ព្រឹត្តិការណ៍ - នយោបាយ ព្រឹត្តិការណ៍

19/08/2024 - 16:28

ប្រញឹកបង្ហើយឯកសារ បែបបទគម្រោងទប់ទល់នឹងការប្រែប្រួលអាកាសធាតុនិងការផ្លាស់ប្តូររួមតំបន់វាលរាបទន្លេគឺវឡុង

លោកង្វៀងហ្វាងហ៊ីប អនុរដ្ឋមន្ត្រី ក្រសួងកសិកម្ម និងអភិវឌ្ឍន៍ជនបទ ទើបដឹកនាំកិច្ចប្រជុំជាមួយនឹងអង្គភាពនានាស្ថិតក្រោមឱវាទក្រសួងកសិកម្មនិងអភិវឌ្ឍន៍ជនបទ រួមនឹងតំណាងគ្រប់ក្រសួង ផ្នែកមជ្ឈិមនិងភូមិភាគនានាតំបន់វាលរាបទន្លេគឺវឡុង ស្តីពីគម្រោងទប់ទល់នឹងការប្រែប្រួលអាកាសធាតុនិងការផ្លាស់ប្តូររួមតំបន់វាលរាបទន្លេគឺវឡុង (MERIT-WB១១)។

លោកង្វៀងហ្វាងហ៊ីប អនុរដ្ឋមន្ត្រី ក្រសួងកសិកម្មនិងអភិវឌ្ឍន៍ជនបទ
ថ្លែងយោបល់ក្នុងកិច្ចប្រជុំ។

(MERIT-WB១១) អាស្រ័យក្រសួងកសិកម្មនិងអភិវឌ្ឍន៍ជនបទ សហការជាមួយខេត្តក្រុងទាំង១០នៅតំបន់វាលរាបទន្លេគឺវឡុង ផ្សព្វផ្សាយអនុវត្ត រួមមាន៖ ដុងថាប តៀងយ៉ាង បេនត្រែ គៀងយ៉ាង អាងយ៉ាង បាកលីវ ហូវយ៉ាង ត្រាវិញ សុកត្រាំងនិងកាម៉ាវ។ គម្រោងឈានដល់ទិសដៅបង្កើនទប់ទល់ នឹងការប្រែប្រួលអាកាសធាតុនៃដំណើរការផលិតកសិកម្ម និងសហគមន៍តាំងទីលំនៅនៃខេត្តនានា ដែលបានជ្រើសរើសចូលរួមគម្រោងតំបន់វាលរាបទន្លេគឺវឡុង។ គម្រោង MERIT-WB១១ គ្រោងនឹងផ្សព្វផ្សាយអនុវត្តវិនិយោគកសាងសំណង់ ធារាសាស្ត្រជាច្រើន ផ្សារភ្ជាប់នឹងការអភិវឌ្ឍផ្លូវគមនាគមន៍និងដំណើរការឧបត្ថម្ភប្រជាជនពង្រីកមុខរបរចិញ្ចឹមជីវិត ក៏ដូចជាជួយភូមិភាគនានាតំបន់វាលរាបទន្លេគឺវឡុង បង្កើនលទ្ធភាពនៃភាពសុាំនឹងការប្រែប្រួលអាកាសធាតុនិងអភិវឌ្ឍដោយចីរភាព។

គម្រោងប្រើប្រាស់ទុនកម្ចីធនាគារពិភពលោក (WB) សរុបទុនវិនិយោគប្រមាណ ១៧.៧៥៩ ពាន់លានដុង ក្នុងនោះ ទុនកម្ចី ១៣.០៩២ ពាន់លានដុង ទុនបដិភាគ ៤.២៨៨ ពាន់លានដុង និងទុនជំនួយ ៣៧៩ ពាន់លានដុង។ ដើម្បីជំរុញការអនុវត្តគម្រោងក្រសួងកសិកម្មនិងអភិវឌ្ឍន៍ជនបទ បានសហការជាមួយក្រសួង ផ្នែកមជ្ឈិម និងភូមិភាគនានា ប្រញាប់ផ្សព្វផ្សាយអនុវត្តខ្លឹមសារការងារដែលពាក់ព័ន្ធ សំដៅបង្ហើយឯកសារ បែបបទគម្រោង។

ដើម្បីជំរុញការអនុវត្តគម្រោង MERIT-WB១១ អនុរដ្ឋមន្ត្រី ង្វៀងហ្វាងហ៊ីប សំណូមពរដល់ភូមិភាគទាំង ១០ ដែលចូលរួមគម្រោង គប្បីពិនិត្យឡើងវិញជាបន្ទាន់នូវការងារចាំបាច់អនុវត្តដើម្បីធ្វើឱ្យសុក្រឹតឯកសារ បែបបទគម្រោងនិងអនុវត្តពេញលេញរាល់ខ្លឹមសារយោងតាមការប្រកាសនៃសេចក្តីសន្និដ្ឋានលេខ ៣៦៦/TB- VPCP របស់ឧបនាយករដ្ឋមន្ត្រី ត្រឹងលឺវក្វាង។ ពិនិត្យ ផ្ទៀងផ្ទាត់ បញ្ជាក់ពីកម្រិតវិនិយោគនិងលទ្ធភាពបែងចែកទុនបដិភាគនៅភូមិភាគសម្រាប់ការអនុវត្តគម្រោង។ល។ អង្គភាពនានាស្ថិតក្រោមឱវាទក្រសួងកសិកម្មនិងអភិវឌ្ឍន៍ជនបទ គប្បីផ្តុំកម្លាំងពន្លឿនដំណើរការអនុវត្តខ្លឹមសារការងារដែលបានប្រគល់ឱ្យ ព្រមទាំងយកចិត្តទុកដាក់ឧបត្ថម្ភភូមិភាគនានាបង្ហើយរបាយការណ៍ ឯកសារ បែបបទសម្រាប់បម្រើការគម្រោង៕

វ៉ាន់កុង-មុនី

ចែករំលែកអត្ថបទ

ពាក្យគន្លឹះ