មហាសាមគ្គីជនជាតិ គំរូក្នុងសហគមន៍

02/09/2024 - 09:14

គ្រួសារទាំងមូលរួមគ្នាឈានឡើង

ដោយយល់ថា គ្រួសារគឺជាកោសិកាសង្គម កាលណាកោសិកាល្អគឺរួមចំណែកធ្វើឱ្យសង្គមល្អ ផ្ដើមពីនោះ សមាជិកក្នុងគ្រួសារវរសេនីយ៍ឯកបម្រុង ក្វាច់មិញល្វឹង (ជនជាតិខ្មែរ) អនុប្រធានការិយាល័យសន្ដិសុខលើផ្ទៃប្រទេស នគរបាលខេត្តកាម៉ាវ តែងមានស្មារតីអនុវត្តសម្រេចភារកិច្ចក្នុងការងាររៀនសូត្រ រួមគ្នាកសាងគ្រួសារជឿនលឿន សុភមង្គល។

សមាជិកក្នុងគ្រួសារបងក្វាច់មិញល្វឹង សុទ្ធតែខិតខំប្រឹងប្រែងសម្រេចស្នាដៃល្អក្នុងការងាររៀនសូត្រ និងកសាងគ្រួសារសុភមង្គល។

ចូលបម្រើការងារចាប់តាំងពីឆ្នាំ ២០០១ មកទល់បច្ចុប្បន្ន បងល្វឹង បានផ្ដល់ទំនុកចិត្តកាន់តំណែងជាអនុប្រធានការិយាល័យសន្ដិសុខលើផ្ទៃប្រទេស នគរបាលខេត្ត។ ក្នុងមុខតំណែងតួនាទីរបស់ខ្លួន បងល្វឹង បានរួមជាមួយនឹងសមូហភាពក្នុងការិយាល័យ ម្ចាស់ការ សកម្ម ក្ដាប់ស្ថានភាព ធ្វើសេនាធិការជូនប្រចាំការនៃគណៈកម្មាធិការបក្ស ថ្នាក់ដឹកនាំនគរបាលខេត្ត ចង្អុលការនិងអនុវត្តរាល់វិធានការ ដើម្បីម្ចាស់ការបង្ការ ប្រទះឃើញ តស៊ូប្រឆាំងឧបាយកល សកម្មភាពបំផ្លិចបំផ្លាញរបស់មុខសញ្ញាប្រតិកិរិយា ភេរវកម្មនៅភូមិភាគ ធានាសន្ដិសុខសាសនា សន្ដិសុខសង្គម (ការជំទាស់ ប្ដឹងតវ៉ា ចំណុចក្ដៅ ផ្ដុំគ្នាច្រើនបង្កឱ្យខូចសន្ដិសុខសណ្ដាប់ធ្នាប់។ល។) ផ្ដើមពីនោះ បង្កើតបានស្នាដៃជាច្រើនសម្រាប់បុគ្គលនិងសមូហភាពក្នុងអង្គភាព បងល្វឹង ទើបតែបានស្នើឱ្យទទួលគ្រឿងឥស្សរិយយស ព្រោះបុព្វហេតុការងារសាសនា ជនជាតិ ឆ្នាំ២០២៤។

ប្រពន្ធបងល្វឹង គឺបងស្រី ង្វៀងធីហ្វាងយីវ បច្ចុប្បន្នជាគ្រូបង្រៀនសាលាអនុវិទ្យាល័យង៉ោគ្វៀង ជាគ្រូបង្រៀនពូកែថ្នាក់ក្រុងឆ្នាំសិក្សា ២០១២ - ២០១៣ ឆ្នាំសិក្សា ២០១៣ - ២០១៤; បងស្រីគឺជាសមរភូមិក្រោយដ៏រឹងមាំសម្រាប់បងល្វឹង លំនឹងចិត្តបំពេញការងារ។ កូនទាំងពីរនាក់របស់បងល្វឹងគឺ ក្វាច់មិញអាញ ទើបប្រឡងបញ្ចប់មធ្យមសិក្សាចំណេះទូទៅជាតិ; ក្វាច់ថាយអាញ គឺជាសិស្សពូកែរបស់អនុវិទ្យាល័យង៉ោគ្វៀង ៤ ឆ្នាំបន្តបន្ទាប់។

ពិសេសគឺ ប្អូនក្វាច់មិញអាញ សិស្សថ្នាក់ ១២ C៣ សាលាចំណេះទូទៅជនជាតិអន្តេវាសិកខេត្ត ជាសិស្សឈានមុខប្លុកថ្នាក់ទី ១២ របស់សាលាទទួលបានជ័យលាភីលេខ ៣ វិញ្ញាសាភូមិវិទ្យាសម្រាប់សិស្សពូកែថ្នាក់ខេត្ត; មានកិត្តិយសបានរដ្ឋមន្រ្តី - ប្រធានគណៈកម្មាធិការជនជាតិ ជូនប័ណ្ណស្ងើចសរសើរសិស្ស និស្សិតយុវជនជនជាតិភាគតិចឆ្នើម លេចធ្លោលើកទី ១០ ឆ្នាំ២០២៣។ មិញអាញ ចែករំលែក ប្អូនធ្លាប់មានបំណងដើរតាមអាជីពរបស់ឪពុក ប៉ុន្តែសោកស្ដាយប្អូនមិនគ្រប់កម្ពស់ ទើបប្អូនសម្រេចជ្រើសរើសមុខរបរផ្សេង។ បច្ចុប្បន្ន ផ្ដើមពីលទ្ធផលរៀនសូត្រនិងប្រឡងសញ្ញាបត្រមធ្យមសិក្សាចំណេះទូទៅ ប្អូនជាប់ជម្រើសនៅមហាវិទ្យាល័យចំនួន៥៖ មហាវិទ្យាល័យសេដ្ឋកិច្ចក្រុងហូជីមិញ មហាវិទ្យាល័យគមនាគមន៍និងដឹកជញ្ជូនក្រុងហូជីមិញ មហាវិទ្យាល័យហិរញ្ញវត្ថុ - Marketing មហាវិទ្យាល័យគរុកោសល្យក្រុងហូជីមិញ។ ប្អូននឹងបម្រុងទៅរៀននៅមហាវិទ្យាល័យគមនាគមន៍និងដឹកជញ្ជូនក្រុងហូជីមិញ៕

យោង៖ កាសែតកាម៉ាវ - ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ