មហាសាមគ្គីជនជាតិ គំរូក្នុងសហគមន៍

19/08/2024 - 16:33

កម្មាភិបាលការពារព្រំដែន បានប្រជាជនស្រឡាញ់ទុកចិត្ត

វរសេនីយ៍ត្រី ចៅឡាយជឺ នៅសង្កាត់មីឌឹក ក្រុងហាតៀង ខេត្តគៀងយ៉ាង។ បច្ចុប្បន្ន សមមិត្តចៅឡាយជឺ ជាបុគ្គលិកបកប្រែភាសាខ្មែររបស់ប៉ុស្ដិ៍ត្រួតពិនិត្យការពារព្រំដែនច្រកទ្វារអន្តរជាតិហាតៀង កងទ័ពការពារព្រំដែនខេត្តគៀងយ៉ាង។

វរសេនីយ៍ត្រី ចៅឡាយជឺ (ទីបីពីស្តាំ) សំណេះសំណាលជាមួយព្រះសង្ឃនិងពុទ្ធបរិស័ទនៅវត្តកោះចន្លុះ គួបផ្សំនឹងឃោសនា ផ្សព្វផ្សាយអប់រំច្បាប់។

ដោយមានអត្តចរិតស្មោះត្រង់ ស្និទ្ធស្នាល សមមិត្តជឺ បានសម្របខ្លួនចូលក្នុងការរស់នៅរបស់ប្រជាជននៅតំបន់ព្រំដែនយ៉ាងឆាប់រហ័ស អនុវត្តបានល្អនូវទិសស្លោក ហូបរួម រស់នៅរួម ធ្វើការរួមស្តាប់និងនិយាយភាសាជនជាតិភាគតិចរួម អាស្រ័យហេតុនោះ សមមិត្តទទួលបានការស្រឡាញ់រាប់អានរបស់ជនរួមជាតិ និងការជឿទុកចិត្តរបស់អង្គភាព។ មកទល់ពេលនេះ គាត់បំពេញការងារបានជាង ១០ ឆ្នាំ និងបានធ្វើដំណើរទៅគ្រប់ភូមិស្រុក វត្តអារាមដើម្បីបំពេញភារកិច្ច និងរួមជាមួយអង្គភាពអនុវត្តបានល្អនូវការងារចលនាមហាជន។

វរសេនីយ៍ឯកបម្រុង ង្វៀងវ៉ាន់តុង ប្រធានប៉ុស្តិ៍ការពារព្រំដែនច្រកទ្វារអន្តរជាតិហាតៀង ឱ្យដឹង៖ “វរសេនីយ៍ត្រី ចៅឡាយជឺ ជាកម្មាភិបាលធ្វើការមានការទទួលខុសត្រូវខ្ពស់។ ក្រៅពីសម្រេចបានល្អនូវភារកិច្ចមុខជំនាញនៅច្រកទ្វារព្រំដែន អង្គភាពនៅទាំងចាត់សមមិត្តជួយក្រុមបំពេញការងារបកប្រែភាសាទៀតផង។ ដោយសាររស់នៅតំបន់ព្រំដែននេះច្រើនឆ្នាំ ហេតុនោះគាត់ស្គាល់ពីទំនៀមទម្លាប់ និងជំនឿរបស់ជនរួមជាតិ។ បំណិនបកប្រែភាសា លាយឡំនឹងដោយភាពកំប្លែង ភាសាជិតដិតនឹងការរស់នៅ និងសកម្មភាពប្រចាំថ្ងៃ ម្ល៉ោះហើយ មាមីងចូលចិត្តខ្លាំងណាស់ ដូច្នេះទើបនាំមកនូវប្រសិទ្ធភាពក្នុងការងារ…”។

“នៅក្នុងមណ្ឌលក្រុងអ្នកណាក៏ស្គាល់ពូជឺ។ រាល់ពេលប្រជុំប្រជាជន ឬសកម្មភាពសហគមន៍ ផ្សព្វផ្សាយច្បាប់ជូនមាមីង មានគាត់គឺបរិយាកាសសប្បាយអត់ទាស់។ ក្រៅពីភាពស្និទ្ធស្នាល រួសរាយ រាក់ទាក់ គាត់នៅទាំងពន្យល់ណែនាំនូវខ្លឹមសារក្នុងឯកសារជាភាសាខ្មែរយ៉ាងច្បាស់លាស់ មាមីងងាយយល់និងធ្វើតាម” - បងស្រី ណុបឡែ នៅមណ្ឌលក្រុងសាសៀ សង្កាត់មីឌឹក បានឱ្យដឹងដូច្នេះ។

វរសេនីយ៍ត្រី ចៅឡាយជឺ សំណេះសំណាល៖ “គ្រប់ការងារ ភារកិច្ចដែលបានប្រគល់សុទ្ធតែមានអត្ថន័យនយោបាយដ៏សំខាន់។ ការងាររបស់ខ្ញុំតែងផ្សារភ្ជាប់នឹងជីវភាពជនរួមជាតិ។ ព្រោះហេតុនោះ បើចង់ធ្វើបានល្អនូវតួនាទី ភារកិច្ច កម្មាភិបាលទទួលបន្ទុកត្រូវយល់ដឹងពីទំនៀមទម្លាប់និងជំនឿរបស់ជនរួមជាតិ។ ខ្ញុំខិតខំរៀនសូត្រដោយឥតឈប់ឈរ ដោះដូរចំណេះដឹង ជិតដិតជាមួយប្រជាជនដើម្បីរៀនភាសាបន្ថែម ស្វែងយល់ពីទំនៀមទម្លាប់; ត្រូវចេះគួរសម ធ្វើយ៉ាងណាឱ្យប្រជាជនស្រឡាញ់ទុកចិត្ត និងចាត់ទុកយើងដូចជាកូនចៅក្នុងគ្រួសារនោះ ទើបសម្រេចភារកិច្ចបានល្អប្រសើរ...”។

ឆ្នាំ២០២១ ក្នុងដំណាក់កាលជំងឺ COVID-១៩ រាតត្បាតខ្លាំង សមមិត្តជឺ បានគណៈកម្មាធិការប្រជាជនខេត្តជូនប័ណ្ណសរសើរ ដោយមានស្នាដៃបន្ទាន់ឆ្នើមក្នុងការបង្ការប្រឆាំងនឹងជំងឺ COVID-១៩; ឆ្នាំ ២០២៣ បានគណៈកម្មាធិការប្រជាជនក្រុងហាតៀង ជូនលិខិតសរសើរដោយមានស្នាដៃឆ្នើមក្នុងការអនុវត្តកម្មវិធីសហការរវាងសមាគមសហសម្ព័ន្ធនារីក្រុង និងប៉ុស្តិ៍ការពារព្រំដែនច្រកទ្វារអន្តរជាតិហាតៀង។ ឆ្នាំ ២០២៤ សមមិត្តជឺ បានបញ្ជាការដ្ឋានកងទ័ពការពារព្រំដែនខេត្តគៀងយ៉ាង ជូនលិខិតសរសើរអំពីស្នាដៃឆ្នើមក្នុងការអនុវត្តទិវាការពារព្រំដែនទូទាំងប្រជាជន ដំណាក់កាល ២០១៩ - ២០២៤។ សមមិត្តជឺ បានអង្គភាពបោះឆ្នោតជ្រើសជាយុទ្ធជនជឿនលឿនច្រើនឆ្នាំជាប់ៗគ្នា៕

យោង៖ កាសែតគៀងយ៉ាង-វិមាន

ចែករំលែកអត្ថបទ

ពាក្យគន្លឹះ