧបករណ៍ដ្រូនជំនួយកុមារអូទីស្សឹម។

យោងតាម លីភីញ៉ាង ផលិតផលបានរចនាឡើងដើម្បីឧបត្ថម្ភការអភិវឌ្ឍប្រព័ន្ធបញ្ជាការ ធ្វើការកំណត់អត្តសញ្ញាណនិងវិភាគចលនារបស់កុមារអូទីស្សឹម ឆ្លងតាមរយៈបច្ចេកវិទ្យាវិនិច្ឆ័យរូបភាពនិងបញ្ញាសិប្បនិម្មិត។ គោលដៅចម្បងគឺដើម្បីបង្កើតឧបករណ៍ងាយប្រើប្រាស់ ជាក់លាក់ និងជិតស្និទ្ធ ជួយឱ្យអាណាព្យាបាលសិស្សនិងអ្នកជំនាញការអាចតាមដាន វាយតម្លៃ និងជំនួយកុមារកែលម្អសមត្ថភាពចលនា តុល្យភាព និងអន្តរកម្ម។ ចំណុចប្រទាក់ជិតស្និទ្ធនិងងាយប្រើប្រាស់ ជួយឱ្យការតាមដានស្រួលសូម្បីតែអ្នកមិនជំនាញក៏អាចប្រើប្រាស់បាន។ ផលិតផល ផ្ដល់រូបភាពឈ្លាសវៃ អនុញ្ញាតឱ្យអាណាព្យាបាលសិស្សនិងអ្នកជំនាញការផ្លាសប្តូរវិធីមើល សមស្របនឹងតម្រូវការនិងបរិស្ថានរបស់កុមារ។

ការស្រាវជ្រាវលើវិស័យកុមារដែលមានជំងឺអូទីស្សឹម ជាបធានបទថ្មីបង្គួរ។ ដើម្បីអនុវត្តផលិតផលប្រកបដោយប្រសិទ្ធភាព ទន្ទឹមនឹងចំណេះដឹងឯកទេស សមាជិកម្នាក់ៗរបស់ក្រុមតែងសិក្សាដោយខ្លួនឯង និងរកអានបន្ថែមដោយខ្លួនឯងនូវប្រភពឯកសារជាច្រើន។ ភីញ៉ាង ឱ្យដឹងបន្ថែម៖ សមាជិកទាំង៥នាក់ មានចំណុចខ្លាំងផ្សេងគ្នា ហើយទទួលភារកិច្ចដោយឡែកៗពីគ្នា។ ក្នុងនាមជាប្រធានក្រុម ភីញ៉ាង គឺជាអ្នកទទួលបន្ទុករួម។ សមាជិកក្រៅពីនោះ គឺទទួលបន្ទុករចនាប្រព័ន្ធដ្រូន ស្វែងយល់និងវិភាគអត្ថបទ ។ល។ “ប្រការដែលខ្ញុំចាប់អារម្មណ៍បំផុតអំពីផលិតផលគឺជំនួយគាំពារកុមារអូទីស្សឹម ឆាប់ស្ដារឡើងវិញនិងរួមរស់ក្នុងសហគមន៍” ភីញ៉ាង បានរ៉ាយរ៉ាប់ដូច្នោះ។

ផលិតផល “ដ្រូនជំនួយកុមារអូទីស្សឹម” មានលក្ខណៈអាចធ្វើទៅបាននិងអនុវត្តជាក់ស្ដែងល្អ។ បច្ចុប្បន្ន ផលិតផលពិសេសសម្រាប់ប្រជាជនវៀតណាមក្នុងវិស័យជំនួយកុមារអូទីស្សឹមគឺកម្រមានណាស់។ ព្រោះហេតុនោះ ការអនុវត្តផលិតផល ជួយដល់គ្រូបង្រៀននិងអ្នកជំនាញធ្វើការថែទាំកុមារអូទីស្សឹម អាចកែលម្អឡើងវិញនូវការរៀបចំសកម្មភាពនិងធានាសុវត្ថិភាពក្នុងដំណើរការបង្រៀននិងរៀន៕

ប៊ិចង៉ុក - ថាច់ធី

ចែករំលែកអត្ថបទ

ពាក្យគន្លឹះ