សុខភាព - អប់រំ សុខភាព

13/01/2025 - 16:02

ផឹកថ្នាំព្យាបាលជំងឺទឹកនោមផ្អែមដោយខ្លួនឯង- ប្រឈមនឹងគ្រោះថ្នាក់មិនអាចស្មាន

មិនតិចករណីអ្នកកើតជំងឺទឹកនោមផ្អែម បានបោះបង់ការព្យាបាលតាមវេជ្ជបញ្ជារបស់គ្រូពេទ្យ បែរមកផឹកថ្នាំស្រុក ថ្នាំបុរាណ បណ្តាលឱ្យជំងឺវិវត្តន៍ទៅផ្សេងៗ ពុំនោះសោតបណ្តាលឱ្យពុលគំរាម កំហែងដល់អាយុជីវិតក៏មាន។

វេជ្ជបណ្ឌិតពិនិត្យហ្មត់ចត់មុនពេលឱ្យអ្នកជំងឺចុះពីពេទ្យ។

អ្នកមីង N.T.L (អាយុ៦៦ឆ្នាំ នៅខេត្តវិញឡុង) បានកូនចៅប្រទះឃើញសន្លប់បាត់ស្មារតីក្នុងពេលកំពុងសម្រាន្ត ហើយប្រញាប់បញ្ជូនមកមន្ទីរពេទ្យពហុព្យាបាលហ្វាងមីគឺវឡុង សង្គ្រោះជាបន្ទាន់។ តាមព័ត៌មានពីគ្រួសារ អ្នកជំងឺមានប្រវត្តិជំងឺទឹកនោមផ្អែមប្រភេទ ២ រយៈពេលជិត ២០ ឆ្នាំមកហើយ ប៉ុន្តែការព្យាបាល មិនបានជាប់លាប់។ អ្នកជំងឺមិនអនុវត្តតាមវេជ្ជបញ្ជារបស់គ្រូពេទ្យ ប្ដូរមកផឹកថ្នាំស្រុក ឬថ្នាំបុរាណដោយខ្លួនឯង។

តាមរយៈការពិនិត្យនិងធ្វើតេស្តជាចាំបាច់ វេជ្ជបណ្ឌិតបានធ្វើរោគវិនិច្ឆ័យ ឃើញថាអ្នកមីង N.T.L ចុះខ្សោយសរសៃវិញ្ញាណ ទឹកនោមផ្អែម ផ្ទុកអាស៊ីត lactic ខ្សោយប្រព័ន្ធសរីរាង្គ គាំងបេះដូង ខូចតម្រងនោម រលាកសួត រោគសញ្ញា cushing មកពីថ្នាំនិងរលាកក្រពះជាដើម។ ក្រោយពីនោះ អ្នកជំងឺត្រូវបានពិគ្រោះជំងឺកម្រិត ២ និងប្រញាប់បញ្ជូនទៅផ្នែកប្រពោធនកម្ម និងប្រឆាំងជាតិពុលយ៉ាងសកម្ម ប៉ះប៉ូវទៅតាមគំនូសផែនទី គ្រប់គ្រងជាតិស្ករក្នុងឈាមដោយប្រើថ្នាំ អាំងស៊ុយលីន insulin តាមរយៈចាក់បញ្ចូលថ្នាំទៅក្នុងខ្លួន ដោយជំនួយសារធាតុ bicarbonat បង្កើនកម្លាំងតាមដានជាតិស្ករក្នុងឈាម ទឹកនោមនិងអគ្គិសនីវិភាគរៀងរាល់ម៉ោង។ ក្រោយពីរយៈពេល ៤ ថ្ងៃសម្រាកព្យាបាល អ្នកជំងឺដឹងខ្លួនឡើងវិញ បាត់ក្អួតចង្អោរ ហូបចុកបានមុខងារ ថ្លើមតម្រងនោម ជាតិស្ករក្នុងឈាមជាសន្សឹមៗ បានស្រួលឡើងវិញហើយបានបញ្ជូនទៅផ្នែកជំងឺក្នុងព្យាបាលជាបន្ត។ ក្រោយរយៈពេលមួយសប្តាហ៍សម្រាកព្យាបាល អ្នកជំងឺត្រូវបានឱ្យចុះពីពេទ្យនិងឱ្យមកពិនិត្យឡើងវិញតាមកាលកំណត់។

វេជ្ជបណ្ឌិតឯកទេសកម្រិត II ថាច់ធីផល្លា ឱ្យដឹង៖ រយៈពេលកន្លង ផ្នែកបានទទួលនិងព្យាបាលជាច្រើនករណីប្រហាក់ប្រហែលនឹងអ្នកមីង N.T.L. ចំពោះករណីដែលមានអាការៈប្រែប្រួលធ្ងន់ នាំទៅសង្គ្រោះយឺត អ្នកជំងឺត្រូវព្យាបាលដោយធ្វើការលាងឈាមជាបន្តបន្ទាប់ ឬក៏គ្រោះថ្នាក់ដល់អាយុជីវិតផងក៏មាន។

វេជ្ជបណ្ឌិតក៏បានផ្តែផ្តាំ៖ អ្នកជំងឺទឹកនោមផ្អែម គប្បីអនុវត្តតាមវេជ្ជបញ្ជានិងការណែនាំរបស់គ្រូពេទ្យអំពីការប្រើថ្នាំ ការហូបចុកនិងហាត់ប្រាណដើម្បីសម្រួលជាតិស្ករក្នុងឈាម ទប់ស្កាត់អាការៈជំងឺប្រែប្រួល ពិសេស អ្នកជំងឺវ័យចាស់ជាទូទៅកើតជំងឺទឹកនោមផ្អែម ព្រមទាំងជំងឺរុាំរ៉ៃផ្សេងៗទៀត ម្ល៉ោះហើយបង្កប់នូវហានិភ័យមានអាការៈប្រែប្រួលដោយសាជំងឺ និងការមិនគោរពតាមការព្យាបាល។ ជាពិសេស គឺអ្នកជំងឺមិនត្រូវប្រើប្រាស់ថ្នាំស្រុក ថ្នាំបុរាណដោយខ្លួនឯង ដែលមិនច្បាស់ប្រភពនោះឡើយ។ ក្នុងសង្គមតែងឮតៗថា មានមុខថ្នាំពីរុក្ខជាតិដែលមានប្រសិទ្ធភាពបញ្ចុះជាតិស្ករក្នុងឈាម។ ថ្វីដ្បិតដូច្នោះក្តី ប្រភេទរុក្ខជាតិទាំងនោះ មិនត្រឹមតែផ្ទុកសារធាតុព្យាបាលជំងឺប៉ុណ្ណោះទេ ថែមទាំងផ្ទុកសារធាតុលាយឡំ ឬជាតិពុលទៀតផង។ ផលិតផលរុក្ខជាតិឱសថដែលត្រូវបានច្នៃទៅជាថ្នាំ ត្រូវឆ្លងកាត់ច្រើនដំណាក់ការវិទ្យាសាស្ត្រស្រាវជ្រាវ ពិសោធន៍និងបច្ចេកវិទ្យាចម្រាញ់ទំនើប។ ការយកទាំងដើមមកធ្វើជាថ្នាំផឹក ធ្វើឱ្យថ្លើម តម្រងនោម ដំណើរការហួសកម្រិត យូរៗទៅបណ្ដាលឱ្យចុះខ្សោយមុខងារ។ ទន្ទឹមនឹងនោះ ឱសថបុរាណមួយចំនួនត្រូវបានស្ថាប័នមុខងារពិនិត្យវិភាគ គឺមានផ្ទុកសមាសធាតុហាមដូច សារធាតុ phenformin ជាប្រភេទសារធាតុមានប្រសិទ្ធភាពបញ្ចុះជាតិស្ករក្នុងឈាម ប៉ុន្តែមានផលរំខានជាច្រើន ពុំនោះសោតអាចបណ្តាលឱ្យស្លាប់ក៏មាន ត្រូវបានហាមប្រើប្រាស់ក្នុងប្រទេសជាច្រើន។ ចំពោះអ្នកជំងឺប្រើប្រាស់ឱសថបុរាណដែលមានផ្ទុកសមាសធាតុដូចខាងលើមួយរយៈពេល អាចនឹងបណ្តាលឱ្យមានអាការៈប្រែប្រួលធ្ងន់ធ្ងរ មានករណីជាច្រើនសង្គ្រោះមិនទាន់៕

អត្ថបទ រូប៖ ធូសឿង-ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ