សុខភាព - អប់រំ សុខភាព

16/12/2024 - 09:18

ហាត់ប្រាណ៥នាទីក្នុងមួយថ្ងៃ អាចគ្រប់គ្រងជំងឺសម្ពាធឈាមខ្ពស់

ក្នុងការស្រាវជ្រាវទើបប្រកាសជាសាធារណៈ ក្រុមអ្នកវិទ្យាសាស្ត្របានបញ្ជាក់ថាការធ្វើលំហាត់ប្រាណរយៈពេល៥នាទីរៀងរាល់ថ្ងៃ តួយ៉ាងដូចការដើរឡើងជម្រាលឬដើរឡើងកាំជណ្តើរ អាចជួយកែលម្អស្ថានភាពចំពោះអ្នកជំងឺសម្ពាធឈាមខ្ពស់។

រូបជាឧទាហរណ៍។

តាមប្រសាសន៍លោក Emmanuel Stamatakis - អ្នកស្រាវជ្រាវមកពីសាកលវិទ្យាល័យ Sydney (អូស្ត្រាលី) និងជាអ្នកសហស្រាវជ្រាវនៅសមិទ្ធកម្មដូចពោលខាងលើ ជំងឺសម្ពាធឈាមខ្ពស់គឺជាបញ្ហាមួយក្នុងចំណោមបញ្ហាសុខភាពដែលគួរឱ្យបារម្ភបំផុតលើពិភពលោក។ ថ្វីបើដូច្នោះ មិនដូចជាមូលហេតុចម្បងមួយចំនួនធ្វើឱ្យបាត់បង់ជីវិត ដោយសារជំងឺសសៃឈាមបេះដូង ស្ថានភាពជំងឺសម្ពាធឈាមខ្ពស់ ត្រូវបានដោះស្រាយដោយវិធានការមួយចំនួនយ៉ាងងាយស្រួលក្រៅពីការប្រើប្រាស់ថ្នាំ។ តាមប្រសាសន៍លោក Emmanuel Stamatakis លំហាត់ប្រាណត្រឹមតែ៥នាទីជារៀងរាល់ថ្ងៃ គួបផ្សំនឹងមេលំហាត់ប្រាណកម្រិតខ្ពស់ក្នុងរយៈពេលខ្លី ក៏អាចជួយគ្រប់គ្រងហានិភ័យជំងឺសម្ពាធឈាមខ្ពស់។

តាមការប៉ាន់ស្មានរបស់ក្រុមអ្នកស្រាវជ្រាវ ការធ្វើលំហាត់ប្រាណយ៉ាងហោចណាស់ ២០ នាទី ជារៀងរាល់ថ្ងៃ អាចជួយកាត់បន្ថយអត្រាជំងឺសរសៃឈាមបេះដូង២៨%។

លទ្ធផលនៃការស្រាវជ្រាវ គឺផ្អែកលើការវិភាគទិន្នន័យអ្នកស័្មគ្រចិត្តចូលរួមសកម្មភាពពិសោធន៍ជាង១៤.៧០០នាក់ ដើម្បីវាយតម្លៃពីការជាប់ទាក់ទងរវាងការហាត់ប្រាណនិងលទ្ធភាពគ្រប់គ្រងជំងឺសម្ពាធឈាមខ្ពស់។ ការស្រាវជ្រាវខាងលើស្ថិតក្នុងគម្រោងសហប្រតិបត្តិការអន្តរជាតិ មានឈ្មោះថា Prospective Physical Activity, Sitting and Sleep (ProPASS) Consortium” ដឹកនាំដោយសាកលវិទ្យាល័យ Sydney និងមហាវិទ្យាល័យគរុកោសល្យឡុងដ៍ (UCL-អង់គ្លេស)។

អង្គការសុខភាពពិភពលោក ប៉ាន់ស្មានថា លើពិភពលោកមានមនុស្សពេញវ័យ ១,២៨ ពាន់លាននាក់ក្នុងកម្រិតអាយុពី ៣០-៧៩ ឆ្នាំ មានជំងឺសម្ពាធឈាមខ្ពស់ ក្នុងនោះ មាន ៤៦% មិនដឹងថាខ្លួនមានជំងឺ។ សម្ពាធឈាមខ្ពស់បង្កជាសម្ពាធខ្លាំងដល់បេះដូងនិងជាមូលហេតុនៃអាការៈប្រែប្រួលជំងឺសរសៃឈាមបេះដូងដ៏ធ្ងន់ធ្ងរ មានដូច៖ ជំងឺដាច់សរសៃឈាមខួរក្បាល ជំងឺខ្សោយបេះដូង ជំងឺសរសៃឈាមបេះដូង ជំងឺគាំងឈាមបេះដូងជាដើម៕

ប្រភព៖ TTXVN - មុនី

ចែករំលែកអត្ថបទ

ពាក្យគន្លឹះ