មហាសាមគ្គីជនជាតិ ភូមិស្រុកផ្លាស់ថ្មី

28/10/2024 - 16:54

បង្កើនការថែទាំស្រូវរដូវសម្រក

តាមការវាយតម្លៃរបស់ផ្នែកជំនាញកសិកម្មខេត្តត្រាវិញ រដូវសម្រកឆ្នាំនេះ កសិករនៅស្រុកចូវថាញ់ ជួបនូវបញ្ហាលំបាកច្រើននៅដើមរដូវនេះ ដូចជា៖ ភ្លៀងអូសបន្លាយ ស្ថានភាពសត្វល្អិត ជំងឺមានការប្រែប្រួលយ៉ាងស្មុគស្មាញ។ ដើម្បីធានាបាននូវទិន្នផល ផ្នែកជំនាញបានផ្តល់អនុសាសន៍៖ កសិករគប្បីអនុវត្តល្អនូវវិទ្យាសាស្ត្របច្ចេកទេស និងមើលថែទាំស្រូវឱ្យបានទៀងទាត់ សំដៅប្រទះឃើញជំងឺបានទាន់ពេល ដើម្បីមានវិធានការទប់ស្កាត់។

កសិករនៅភូមិថាញ់ទ្រី A ឃុំដាឡុក កំពុងឆ្លូកស្រូវរដូវសម្រកឆ្នាំ២០២៤។

លោក ថាច់សឿន នៅភូមិថាញ់ទ្រីA ឃុំដាឡុក ដែលកំពុងថែទាំស្រូវ ០,៩ ហិកតា ឱ្យដឹង៖ “អាកាសធាតុឆ្នាំនេះមិនសូវអំណោយផល ភ្លៀងច្រើនតាំងពីដើមរដូវបន្តមិនចេះដាច់។ នេះក៏ជាលក្ខណៈងាយស្រួលសម្រាប់សត្វល្អិតនិងដង្កូវក្រាបំផ្លាញដំណាំស្រូវ។ ដើម្បីធានាស្រូវលូតលាស់ល្អនិងទទួលបានទិន្នផលខ្ពស់ ក្នុងអំឡុងពេលនេះ គ្រួសារខ្ញុំខិតខំមើលថែទាំស្រូវនិងបាចជីដើម្បីឱ្យស្រូវបែកគុម្ព។ ក្រៅពីបញ្ហាខាងលើ ខ្ញុំជ្រើសរើសពូជស្រូវគុណភាពខ្ពស់ OM ៥៤៥១ ព្រោះស្ដើងនិងប្រើប្រាស់ជីត្រឹមត្រូវតាមការណែនាំរបស់ផ្នែកជំនាញ”។

ផ្នែកជំនាញលើកទឹកចិត្តកសិករឱ្យអនុវត្តទម្រង់ស្ទូងស្រូវរដូវសម្រក
ដើម្បីកាត់បន្ថយជំងឺ។

លោកថាច់រី នៅភូមិថាញ់ទ្រី B ឃុំដាឡុក ឱ្យដឹង៖ “ប្រសិនបើស្រែមានដង្កូវមូរស្លឹកនិងមមាចត្នោតច្រើន ទិន្នផលនឹងថយចុះ។ ក្រៅពីមមាចត្នោត មានបញ្ហាផ្សេងទៀត ដូចជា៖ ពីងពាងក្រហម ជំងឺរលាកស្លឹក គួបផ្សំនឹងការផ្ទុកមេរោគនិងជំងឺស្កក នេះគឺជាបញ្ហារោគរាតត្បាតដែលប៉ះពាល់ខ្លាំងដល់ទិន្នផលស្រូវរបស់កសិករ ក្នុងរដូវសម្រកឆ្នាំនេះ ត្រូវបានព្យាករណ៍ថានឹងមានផលលំបាក គ្រួសារខ្ញុំខិតខំមើលថែទាំដើម្បីទទួលបានទិន្នផលខ្ពស់”។

យោងតាមផែនការស្រូវរដូវសម្រក ស្រុកចូវថាញ់ ចុះពូជប្រមាណ ១៤.២៦០ ហិកតា ស្រូវកំពុងស្ថិតក្នុងដំណាក់កាលបែកគុម្ពនិងលូតលាស់ល្អ។ កន្លងហើយ ដោយសារភ្លៀងខ្លាំង ដំណាំស្រូវជាង ១.៦០០ ហិកតា ត្រូវបានជន់លិច ស្រុកចូវថាញ់ បានចង្អុលការសហគ្រាស ធារាសាស្ត្រកសិកម្មស្រុក ផ្ដុំកម្លាំងលើការគ្រប់គ្រងទឹកដើម្បីបម្រើដល់ការផលិតស្រូវ និងជីវភាពរបស់ប្រជាជនលើភូមិសាស្ត្រ។

លោកត្រឿងគិញហ្វា ប្រធានមន្ទីរកសិកម្ម និងអភិវឌ្ឍន៍ជនបទស្រុកចូវថាញ់ ឱ្យដឹង៖ “ដើម្បីម្ចាស់ការក្នុងការថែទាំនិងបង្ការសត្វល្អិត កាត់បន្ថយសត្វល្អិតបំផ្លាញ បំផុតគឺប្រភេទជំងឺ ដូចជា ដង្កូវក្រា ដង្កូវមូរស្លឹក ជំងឺរលាកស្លឹកស្រូវ រដូវសម្រកឆ្នាំ២០២៤។ មន្ទីរចង្អុលការដល់កម្មាភិបាលកសិកម្ម ណែនាំកសិករមើលស្រែជាប្រចាំ ដើម្បីពិនិត្យនិងប្រទះឃើញជំងឺបានទាន់ពេល និងបង្ការកុំឱ្យរីករាលដាលពាសពេញ។ ចង្អុលការផ្នែកជំនាញគ្រប់គ្រងទឹកឱ្យបានត្រឹម ត្រូវតាមតំបន់នីមួយៗ និងផ្ដល់អនុសាសន៍ដល់កសិករ បាចជីត្រឹមត្រូវដើម្បីឱ្យស្រូវលូតលាស់ល្អ។ កសិករអនុវត្តវិធីសាបព្រោះជួរតាមវិធាន “៣បន្ថយ ៣ កំណើន” “ ១ ត្រូវ ៥ កាត់បន្ថយ” ព្រោះរង្វើលឬស្ទូងកសិករចុះពិនិត្យស្រែជាប្រចាំ ដើម្បីប្រទះឃើញដង្កូវ និងជំងឺបានទាន់ពេលដើម្បីមានវិធានការបង្ការនិងគ្រប់គ្រងជំងឺមានប្រសិទ្ធភាព”៕

សើុងម៉ាល័យ-មេងលី

ចែករំលែកអត្ថបទ

ពាក្យគន្លឹះ