មហាសាមគ្គីជនជាតិ គំរូក្នុងសហគមន៍

27/08/2024 - 08:51

ជិតដិតនឹងប្រជាជន ជួយប្រជាជនអស់ពីចិត្ត

បងសើុងតុង លេខាសាខាបក្សភូមិទឹកប្រៃ ២ ឃុំឡុងភូ ស្រុកឡុងភូ ខេត្តសុកត្រាំង ល្បីថារស់នៅជិតដិតនឹងប្រជាជនជួយប្រជាជនអស់ពីចិត្តនិងធ្វើសេដ្ឋកិច្ចពូកែ។

លេខាសាខាបក្សភូមិទឹកប្រៃ២ សើុងតុង។

បងសើុងតុង ចូលរួមបម្រើការងារនៅភូមិទឹកប្រៃ ២ ចាប់ពីឆ្នាំ១៩៩៥ ក្នុងតួនាទី ភារកិច្ចជាច្រើន មានដូច៖ ប្រធានកងយោធាភូមិ សម្ព័ន្ធយុវជន ការងាររណសិរ្ស ប្រធានគណៈកម្មការប្រជាជនភូមិ បច្ចុប្បន្ន ជាលេខាសាខាបក្ស ភូមិ។ ហេតុនេះ ពេលមានគោលនយោបាយវិនិយោគអភិវឌ្ឍតំបន់ជនរួមជាតិខ្មែរ បងតែងពិនិត្យក្តាប់ច្បាស់លាស់ទឹកចិត្តបំណងប្រាថ្នារបស់គ្រួសារនីមួយៗ ដើម្បីធ្វើសេនាធិការជូនថ្នាក់លើ ស្វែងរកវិធីជួយប្រជាជនប្រកបដោយប្រសិទ្ធភាព។ ពេលបានរដ្ឋឧបត្ថម្ភប្រភពទុន ពូជ ដំណាំ សត្វចិញ្ចឹម គឺបងកសាងទម្រង់ជាច្រើន ក្នុងនោះ មានទម្រង់ចិញ្ចឹមសត្វ ដាំដុះ និងផ្ទេរវិទ្យាសាស្ត្របច្ចេកទេសក្នុងការបង្កបង្កើនផល ដើម្បីជួយជនរួមជាតិខ្មែរអនុវត្ត។ ទន្ទឹមនឹងនោះ បងក៏បានរួមជាមួយអង្គការមហាជននានាពិនិត្យឧបត្ថម្ភសាងសង់ផ្ទះមហាសាមគ្គីជិត១០០ខ្នង ជូនគ្រួសារក្រីក្រនៅភូមិភាគ ដូច្នេះ មកទល់បច្ចុប្បន្ន ក្នុងភូមិគ្មាននៅផ្ទះស្លឹក។ បងសើុងតុង ឱ្យដឹង៖ “ទង្វើណាមានប្រយោជន៍ដល់ប្រជាជននិងសម្រាប់ការអភិវឌ្ឍជនបទ គឺខ្ញុំត្រូវតែធ្វើឱ្យបាន។ ដើម្បីជួយមាមីងពង្រីកការផលិតដាំដុះ ចិញ្ចឹមសត្វមានប្រសិទ្ធភាព ខ្ញុំទៅរៀនវគ្គហ្វឹកហ្វឺនអំពីបសុពេទ្យ ពីរបៀបផលិតស្រូវគុណភាពខ្ពស់ មកណែនាំមាមីងអនុវត្តយ៉ាងមានប្រសិទ្ធភាព បង្កើនប្រាក់ចំណូលដល់គ្រួសារ”។

ជាមួយនឹងការចលនារបស់បងសើុងតុង មាមីងខ្មែរព្រួតដៃកសាងតំបន់ជនបទទឹកប្រៃ ២ កាន់តែមានភាពសម្បូរសប្បាយ។

ដើម្បីបង្កើតបានទំនុកចិត្តប្រជាជនក្នុងភូមិ បងតុង ចិញ្ចឹមគោ ជ្រូកបន្តពូជនិងផលិតពូជស្រូវក្រអូប ដើម្បីលក់ពូជឱ្យមាមីងនៅតំបន់ជនបទ។ ជាមួយនឹងទម្រង់នេះ បានជួយគ្រួសារគាត់មានជីវភាពធូរធារមានលក្ខណៈសម្បត្តិចិញ្ចឹមកូន២នាក់រៀនមហាវិទ្យាល័យ។ ហើយបងក៏បានណែនាំបច្ចេកទេសផលិតស្រូវ ចិញ្ចឹមគោ ជ្រូកដល់មាមីងខ្មែរនៅក្នុងភូមិអនុវត្តមានប្រសិទ្ធភាព ឈានឡើងក្នុងជីវភាព។ លោក ហ្វិញខែន ឱ្យដឹង៖ “ប៉ុន្មានឆ្នាំមកនេះ ដោយបានបងតុង ពិនិត្យដើម្បីរដ្ឋឧបត្ថម្ភផ្ទះ ជំនួយគោមេ២ក្បាល និងបុលទុន ទើបខ្ញុំទិញជ្រូកមេ២ ក្បាលចិញ្ចឹម។ អាស្រ័យបានបងតុងណែនាំបច្ចេកទេសចិញ្ចឹមជ្រូក គោ និងចាក់វ៉ាក់សាំងបង្ការគ្រប់គ្រាន់ ទើបជ្រូក គោ ធំធាត់ល្អ។ អាស្រ័យហេតុនេះ គ្រួសារខ្ញុំមានប្រាក់ចំណូលលំនឹង មានលក្ខណសម្បត្តិចិញ្ចឹមកូនរៀនមហាវិទ្យាល័យ”។

ទន្ទឹមនឹងនោះ បងតុង នៅទាំងចលនាប្រជាជនរួមវិភាគទានប្រាក់បានជាងរាប់រយលានដុង ដើម្បីសាងសង់ស្ពានបេតុងជនបទ ដាក់អំពូលភ្លើងបំភ្លឺផ្លូវបានចំនួន ៩២ បំពាក់កាមេរ៉ាសន្តិសុខ ដាំផ្កានៅតាមដងផ្លូវ។ល។ រួមចំណែកកសាងជនបទភ្លឺ បៃតង ជ្រះ ស្អាត ចលនាសប្បុរសជនជូនអំណោយរាប់រយចំណែក រួមមាន៖ អង្ករ ប្រាក់និងរបស់របរប្រើប្រាស់ចាំបាច់។ល។ ដល់គ្រួសារក្រីក្រ មនុស្សចាស់គ្មានទីពឹងនៅភូមិភាគ។ បងតុង ឱ្យដឹងបន្ថែម៖ “រៀងរាល់ថ្ងៃ ខ្ញុំតែងរៀបចំសមស្របរវាងការងារផ្ទះនិងភារកិច្ច។ ខ្ញុំពិតជាមានមោទនភាព ព្រោះធ្វើបានល្អទាំងការអភិវឌ្ឍសេដ្ឋកិច្ចនិងភារកិច្ចប្រគល់ឱ្យ បំផុតគឺជួយមាមីងរួមគ្នាអភិវឌ្ឍ ដើម្បីជនបទកាន់តែមានភាពសម្បូរសប្បាយ។ ពិសេស គឺសាខាបក្សភូមិទឹកប្រៃ២ ទទួលបានកិត្តិនាម សម្រេចភារកិច្ចឆ្នើម៥ឆ្នាំបន្តបន្ទាប់”៕

លីធាន-មុនី

ចែករំលែកអត្ថបទ

ពាក្យគន្លឹះ